(Complete)လျို့ဝှက်သောကြင်ယာတော် (Secret Wife) Normal. Oc..Zgi & Uni

72.သတိပြုမိခြင်း

လျို့ဝှက်သောကြင်ယာတော်

အပိုင်း (72)သတိပြုမိခြင်း

စီချွမ်အင်ပါယာ။
စီချွမ်တောင်ပိုင်းမြို့တော်။
ဂိုဏ်းပေါင်းစုံသိုင်း‌ပြိုင်ပွဲ။

စီချွမ်သိုင်းပြိုင်ပွဲစင်မြင့်။
ပထမနေ့။

စီချွမ်သိုင်းပြိုင်ပွဲစင်မြင့်တွင် ဂိုဏ်းအသီးသီးရောက်ရှိနေကြပြီဖြစ်ပေမဲ့ အဓိကဂိုဏ်းငါးဂိုဏ်းရောက်မလာသေးတာကြောင့် လူအများကလည်တဆန့်ဆန့်ဖြစ်နေကြပြီ

စုစုနဲ့ရှောင်ဟွာကလဲ လူကြားထဲမှာရောပြီးရောက်နှင့်နေပြီးပြီ

စုစုကတည်ငြိမ်နေပြီး ရှောင်ဟွာကတော့ရေခဲတုံးတတုံးဘေးချထားသလို ငြိမ်သက်နေပါတယ်

စုစုကချောမောတဲ့မိန်းမလှလေးဖြစ်ပြီး သူမရဲ့အလှကထူးထူးခြားခြား ရင်ကိုအေးမြစေပါတယ် ဒါကြောင့် ကျင့်ကြံသူယောကျာ်းလေးများကြား သူမကရေပန်းစားပြီး အကြည့်အခံရဆုံးဖြစ်လို့နေတယ်

ရှောင်ဟွာကအနဲငယ်ရုပ်ဆိုးတယ်ဆိုပေမဲ့ သူရဲ့ရှည်လျားလှတဲ့အရပ်ကြီးနဲ့ကျစ်လစ်နေတဲ့ကိုယ်အချိုးအစားတိုါကြောင့် အချို့သောပျိုမေတွေရဲ့ပစ်မှတ်လေးဖြစ်လို့နေတယ်

"အဟမ်း တချို့ တချို့သောသူတွေကတော့နော် ရုပ်ဆိုးအောင်လုပ်ထားတာတောင်မှ ကောင်မလေးတွေကိုဆွဲဆောင်နိုင်တုန်းပဲ ‌အဟေးဟေး "

စုစုက ရှောင်ဟွာကို စိတ်နဲ့စကားဆက်သွယ်ပြောလိုက်ကာ သွားစလိုက်ပြီး သူမကတော့မသိယောင်ဆောင်ကာ ‌ေရှ့ကတဖွဲဖွဲလာနေတဲ့လူတွေကိုကြည့်လို့နေတယ်

အစခံလိုက်ရတဲ့ရှောင်ဟွာကတော့ မျက်နှာကြီးမဲပုတ်လာပြီး ရေခဲအရှိန်အဝါတွေကိုပိုမိုထုတ်လွတ်လာလေတော့တယ်

"နောင်ကြီး ဟောဟိုကိုကြည့်လိုက် အသူရာဂိုဏ်းကလဲရောက်လာပြီတွေ့လား ကျွတ် ကျွတ် ဒီနှစ်လဲသူတို့ကဘယ်သူတွေကိုဒုက္ခပေးဦးမှာလဲမသိဘူး"

အဲ ဆိုင်ရှင် ဟုတ်သားပဲ သူ့ကိုမေ့နေတာ စုစုက ရှောင်ဟွာကိုလှမ်းကြည့်ပြီးမေးဆတ်ပြတယ် ရှောင်ဟွာကလဲ ဆိုင်ရှင်ကိုကြည့်ကာ စိတ်ဝင်တစားနဲ့နားထောင်လိုက်တယ်