كملنا الماكلة ديالنا وتافقنا نتلقاو فالليل فنفس لبواط مشيت ركبت طموبيلتي ودزت لفاك كانت عندي حصة مع 3 وديك الساعة كانت 12 مشيت خديت قهوة كحلة وهزيت كارو.. متصدموش انا كنكمي فاش كنتوتر.. بقيت جالسة وراسي ضارني مع منعستش حتى وقف عليا جاد... جاد: (مخنزر) اش كاديري نتي انا: (ببرود) والو جالسة علاش جاد: واش كتكمي انا: وي جاد: (حيدولي من يدي) اخر مرة سمعتي انا: ونتا سوقك اش دخلك فيا جاد: غادي نقولها لعمي دبا تشوفي انا: اوكي ياله سير دبا.. بقا كيخنزر وهو يمشي بقيت جالسة حتى وصلات وقيتة ودخلت قريت عندو شوية وصلني ميساج قريتو ونضت جمعت كتوباتي وخرجت حسيت بجاد عينيه ايخرجو بكثرة مكان مخنزر.. لقيت طموبيل كتسناني قدام لفاك ركبت ومشيت..... رجعاتني الطموبيل مع 6 للفاك نزلت وانا نضرب فجاد متسوقتش ليه ومشيت ركبت طموبيلتي وصلت للدار طلعت نيشان لبيتي دوشت ونعست حيت عيييت.. وصلات 12 دالليل تليفوني بدا كيصوني قطعت ونضت لبست حوايجي كسوة قصيرة فالكحل مع بوط بالطالون مشيت بست رسمة ديال ماما ونزلت ركبت طموبيلتي وزدت... فهاد اللحظة شافها جاد وقرر يتبعها مي مالقاش الاثر ديالها عيا ميقلب ووالو... وصلت عند حسن فلبواط حسن: قررت نمشيو اليوما انا: فين غنمشيو حسن: اتمشي معايا للدار انا: علاش حسن: متفهمنيش غلاط انا بغيت نشرحليك غير خدمتنا انا: اوكيي.. ركبت معاه ومشينا فالطريق تعرضت لينا طموبيل انا فهمت البلان.. شكون هادو علاش واقفين فنص الطريق حسن: معرفتش.. وقف الطموبيل وهبط عندهوم بحركة سريعة هزيت تليفوني حطيت فيه واحد الرقاقة كتحفظ كلشي وكتمسحو من التليفون خليت غير تصاوري وشي نماري غير مهمة هزيت ديك الرقاقة لصقتها فعنقي من اللور وبقيت جالسة جاو عندي هادوك هزوني وانا كنتجابد معاهم وكنغوت حتى ضربني واحد لراسي وانا نغيب...... فقت لقيت راسي فبيت مضلم ومربوطة دورت راسي وانا نقشع واحد الكاميرة دورت وجهي بالزربة وبديت كنغوت انا: فين انااا شكون جابني لهنااا.. بقيت كنغوت حتى تحل الباب وهو يدخل واحد الجثة حلي يدي ورجلي وجرني من شعري قربني لعندو الشخص: معامن خدامة انا: هئ هئ انا مخداماش مزال كنقرا عفاك طلق مني... بدا كيضرب فيا وراسي كيزدحو مع الحيط حتى سخفت فقت عوتاني على سطل دالما بارد نضت قافزة لقيت نفس الشخص ديال البارح الشخص: مزال مابغا تقولينا شكون نتي ومعامن خدامة انا: هئ هئ انا سميتي نور وكنقرا فلفاك والله مخدامة الشخص: متعصبينيش وهدري انا: (اناا لي بديت كنتعصب) عفاك مضربنيش انا ماعرفاش علياش كتهدر الشخص: (جرني من شعري ومخرجني) انا غادي نوريك علياش كنهدر.. داني لواحد البيت باين عليه ديال التعديب شدني وبدا كيخشيلي وجهي فالما حتى كنقرب نموت ويعاود يجبدو الشخص: مزال مابغا تهدري.. عاود خشاه وبقا كيعاود نفس شي كثر من 5مرات حتى حسيت بالسخفة انا: (كنهدر بصوت متقطع) حبس غادي نهضر الشخص: ياله طلقيني انا: (كنحاول نلتاقط انفاسي) انا كنت غادي نخدم مي مزال الشخص: كيفااش انا: كنت غادي نخدم مع واحد الرجل عارفة بلي سميتو حسن والله ماعارفة شي حاجة اخرى مي مزال مابديت الخدمة الشخص: كضحكي عليا دبا ولا شنو انا: لا والله مكنضحك الشخص: وااخة الالة.. جرني من يدي وداني جلسني فوق واحد الكرسي ربطلي يدي ورجلي وبدا كيديرلي فالصعقات الكهربائية وكل مرة كيسولني كنقولو معرفتش وكيزيد فالدرجات حتى بدا الدم كيسيلي من نيفي عيا وهو يهزني لاحني فالبيت بقا كيضرب فيا حتى حسيت بالدوخة وهو يبدا يحيد حوايجو الشخص: ممم اليوما نستمتعو انا وياك شوية انا: (افف ياربي اش هاد الحصلة) عفاك لا والله ماعارفة شي حاجة واش نكدب عليك هئ هئ.. مداهاش فيا وكمل تحياد حوايجو وهو يتلاح عليا انا كنحاول نبعد حتى تعصبت جيت نضربو وهو يتحل الباب دخل حسن ناض لاخر جمع حوايجو وخرج انا: هئ هئ حسن: نور سمحيلي انا: شنو درت باش درتولي هادشي ولا حيت عرفتي معنديش والدين لي يحميوني وبغيتي تعدا عليا حسن: لا ماشي هكاك غير خدمتنا خطيرة شوية وبغيت نتأكد بلي نتي ماشي جسوسة انا: عفاك خرجني من هنا حسن: ياله زيدي نديك للكلينيك.. داني للكلينيك تفدعت فيدي وشي جروح شدوني يومين حتى تحسنت شوية تما وقنعت حسن باش نرجع لدار وافق وخدالي شي حوايج ومشا فحالو صبح الصباح عاوناتني الفرملية لبست حوايجي وشديت يدي بحاملة داير على عنقي باش يدي متحركش نزلت لقيت طموبيل ديالي جابوها ركبت وسgت غير بشوية وكنحاول نركز فالطريق وتأكدت بلي تاواحد ماتبعني عاد مشيت للقصر... وصلت خديت شهيق زفير ودقيت فالباب...
