خديت قهوة كحلة شربتها وتبعتهوم كنجري سالينا ولالة ريم سخفانة مزال مشافت والو انا: ياله تحركو لقاعة الرياضة ريم: (سخفانة.. هادي بغا تقتلنا).. دخلنا لعبتهوم على gاع الالات ودزنا للقتال انا: محمد (شخص ضخم) غادي تقاتل مع ريم ريم: اويلييي شوفي قداش انا: نفذي الاواامر ياله تحركو... بداو كيتقاتلو وعطاها قتلة دالعصا حتى بقات فيا انا: صافي براكة اليوم سالينا مي نتي مزال بنتيلي ضعيفة عندك 5دقايق ترتاحي فيهم ريم: (سخفانة) علاش اش غندير.. خليتها مجاوبتهاش كملات 5دقايق وانا نرجع لعندها انا: ياله تهزي.. تبعاتني خرجنا للساحة... ياله نقزي هاد الحواجز ريم: عفاك مغنقدرش انا: تحركي... مشات بدات تنقز وطيح حتى رجعو ركابيها كلهم مجروحين... صافي نتمنا تكوني استافدتي... خليتها دخلت دوشت ومشيت للبيرو ديالي جلست كنخدم شوية حطيت راسي على البيرو وانا نعس... *عند جاد* فقت شفت الساعة لقيتها 10 دالصباح جاد: افف نعست بزاف.. درت ملقيتش رقية.. رقية فييينك واا رقية فين مشات هادي.. جيت نوض وانا نلقا ورقة محطوطة حداية هزيتها وقريتها..《صباح الخير حبيبي انا راه مشيت للخدمة مع 5.. كنبغيك》افف منك ارقية.. نضت غسلت وجهي لبست تيشورت ديالي ومشيت للمركز دخلت وهي تعرضلي ريم ريم: (كتحلون) علاش مجتيش مع 5 ولا بنت عمك كدير الفرزيات حنا جينا ونتا لا.. وشوف ركابيا كيفاش رجعو بسباب بنت عمك انا: (تعصبت) سيري من قدامي اريم الله يخليك.. مشيت وخليتها مصدومة اول مرة نهضر معاها هكا مي انا مبغيتش رقية تقلق مني.. مشيت للبيرو ديالها نيشان حليت وانا نلقا ملاكي ناعسة سديت الباب قربتليها وانا مبتاسم جلست على ركابيا وبديت كنحيد الشعر على وجهها بستها فحنكها وهي تحرك رقية: (بصوت ناعس) حبيبي جيتي انا: وي حياتي علاش خليتيني نعس وجيتي رقية: (عنقتو) بغيتك ترتاح.. هزها وجلس فوق الكرسي وهي حشات راسها فعنقو انا: حتى نتي خاصك ترتاحي شوفي كيفاش دايخة بالنعاس رقية: متخممش راني مولفة انا: ممم بااينة مولفة.. شوفي كيفاش تحشيتي فيا ونعستي رقية: (زيرت عليه) هههه توحشتك انا: احح اقلبي حتا انا توحشتك... بقات متكية حتى ترخات شفتها وانا نلقاها ناعسة كتبان بحال الملاك بستها وانا نوض هازها مابين يدي ركبتها فطموبيل وكسيريت موقفت حتى وصلت لداري طلعتها نيشان لبيت فين نعسات ديك المرة حيدتليها صباطها وغطيتها بقيت كنشوف فيها حفظت ملامحها.... خليتها ناعسة وهبطت للكوزينة بديت كنوجد الغدا... وصلات 1 كنت ساليت طلعت للبيت لقيتها ناعسة على كرشها بديت كنضحك قربتليها انا: حبيبتي نوضي براكة من النعاس رقية: ممم انا: هههه انوضي اديك الحمقة رقية: (تكيت على ظهري) فين انا انا: فدار حبيبك رقية: اويلي فوقاش جبتيني انا: هههه فاش نعستي فحضني ياله نوضي تغداي رقية: اوكي.... هبطت معاه تغدينا وجمعت دوك الماعن غسلتهوم... ياله نرجعو للخدمة انا: اوكي حبيبتي.. مشينا للمركز باسني عاد خلاني نهبط دخلنا انا وياه شافتنا ريم وبدات كتخنزر فيا مديتهاش فيها دخلت للبيرو ديالي وبقيت كنخدم حتى 5 وانا نخرج مشيت للدار دوشت ولبست كيطمتي وشديت الطريق للصال...
