الرئيس: كنظن التنين الاسود غني عن التعريف بلا منقوليكم شكون هو.. واصلا رقية بنت عمكم ياك اجاد جاد: (مصدوم) اه اه بنت عمنا الرئيس: كنظن فاش ياله جات كانت اختفت واحد 3ايام تما كان خطفها حسن وعدبها زياد: علاش الرئيس: حيت كانت غادي تبدا الخدمة عندهم وباش يتأكدو بلي ماشي جاسوسة قامو بتعديبها.. مي ماداو منها والو تبارك الله عليها.. جاد بقا كيشوف فيها وتفكر الطبايع الزورق لي كان شاف فيديها بدا كيعاير راسو حيت معرفش الحقيقة ومعاونهاش ياسين: واااو دبا انا جلست مع التنين الاسود وكان كيطيب ليا الفطور.. نووو ممتيقش راسي عصام: ههههههه سكت دبا تلاح عليك انا: (جبدت الوراق) هادو هما الصفقات لي كيقوم بها حسن.. مديتهوملو شدهم الرئيس وتبسم.. وهزيت الورقة لي رسمت فيها عطيتهالو.... وهدا هو البوص الرئيس: تبارك الله عليك فعلا التنين الاسود انا: هادي خدمتي.. نخليكم دبا نمشي نكمل التحقيق الرئيس: وي خودي راحتك.. مشيت وخليت الاخرين مزال مصدومين وصلت لقاعة التحقيق لقيت حسن جالس وداير رجل على رجل انا: تبارك الله تبارك الله قهوة عندي انا.. بالغوات.. تهز وقف فاش انا ندخل نتا توقف.. فهاد اللحظة دخلو ولاد عمها وياسين وجيهان وعصام للقاعة لي كطل على قاعة التحقيق فارقاهم مرايا مي رقية مكتشوفهومش حسن: اوووه لالة نور شرفات كنقصد رقية البراكة فراسك من جيهة الوليد.. #فلاش_باك فاش الدراري مشاو جا عصام ومعاه الرئيس خرجوني مشيت شربت وغسلت وجهي وصيفط لي يجيبلي حسن لقاعة التحقيق... حسن: ممم صدقتي ذكية انا: وي هادي شي حاجة عادية حسن: مي دوماج ماشي كثر مني انا: كيفاش حسن: ممممم لالة رقية باباك كيدوز اخر لحظات انا: (شنقت عليه) كيفاااااش حسن: كان كيسحابلي نتي اذكى من هكا.. جايبالي ولد عمك صدق بوليسي وكضحكي عليا واخة ياله البارح فالليل عرفت بلي ولد عمك وعندك اب مكان عندي كندير حيت كنتي عارفة الوقيتة والمكان ديال التسليم انا: فين بابا حسن: هههههه علاش مشفتيش ولاد عمك مشاو راه وصلهم الخبار وحتا انا صيفط لي يكمل عليه الى مامتش... بديت كنضرب فيه حتى سخف جا عصام قالي الكلينيك فين كاين والباقي راكم عارفينو #الحاضر انا: ههههه نو مزال عايش الحمد لله حي يرزق.. ااه وانا مسميتيش نور ورقية هاديك غير فالدار فالخدمة عندي سمية اخرى حسن: شناهيا انا: نخليك تكتاشفها بوحدك.. جبدت gارو وجلست درت رجلي فوق الطبلة وبديت كنكمي وهو واقف كيشوف فيا.. جلس وحط يديك فوق الطبلة.. دار داكشي لي قتلو وقفت ومشيت وقفت موراه وانا نحط الgارو فوق يديه حسن: اااااااييييي انا: تيك تاك تيك تاك.. كنهضر فودنو... فين خبعتو ماما حسن: (كيرجف) شكون ماماك انا: هضر بشوية قبل منقتلك فبلاصتك ماما العميلة ليلى نسيتيها حسن: ك..كيفاش... تقاديت فالوقفة وجمعت شعري حيدت جاكيط كنت لابسة اكس كحلة مشيت قدامو علقت جاكيط فواحد المسمار درت ولقيتو مطرطق عينيه انا: (بهدوء) مالك حسن: ش..شكون نتي انا: ممم شكون انا... انا التنين الاسود عرفتيني دبا حسن: (مصدوم) التنين الاسود بنت انا: (حطيت يدي على طبلة وحدرت عندو) كيجاوك البنات.. سرط لسانو وانا نوقف قدام المراية غمضت عيني وسديتهم وشيرت بيدي... جاد: مالها واش نمشيو عندها عصام: (تنهد) لا.. مد يديه وشعل الموسيقى وهي تطلق فديك القاعة عادل: اش هادشي علاش طلقتي الموسيقى عصام: حتى تخرج وسولها.. هز تيليفونو ودوز واحد واحد النمرة ....: شنو وقع عصام: تيك تاك ....: اوكي هاني وصلت للمغرب قربت نوصل عصام: اوكي جاد: كيفاش تيك تاك عصام: والو.... تطلقات الموسيقى ومشيت لعندو انا: (وقفتو وشنقت عليه) فييين ماما حسن: ماماك ماتت.. ضربتو حتى طاح وانا نهزو كاليتو مع الحيط وكنضرب فيه انا: (كنغوت) انا عارفاها حية غير قول باش منقتلكش.. بقيت كنضرب فيه بكل وحشية وعصبية حسن: (شاد جنبو) عفاك حبسي صافي غنقولك انا: (حبست) ياله هدر حسن: هي مزال عايشة مي معارفش بلاصتها انا: (شنقت عليه) شنو درتو فيها اكيد عدبتوها حسن: لا مقصتهاش انا: (حابسة البكية ومعصبة) غادي نقتل اي واحد كانت عندو يد فتعديبها حسن: (خايف) عفاك متقتلنيش... رجعت كنضرب فيه حتى رجع كلو دمايات كنشوف مابين عينيا ماما معدبة ومعرفت يقدرو يكون اغتاصبوها حتى تهزيت من فوقو..
