جاد: مالكم ام رقية: ديها اولدي عند شي طبيب وشوفو اشنو واقع جاد: شنو غنقوليها نديك عند طبيب نفساني ام جاد: اويلي اولدي اشمن طبيب نفساني ديها ديال النساء جاد: وشنو غيديرليها ام رقية: يمكن اولدي والله اعلم مرتك حاملة حيت مكاينش شي حد كيكره ولادو جاد: (تصدم) زعما يكون بالصح.. جات تجاوبو ماماه وهو يصوني تيليفونو جاوب وقطع... سمحولي نمشي دبا عندنا شي عملية ام جاد: وخا اولدي سير الله يعاونك جاد: اميين *عند رقية* لبسات كلشي فالكحل وبديك النظرة القاسية ديالها وخطواتها الثابتة دخلات للمركز كلشي كيديرليها التحية حتى وصلات لمكتب الرئيس الرئيس: كيف العادة مواعيدك مضبوطة انا: بطبيعة الحال... بغيت نشكرك على المساعدة ديالك داك النهار فالكوميسارية الرئيس: انا مدرت والو مسحت غير لقطات من الفيديو انا: ولو شكرا حيت مبغيتش يعرفو حقيقتي راك عارف الرئيس: وي عارف لي كاين المهم دبا نتي سيري لقاعة الاجتماعات وغادي نعلمك قبل مانمشي واش نجحو فالاختبار ولا لا انا: شكرا.... خرجت مشيت لغرفة الاجتماعات جلست فكرسي الرئيس وعاطية بظهري للباب..... وصلني ميساج بلي المهمة مانجحتش... من بعد دقائق دخلو للقاعة واصواتهم متعالية انا: (مزالة عاطياهم بالظهر... بالغوات) سكااااااااات... كلشي صقل.... تبارك الله على سيادي غبرت شهرين درتو فضايح... مي هانا رجعت وكنقسمليكم بالله مغاتشوفو النهار الزوين فحياتكم ابتداءا من اليوم.... هاديك مهمة كيفشلو فيها الناس.. انا متاكدة مبقيتوش كدربو.. وباش منضلمكش دبا غادي نجرب كل واحد فيكم وياااويلو هدا لي مينجحش فالاختبار... قلبت الكرسي وتقابلت معاهم شفت نيشان فسناء لي رجعات صفرة.... فرييق التنين الاسود يفشل فمهمة بحال هادي... ولعلمكم هاداك كان اختبار وسقطتو فيه كااملين... هاد الليلة مكاين نعاس ودبا غادي تنوضو تلبسو حوايجكم ونلقاكم فالساحة ياااله تحركو سناء: (مع جيهان) اويلي شكون هادي انا: (بالغوات) التنين الاسود مكايعودش هضرتو.. تحركووووو.... كلشي خرج وجا عندي جاد جاد: مزال معصبة انا: مشيتي خرجتي وخليتيني بوحدي يااك صافي مبقيتيش كتبغيني جاد: (شك بلي بالصح حاملة) شش انا كنبغيك وكنحماق عليك.. سمحيلي حيت خرجت انا: ممسامحاكش يااله خرج عليا سير وجد راسك جاد: المهم عنداك تجري ولا ضاربي ها ودني منك انا: ماشي نتا لي غتوريني اش غندير... خنزر فيها وخرج وهو كيتمنى غير فوقاش يوصل الصباح يديها للطبيب
