عيطت لخالتي فاطمة (السيدة لي عاونتها حتى دارت العملية للتذكير) انا: الو خالتي لباس عليك خ. فاطمة: اهلا بنتي توحشتك واش رجعاتليك الذاكرة انا: اه اخالتي خ. فاطمة: كان قالي ولدي عمر بلي فقدتيها ومقدرناش نجيو عندك حيت اصلا معقلتيش علينا انا: ماشي مشكل اخالتي دبا انا عارضاك للسبوع ديال ولدي خ. فاطمة: علاش ابنتي نتي مزوجة انا: هههه حتى تجي اخالتي ونشرحليك وجيبي معاك الدراري راه توحشتهم خ. فاطمة: واخة ابنتي.. قطعت معاها وجا حبيبي جاد جاد: (باسليها يدها) معامن كنتي كتهضري انا: غير مع خالتي فاطمة عيطليها تحضر للسبوع جاد: ااه مزياان... اش غاديري دبا انا: غادي ندخل ندوش حيت مبقا والو وتجي الكوافورة جاد: ندوشليك انا انا: ههههه لا سير بعد مني انا دبا فكونجي جاد: (هزها) مال عقلك موسخ انا غير بغيت ندوش لبنتي انا: انا بنتك هههه جاد: اه نتي بنتي وماما وحبيبتي وختي ومرتي نتي حياتي كولها انا: (بستو) الله يخليك ليا... دخلني للدوش دوش ليا كمل ولواني فالفوطة هزني وخرجني جاد: (باسني) بصحتك احبيبتي انا ندخل ندوش ونخرج انا: اوكي حبيبي... دخل جاد وانا نضت لبست بيجامة خفيفة ولويت شعري فالفوطة ومشيت عند حبيبي جود لقيتو حال عويناتو هزيتو بقيت كنلعب معاه... خرج جاد لاوي الفوطة على نصو وكيمسح شعرو بالفوطة شافهم وتبسم ابتسامة رضا.. فرحان حيت كون اسرة مع الانسانة لي ملكات قلبو من اول تصويرة شافها... تقدم جيهتهم باسها فعنقها انا: (بابتسامة) بالصحة جاد: الله يعطيك الصحة... شد يد جود باسها... اش هاد اليدين صغيورين بزااف انا: هههه وي انا كنخاف نقيسو يتهرس جاد: لا ولدي رااااجل تبارك الله عليه شوفي غير التغوبيشة لي داير انا: واييه كيشبه لواحد الشخص كنعرفو جاد: كدقي عليا انا: مالك باب باش ندق عليك جاد: كطنزي عليا دبا... هز جود حطو بلاصتو ودار لعندي جيت نهرب وهو يجرني من رجلي... اجي لمك نوريك التغوبيشة كيدايرة انا: ههههه اويلي بعد مني راه دبا تلقاهم داخلين عندي... مداهاش فيا ونقز عليا شدلي يدي وحدر لعندي ياله بغا يبوسني وهي دخل ماما وخ. حورية... شافهم جاد وهو ينوض بالزربة وهو يشوف لقا راسو غير بفوطة وهو يجلس ودور وجهو... انا رجعت حمرة من الحشمة وحتى تصرف جاد قتلني بالضحك... ماما وخ. حورية شافو داكشي وهوما يخرجو انا: بااز مكتسمعش للهضرة ونوض لبس حوايجك وسير خليني نوجد راسي راه مبقا والو ويجيو الناس جاد: واخة لمك حتى الليل هاني كنجمعليك... ناض لبس حوايجو وخرج وهي دخل ماما وعكوزتي بقاو كيتغامزو عليا ويضحكو... اما انا غراقيت فبلاصتي من الحشمة مفكاتني غير الكوافورة..
