عصام: تهدني كلشي كيتحل بالعقل عنداك تهوري انا: اففف خايفة هادو يشوفوني معاه انا مبغيت تاواحد يعرف عصام: ونتي سوقك فيهم نتي عندك هدف غادي تحققيه ويوقع لي يوقع انا بجنبك انا: (شديتلو يدو) شكرا الله يخليك ليا زياد: اش كتوشوشو من قبيلة جيهان: هههه سكت حشومة خسرتيلهم اللحظة انا: (ببرود) شكون نتي باش تهدري بهاد الطريقة معايا من الاحسن دخلي سوق راسك ولا غادي نتفاهم معاك سمعتي.. كلشي سكت وكيشوفو فيا وفيها هي سرطات لسانها شوية صونا تيليفوني هزيتو وشفنا انا وعصام شكون كيصوني وشفنا فبعضياتنا نضت جاوبت ورجعت طلعت لبيتي بالزربة لبست حوايجي ونزلت كنجري انا: عصاام ياله بالزربة جاد: فين غاديين فهاد الوقت عصام: معرفتش المهم نخليكوم هاد الساعة.. جا كيجري ركب معايا وكسيريت....... رجعنا للدار مع 6 دالصباح دخلت لبيتي بدلت وطحت نعست فقت مع 12 لبست ومشيت عند خالتي فاطمة فطرت معاهم داز نهار زوين تعاونا انا وخالتي فتوجاد الفطور.. ساليت عاونتها فالماعن وتوادعت معاها ورجعت للدار جاد: فين كنتي البارح خرجتي كتجري نتي وعصام مرجعتوش بكري ودبا نهار كامل غابرة انا: هاد النهار كنت عند خالتي فاطمة فطرت معاها وصافي جاد: (تنهد) اوكي.. طلعت لبيتي وهكا داز نهار وجا النهار التالت تافقنا انا وعصام على شنو غنديرو.. جلسنا كنفطرو اخر فطور ليا معاهم عصام: بغيتكوم كاملين مور الفطور نهدر معاكم بابا: ياك لباس اولدي عصام: كل خير اعمي بابا: واخة.. كملنا وخرجنا للجردة جلسنا كاملين حتى ناض عصام ووقفني انا: شنو كاين عصام: (حنا على ركبتو) تقبلي تزوجي بيا.. معرفتش وخا هادشي كامل تمتيل شفت جاد لقيتو خنزر ومزير على يديه انا: (كنبين راسي معصبة) عصاااام وقف وبراكة من هاد الهبال ديالك عصام: (وقف) كيفاش هبال واش انا كنطلبك للزواج ونتي كتقولي الهبال انا: عصاام سير بحالك ومعمرك توريني وجهك بابا: بنتي حشمي انا: بابا خليني ونتا اخر مرة نشوفك عصام: واخة الالة رُقية سمحيلي انا حمار.. بقيت واقفة كنشوف فعصام حتى جا جار باليزتو وركب طموبيلتو ومشا.. طلعت لبيتي بجرا وسديت الباب بديت كنجمع حوايجي شوية كيدق شي حد حليت الباب لقيتو بابا بابا: (عنقني) انا ديما معاك واخة غلطتي وجرحتيه انا: الله يخليك ليا ابابا.. بابا نطلب منك طلب بابا: طلبي لي بغيتي انا: نقدر نمشي بغيت نسافر شي يامات بابا: علاش ابنتي خليك حدايا انا: بغيت نرتاح ومتخافش ماشي اول مرة هادي بابا: واخة ابنتي على خاطرك انا: شكرا.. هبط بابا وكملت جميع حوايجي وهزيت الرسمة ديالي حطيتها مع الحوايج لبست وقاديت شعري حتى دخل عندي جاد جاد: اش هادشي سمعت انا: شنو سمعتي جاد: عمي قالينا غادي تمشي انا: وي جاد: (تعصب) جلسي ماعندك فين تمشي انا: (ببرود) بصفتك شكون كتمنعني بابا ومادرهاش جاد: (تنهد) اوكي مي قولينا فين غتمشي انا: غادي نسافر هادشي لي نقدر نقوليك.. جريت الباليزة ودزت من حداه وهو يشدني من يدي... احم طلق مني جاد: (عنقني) مغاديش نمنعك مي مطوليش انا: (ياريت نقدر نجلس مي مبغيتكش تعرفني شكون انا) واخة.. تعليت بستو فحنكو ومشيت حتى وصلت للباب وهو يحبسني حدر لعندي باسني بوسة خلاني ندوب فيه جاد: (حط جبهتو على جبهتي) كنبغيك وفرحت حيت مقبلتيش عصام انا: (تصدمت اخر حاجة نتوقعها هي يبغيني شي حد وانا فهاد الحالة) احم خليني ندوز جاد: اوكي انا غادي نخليلك وقت تفكري.. باسني فعنقي حسيت بتبوريشة.. متغيبيش بزاف انا: واخة.. سلمت على بابا وركبت طموبيل تاكدت حتى واحد متابعني ومشيت للفيلا ديال عصام
