بقينا غاديين كنتمشاو فالرملة حتى بديت كنحس بالعيا.. انا: افف عييت اجي نجلسو شوية جاد: اوكي اجي لهنا... جلسنا وبقينا ساكتين كنشوف فالبحر حتى جاني النعاس وبديت كنتفوه جاد: جاك النعاس انا: اه جاد: ياله نرجعو للدار... وقف ووقفني وبقا شاد فيدي حسيت بقلبي غادي يخرج من بلاصتو شوية وقفات علينا واحد البنت ريم: (باست جاد فحنكو) جاد سافا.. ااه رقية لباس عليك... بقات كتشوف فيها وهي تنتابه لكرشها جاد: حمد الله ونتي ريم: حمد لله رقية تزوجتي ومعرضتيش علينا... انا بقيت غير كنشوف فيها شكون هادي... مالكي مكتهضريش انا: شكون نتا ريم: كيفاش شكون انا جاد: احم نخليوك دبا رقية ياله نمشيو انا: صبر انا معاقلاش عليك حيت انا فقدت الذاكرة ريم: (هدا كلو زهر عندي) اه اوكي انا ريم خدامة معاك انا: (باستغراب) فين خدامة ريم: فمركز المخابرات المغربية انا: ممم اوكي جاد: ياله بسلامة... جرني جاد من يدي ومشينا للطموبيل ركبنا وبقينا غاديين حتى هضر جاد جاد: اي حاجة قالتهاليك ريم متيقيهاش انا: علاش جاد: حيت كنتو مدابزين ومكتحملكش انا: ممم اوكي... حطيت راسي على الزاج حتى بدا كيجيني النعاس وانا نقفز... جااد حبس جاد: (وقف) ماالك انا: (ببراءة) بغيت الصوفا جاد: من نيتك راه كليتي بزاف انا: عفاك😢😢 جاد: (قربليها وكيمسح دموعها) ششش صافي هانا انجيبهاليك... خرج جابهالي وعطهالي بقيت كناكل فيها حتى كملتها... لقيت راسي وصلنا نزلت ودخلنا للدار لقيتهوم عاد باغيين يتغداو وحاطين الطاجين مشيت كنجري جلست انا: (بلهفة) عطيوني الخبز😍😍 جاد: (تخلع) اويلي مزال فيك الجوع راك كليتي بيتزا من الحجم الكبير بوحدك وسلاد ولكلاص وزيد عليها الصوفا ومزال باغا تاكلي😨😨😨 انا: 😢😢😢.. جيت نوض وهي تشدني خالتي حورية خ. حورية: جلسي ابنتي تاكلي ونتا دخل سوق راسك ويلا بغيتي شي حاجة اخرى انا نطيبهاليك.... كلشي بقا كيشوف فيها حيت ولات كتبكي دغيا اما جاد بقا فيه الحال فاش شاف دموعها... تنهد ومشا طلع لبيتو..... جلست كليت مزيان وانا نطلع لبيتي دخلت دوشت ومشيت تكيت.... فقت وقلبي مروع وشداني الدوخة دخلت للطواليط كنرد غسلت وجهي وهبطت لتحت جلست فالجردة كنشم فالهوا ياكما تحيد مني هاد الدوخة... هكا دازت سيمانة مع ماما حبيبتي وجاد لي غير كنشوفو قلبي كيبدا يضرب وكنبغي غير نبقا نشوف فيه.. جالسة فالجردة حتى جات ماما جلست حدايا وحطيت راسي على كتفها ماما: مال بنتي انا: فيا السخفة وعياانة ماما: (كدوز يديها على شعري) صبري ابنتي هدا هو الوحم انا: (تنهدت) واخة ماما: كاينة شي حاجة مقلقاك غير هضري انا: كنت مولفة مكنخبي عليك والو وحتى دبا غادي نقوليك ماما: ياله انا كنسمع انا: فاش كيقربلي جاد كيبدا قلبي يضرب وكنبغي غير نشوفو ونشم ريحتو.. ودبا من الصباح ماشفتو توحشتو ماما: هههه بنتي واش كتبغيه انا: ا لا لا واصلا واخة نبغيه واش هو غادي يبغي وحدة حاملة ماما: (بقات فيها) نتي راك غزالة واي واحد يتمناك انا: ممم اوكي... شوية لمحت جاد وانا نتقاد فالجلسة وبقيت متبعاه بعيني ومشيتو الرجولية كتحمقني.... شافت فيها ماماها لقاتها ساهية فجاد وهي تعيطلو.... غير سمعت ماما كتعيط لجاد قلبي بدا كيضرب جاد: (بقا كيشوف فرقية والحنيكات مزنكين) نعام اخالتي ماما: عفاك اولدي جلس مع رقية شوية راه قنطات والبنات مكاينينش وانا غادي نخرج انا: (شديت فماما) اويلي اماما جاد: ياكما مبغيتينيش انا: ا.. لا صافي جلس... مشات ماما كضحك وهو جلس حدايا ضرباتني ريحتو محسيت براسي حتى قربتلو وبقيت كنشمها...
