هبطنا وانا شادا ففهد حتى وصلنا لعندهم شفت بابا لقيت عينيه كيبريو بالدموع حبست البكية غير بزز البوص: سلام ع. احمد: (عينيه عليا وكيهضر) اهلا موسيو التازي سافا البوص: حمد الله ونتوما بابا: مزيان حمد الله البوص: نعرفكوم بولدي فهد والمساعدة ديالي نور وخطيبة ولدي المستقبلية.. انا تصدمت من هضرتو وشفت ففهد الضحكة وصلاتلو تال الودن اما جاد رجع حمر مي كيحاول يتهدن بابا: متشرفين انسة نور انا: ليا الشرف موسيو.. بابا: العلمي انا: موسيو العلمي.. بقاو كيهضرو فداكشي دالخدمة وحاسة ببابا محاملوش بطبيعة الحال راه عرف بلي هذا هو المجرم لي خاطف ماما فهد: نور اجي نرقصو انا: اوكي.. مشينا وبدينا كنتمايلو على انغام الموسيقى.. فهد اش ديك الهضرة قال باباك فهد: حبيبة انا هضرت مع بابا وعرف بلي كنبغيك بزاف ووافق نتخطبو ونزيدو نتعرفو على بعضياتنا انا: (فاحلامك) اوكي فهد: تقلقتي حيت مخديتش رأيك ياك انا: اه فهد: (باس يدي) غدا نتعشاو انا وياك ونهضرو انا: اوكي.. فهد انا اليوم غنمشي لداري فهد: علاش خليك معانا انا: لا مبغيتش شي حد يهضر عليا من الاحسن نمشي فهد: لي هضر عليك نقتلو مي لي بغيتي احبيبة ياله نوصلك انا: وااخة.. مشينا لعندهم فهد: بابا انا نوصل نور ونرجع البوص: واخة اولدي.. ركبنا وهو يديماري ماوقف حتى لقدام باب داري انا: شكرا على كلشي بسلامة.. قربلي بغا يبوسني وانا نبعد.. احم سمحلي مي مخاصناش نزربو فهد: (تنهد) وخا احبيبتي.. باس يدي وانا نزل طلعت لداري دخلت نيشان للدوش دوشت من بعد ماغطيت يدي بميكة وخرجت صليت ياله غنتخشا فبلاصتي حتى وقف عليا جاد انا: (ببرود) شنو بغيتي جاد: (عنقني) توحشتك انا: (بعدتو) انا راه رقية ماشي ريم يمكن غلطتي جاد: (جلس حداها) حياتي سمحيلي عفاك انا: شهر اجاد شهر كامل ونتا منخلني عاد بنتليك دبا جاد: عارف وحتى انا كنت كنتعدب انا: مكنظنش حيت فوقما شفتك كنلقاك مع ريم كضحك جاد: كنت باغي غير نفقصك انا: يااك اوى سير خليني دبا نعس راني عييت جاد: (شدلي يدي) كتبغيني انا: تصبح على خير... حيدت يدي وتكيت وانا عاطياه بالظهر حسيت بيه تنهد وهو يمشي بحالو... بقيت كنفكر حتى نعست صبح الصباح فقت على الدقان فالباب شفت الساعة لقيتها 11 دالصباح انا: افف تعطلت فالنعاس.. لبست بينوار ومشيت حليت الباب وانا نلقا فهد فهد: (احح اقلبي) صباح الفل والياسمين انا: (صبحنا على الله) صباح الخير فهد: نقدر ندخل انا: اوكي دخل انا نلبس حوايجي ونجي فهد: واخة... لبست كيطمة وخرجت عندو انا: ياك لباس علاش جيتي فهد: لا والو غير جيت نشوفك انا: اه اوكي انا نوض نوجد الفطور فهد: كتعرفي انا: ههه ويي ياله زيد معايا فهد: اوكيي😀😀... دخلنا للكوزينة وهو جلس انا بديت كنوجد وحطيتو بدينا كنفطرو فهد: تبارك الله عليك😍😍😍 راك حادgة انا: ميرسي😊😊😊
