حمزة: ممم حبيبك فامريكا رؤيا: (بدات كدمع) 😢😢😢.. شافها كتبكي وهو يوقف الطموبيل حمزة: ششش متبكيش عفاك.. بدا كيمسحليها دموعها وهي شافت فيه.. قرباتلو وشدات وجهو بيديها... باستو تصدم منها مي دغيا اندامج معاها... بقاو مدة وهوما هكاك.. بعدو على بعضياتهم رؤيا: (كتشوف فعينيه) كنبغيك حمزة: (فرح حيت تأكد بلي كتبغيه) كنموت فيك.. اول قبلة لينا كانت المبادرة منك😍😍 رؤيا: (اويييلي اش درت انا) احم وصلني للدار حمزة: (شد يديها باسها) حيدي ديك الحشمة انا راه حبيبك اوكي *عند رقية* دازت شهراين ولدي كبر شوية وجاد ممخليني محتاجة لوالو لا من ناحية الاهتمام ولا من الحب... قررت نكمل خدمتي مي خدمة جديدة ومفاجأة لجاد.... صبح الصباح دخلت دوشت وخرجت لبست حوايجي (الصورة)... مشيت لبيت جود لقيت المربية جالسة حداه انا: (بجدية) انا خارجة ردي بالك مع جود.. وياوييلك توقعلو شي حاجة المربية: (بخوف) كوني هانية امدام... نزلت لتحت ركبت طموبيلتي وكسيريت للمركز... وصلت ودخلت.. بداو الضباط كيلقيو التحية بانتلي ريم لي غير شافتني قلبات الدورة... ابتاسمت ابتسامة شريرة ودخلت للمكتب ديالي خديت ورقة وكتبت واحد القرار... عيطت لواحد عطيتو الظرف مشا وصلو للرئيس.... من بعد ساعة جا واحد خبرني بلي كاين اجتماع... نضت وهزيت سيدي معايا... دخلت للاجتماع شافني جاد وهو يخنزر اما ريم كحلات بالعما... مشيت جلست حداه وشديتلو يديه من تحت الطبلة انا: (كنهضر بشوية) مالك جاد: علاش معلمتنيش بلي غتبداي الخدمة واش انا راجلك ولا حيط انا: (بابتسامة) نتا الحبيب ديالي مي صبر متزربش اوكي... دخل الرئيس جلس بلاصتو وهاز ورقتي بين يديه الرئيس: جمعتكوم باش نبلغكم بلي الجنرال رقية قدمات استقالتها... كلشي تصدم حتى من جاد الا ريم لي بدات كضحك.. الرئيس: (كمل كلامو من بعد مشاف ردة فعلهم) مي قبل عندها تحقيق فقضية لي انا تصدمت فاش عرفتها وعمري تصورت ان من بيناتنا خائن.... بداو كيشوفو فبعضياتهم الا ريم لي حادرة راسها.. شفت فالرئيس لي كان كيشوف فيها... وانا نوض انا: (بجدية) اخر درس غادي نعطيهليكم... كيفاش تحقق مع خائن 😉😉...... اليوم غادي يتعاقب قدامكم هاد الشخص.. حيت خان القسم والمهنة ديالو... هزيت سيدي وحطيتو شعلت التلفزة وهي تبان ريم مع فهد.. #فلاش_باك ريم: كيفما هربتك من الصبيطار نبغيك فأقل وقت تهنيني من رقية فهد: كوني هانية مي راه تزوجات بهداك ومشاو معرفت فين ريم: متخافش غير نعرف الدار غادي نعلمك فهد: اوكي.... #الحاضر انا: واكيد فاش تلاقتيني علمتيه تما فين تبعني ياكي ريم: (دموعها نزلو) الصمت انا: هههه مزياان تبكي ياكما تنقي راسك شوية ريم: فوجه جود مديريلي والو انا: (شنقت عليها) متجبديش ولدي على فمك... ونتي غادي تعاقبي بحالك بحال gاع المجرمين.. ويلا سحابليك انني حيت وليت ام غادي نضعف نو راك غالطة... المراة فاش كتولي ام كتزاد القوة ديالها اضعاف واضعاف.. عمر الولاد كانو نقطة ضعف لا بالعكس هم مصدر قوة.... بانلي فهد مكانش تايق فيك وهو يصورك.. كيفاش يتيق بوحدة خانت المهنة ديالها.. انا: (طلقتها ووقفت) القرار هو..
