*عند جاد* داك النهار فاش كنت فلبواط مع خويا وولاد عمي جالسين كنهضرو حتى كنشوفهم مصدومين انا: مالكم حمزة: (مصدوم) شوف شكون دخل.. درت وانا نلقا رقية لابسة كسوة مزيرة عليها وقصييرة.. gاع الرجال كيشوفو فيها كنت غادي لعندها حتى وقفني عصام عصام: جاد اجي معايا جاد: خليني نهضر بعدا مع رقية عصام: لا زيد معايا.. جرني جلسني... سمعوني كاملين ديرو راسكم مكتعرفوش رقية راها فالخدمة دبا حمزة: اينا خدمة عوتاني عصام: هي دبا فواحد العملية واي تصرف منكم غادي يخسرهاليها... سكت وبقيت كنشوف فيها حتى جا عندها واحد وجلسو كيهضرو ويضحكو شوية ناضو شطحو كانو قراب من بعضهم بزاف مقديتش نصبر وانا نمشي لدارها جلست كنتسناها... شوية دخلات هضرات معايا مي انا كنت معصب وقصحت معاها فالهضرة مشيت وخليتها مصدومة وصلت لداري هرست gاع الماعن حتى تهدنت وطلعت نعست صبح الصباح مشيت للخدمة معبرتهاش وخا كنتقطع من الداخل مي خاصني نربيها.. داز شهر شحال من مرة جات عندي مي كنت كنعايرها حتى معاوداتش هضرات معايا كنت ديما مراقبها وفوقما كنشوفها مع لاخر كنزيد نتعصب... اليوم كان عيد ميلاد ريم لي هاد الشهر ديما لاسقة فيا شافت رقية ولسقات فيا وهي تعيطليها المهم هضرو انا غير كنشوف فيها كانت فنة تشهيت نعنقها... دخلات للحفلة كانت رااائعة بقيت غير كنشوف ومطرطق عينيا فيها كانت بحال الاميرة مي فاش قالت العقبة تحضر لخطوبتي انا وريم تصدمت وعرفتها رجعات رقية باردة المشاعر وهادشي انا سبابو.... شوية دخلو رجال هازين السلاح كلشي سكت وجالسين كيترعدو مشا واحد ضرب رقية تما انا فشلت فاش شفتها مغيبة والدم نازليها من راسها جيت نمشي عندها الرجل: يتحرك شي واحد نخوي هاد السلاح فراسها.. بقيت واقف وانا عاجز ننقد حبيبتي هزها هداك ومشاو شفت عصام لقيتو كيهضر فالتليفون مشيت كنجري عندو انا: (بخوف) شكون هادوك لي داوها عصام: مفهمتش علامن كتهضر انا: (تعصبت) على رقية عصام: علاش نتا كتعرفها.. المهم نخليك دبا مع حبيبتك بسلامة انا: اش كتخربق جاوبنيي عصام: فاش كانت كتجي تهضر معاك كنتي كتسبها وتجري عليها دبا عاد بانتلك انا: عارف راسي غالط وكنت قاصح معاها مي ندمت عفاك شنو وقعليها عصام: اففف زيد معايا نخرجو من هنا بعدا انا: واخة... ركبنا فطموبيل ديال عصام ومشينا للفيلا ديال الياس لقيناه مع البيسي عصام: حددتي الموقع ديالها الياس: (عينيه فالبيسي) اه راه دبا فالخرجة ديال المدينة انا: شي واحد يشرحلي عصام: سمع نتا عارف دبا هي بدات فواحد العملية واليوم خطفها البوص مي مزال معرفنا علاش انا: اش بغات من هادشي شنو هدفها عصام: الانتقام للام ديالها انا: واش هو لي قتل ماماها عصام: (شاف فالياس وحدر راسو) اه انا: (بشك) اوكي دبا شنو خاصنا نديرو عصام: غادي نصبرو حتى تعطينا رقية اشارة انا: اوكيي.. بقيت جالس معاهم وانا كندعي ربي يعاونها ويحميها
