كنت ولم اعد

#1

قاعدة تبكي قدام نعش امها تحاول تكتم في شهقاتها لي راهم غير يزيدو يعلاو قاعدة تمتم بكلام مش مفهوم
حتا دخلو خاوتها وصحابهم باش ياخدوها يدفنوها شدت شدت بصح كي شافتهم مخرجينها مقدرتش تشد روحها اكثر تفلقت وبدات تعيط
لانا : يماما وين رايحة ومخليتني يا ماما ارجعي ااااااا وين دايينها رجعوها رجعولي جنتي ماما متتتش ماماتتش تسمعو فيا يا ماما اديني معاك لاه مخليتني وحدي 😭😭😭
جميلة(جارتهم): يا بنتي استهدي بالله راكي تعدبي فيها ان لله وان اليه راجعون الموت حق استغفري وادعيلها بالرحمة ( لي بعيد على يماه بليز 🙏🏻 يسمحلي والله معنيش نفتح جروحكم وربي يرحم اموات المسلمسن كافة 🤲🏻)
الناس تعزي فيها جثتها حاضرة وعقلبها غايب هي وين والواقع وين عايشة في صراع داخلي بينها وبين نفسها امها لي كانت سندها لي بقالها امها لي كانت الام لي تربي والاب لي يشقى بعد ما مات بوها وهي في عمر صغير هاي امها ثاني لحقاتو كيما كانت تقوللها
فلاش باك
قاعدة في سريرها وتشوف في بنتها تنذل ليل ونهار وهي عاجة ماقدرة تحبسهم ولا تمنعهم غير تشوف وتمسح دمعتها علا خدها
لانا: يا جنتي قومي خليني نعاونك تشربي دواك وتاكلي
جنة (ام لانا): سامحيني يا بنتي سامحيني
لانا : امي علاواه نسامحك انا لي لازم نطلب منك اسماح مش انتي
جنة: يجي النهار وين حتعرفي نتمنا تسامحيني لاني مش رح نكون وقتها رح نكون لحقت أدم (باباها)
لانا: يا امي وش هاد الهدرة راح تتعافي وتصيري احسن من قبل ان شاء الله
فلاش باك اند
خلاتها تتلاوح بين خاوتها جود جاد وكارمن ( خليني نعرفكم ببطلتنا لانا هي بنت حلوة عمرها 21 سنة سمينة شعرها شاتان وعنيها نوازات انطوائية عايشة فعزلة عن العالم بسبب الشي لي يفرضو المجتمع وقانون التعامل بالمضاهر لي خلاها دايمن تنهان الرايح والجاي يرمي في كلامو عليها حتا من خاوتها مسلكتش منهم التوأم جاد وجود كبار عليها باربع سنين يعاملوها كانها بونيشة فالدار اما كارمن فمتقلش عليهم مخلات فيها معملت تعتبرها عرة لانو كارمن تهتم بزاف بمظهرها قدام صحباتها ) بعد ما دهور وضع يماها الصحي صارت هي المسأولة رغم انها الصغيرة فيهم تنوض على 4 تصلي صلاتها وتدعي ربها وتنضف الدار وطيبلهم لفطور تعطي دواء لامها وتروح لجامعتها وغالبا ما يروح عليها الكوس و تخلاص عليها تجري للجامعة و بالرغم انو جاد يقرى فنفس الجامعة لي يروح ليها بالطونوبيل بعد ميكون وصل جود وكارمن الا انو ميوصلهاش اصلا لوكان لقا لكان حبسها فالدار ومزادش خلاها تخرج حبط الليل وفرغت الدار مش لانو الناس راحو لا لانو النص لي كان يعمرلحا حياتها راح وخلاها معلقة مزالت تسمع فيها وهي تعيطلها مزالها تسمعها تعيط عليها لانو تاخرت وردتها ذبلت قدام عنيها حتى ماتت وهي مش قادرة تسقيها جازو الأيام ومن ايام رجعو شهور خمس شهور علا موت امها جازو غير ضرب وتعذيب لي يزعم يفرغ فيها لي تقيسو حاجة يردها عليها مترقدش بلا متندرب عملو من عذابها صنعة ومن انينها غنية تهديهم وتطفي غضبهم بلا منحكيو على السم لي تسمعو من لي يسوا ولي ميسواش من لي يصوڨ لكوس قال وشنو مثقلاتو ومتخليهش يمشي والروسوفور لي يقوللها خلصي زوج بلايص والناس لي يقولولها شكون رافدة معاك ولي ولي ولي
قاعدة فبيتها تقرى محست روحها غير مرمية من لجيهة لوخرة وجود يضرب فيها بكوتبيات
جود: وش قتلك انا يا بڨرة ماكفانيش اني حاملك وقاعد نوكل فيك شكون سمحلك تجي تهدري مع ### قدام الناس اه انطقي ولا بلعتي ## لسانك وحدة ### كيفك جايا تهدري معا واحد كيفي انا اللرض وتعاني منك شموصلك ليا انا قدك قد بڨرة ومخك مخ نحلة خاشة البڨرة راي متبانش قدامك
كارمن: زيدلها جود والله مبهدلة بينا كرامتنا وقدىنا كلو صار عالارض قيمتنا لي سنين وحنا نبنو فيها مسحتها
جاد: لالا حبيبتي قعدت عليها برك علبيها معدتش تبان
لانا: سسسامحني والله مش مش قصدي سسسامحني عيششك
بعد ما ضربها وفشو غلهم ڨاع فيها وخسرو عليها كلمة وحدة رايحين للحفلة مناش بايتين هنا خرجو وخلاوها متلاوحة في بيتها
بكات وندبت وعيطت خلاص مش قادرة تزيد اكثر فاض الكاس خمت وما لقات غير انها تهرب تهرب من مصيرها لي يرصمو فيه خاوتها وتخلي ريحت امها راح ترجع وراح تخليهم يندمو على كل كلمة قالوها على كل حرف على كل ضربة وعلى كل دمعة طاحت من عينها شدت صاكادو حطت فيه شويا حوايج وصورة امها راحت لبيت جاد خربت في حوايجو لين لقات كابة فيها دراهم رفدت حوالب 20 مليون حطتهم فالصاكادو شدت ورقة اوبدات تكتب

Who sows the wind reaps the whirlwind
(الذي يزرع الريح يحصد العاصفة)
راح نروح دكا بصح وعد مني اني راح نرجع ونعرفكم شكون لانا

شافت الدار لآخر مرة وخرجت راح تنسى راح تبني روحها وترجع اقوى من قبل وتعطي كل واحد حقو شدت طريقها مش عارفة وين تروح الدنيا ليل والشارع ميرحمش ملقات روحها غير فمحطت لقطار دخلت ملقاتش خاشي يزاف بحكم انو راهي لعشرة تاع ليل حتا سمعت صوت تسجيل يهدر (هاديك لمرا لي يديروها تحكي ان شاء الله تكونو فهمتوني)
المرا: سيصل قطار وهران الى محطة آغا في غضون نصف ساعة شكرا le train de Oran vas arrivé dans 30 min merci
مخمتش اكثر
لانا : سامحني خويا اعطيني بيي لوهران تعيش
لاجون : تفضلي
لانا: شحال نعطيك
لاجون: ميتين الف svp
لانا: تفضل
شديت بلاصة نستنا فالقطار يجي نص ساعة برك تفصلني على حياتي الجديدة حسيتها شهور واخيرا وصل ركبت ورحت قعدت مجيهت التاقة ضو خافت خلاني نروح بعييد ومحسيتش كفاع غفيت مفقت غير علا صوت سحكي
Cher passager on est arrivé a la gare d'Oran terminus de se train veiller de ne pas oublier vos bagages descente adroite
اعزائي لمسافرين وصلنا الى محطت وهران نهاية هاذا القطار احرصو ان لا تنسو حقائبكم النزول من الجهة اليمنى
من جيهة اخرى عند جود جاد وكارمن كانو داخلين حتى لقاو لباب مش مقفول (مشيمغلوق بلمفتاح 😄)
جود: هاديك الدغفة مزالها على عوايدها متغلقش لباب الا ما نربيها من دارة وجديد
كارمن: شد روحك معاها شكلو طبقت الدهون مش عاملتها في باطل
راح هو وياها على غرفتها ملقاوهاش
كارمن زعم وين تكون مع صباح ربي
جود: تكون .اهي طولت وري نشوف
حكمت لمكتوب لي في يدو وبدات تقرى فيه
كارمن: Who sows the wind reaps the whirlwind راح نروح دكا بصح وعد مني اني راح نرجع ونعرفكم شكون هي لانا
جود: وتهدد ####
كارمن: متشوقة نعرف فيل البحر وش راح يدير كي يرجع
جاد: (خبط طابلا وصاح عليهم) خلاص مندمتوش ياخي راهي امانت امكم
كارمن: والله وصرت تعيط مسيو جاد واقيل قالولك عليا سابة خص غير تضربني وقيل تخبطت على راسك وصرت تشوفني 2
سكت وراح لغرفتو لقا خزانتو مفتوحة ولكابة مفتوحة
جاد: ### هاداك مخص غير تسرقني #### هذيك اعطيني الصبر يا ربي
(زعما وش رح يصرا مع لانا وش رح دير في مدينة جديدة وغريبة عليها)