معرفتش شحال دالوقت داز لي عارفاه هو هاد المدة كاملة وهوما كيعطيوني العصا وحتى التعذيب بالكهرباء نزفت بزااف ومبقاتش عندي القوة باش حتى نهز يدي... *عند جاد* دازت سيمانة وانا كنشوف حبيبتي كتعدب ومقادر ندير والو... دبا عاد فهمت علاش عمي وافق ان رقية تكمل خدمتها باينة عاوداتلو على ماماها.. ريم: (شافتو وجات كتجري) اهلا جاد فين غبرتي انا: ونتي سوقك اش بيني وبينك باش تسوليني ريم: (كنت عوالة فالحفلة نبينليها بلي نتا ديالي ساعة جاو هادوك داوها افف) فين رقية وشكون هادوك لي داوها انا: معرفتش راها غابرة ريم: (ياربي تموت) ممم اوكي... مشيت وخليتها جلست فالبيرو وكنفكر غير فحبيبتي لي من البارح والاتصال تقطع معرفتش فين كاينة.. الدراري عاد بدات كطلع معاهم السخونية وخافو عليها.. عندي قضية وضروري نكملها فهاد اليومين.. بديت كنخدم ومرة مرة كنعيط لعصام لي جوابو مزال مكاين والو... كملت خدمتي ومشيت للدار دوشت وخرجت تكيت فوق مخدتها لي مزال فيها ريحتها وكنفكر فيها حتى نعست.. دازت 2سيمانات مكاين حتى خبار وحتى من عمي ساق الخبار وخاف عليها عمي ادريس: عصام فين بنتي عصام: (حادر راسو) معرفتش اعمي ع. اد: كيفاااش معرفتيش الياس: عمي راه خطفوها حنا كنا متبعينها مي اختفى الاثر ديالها انا: عمي غندير المستحيل باش نرجع رقية غير تهنا ع. اد: (شد راسو) الله على بنتي حتى هي ضاعت... عيينا منقلبو ووالو بحال الى سرطاتها الارض... هاد الليلة مشيت لقصر العائلة دخلت كانو مجمعين كيتعشاو وباين الحزن على عمي سلمت عليهم وجلسنا بابا: جاد ولدي مكاين حتى خبار على رقية انا: (حادر راسي) لا ابابا عادل: ياك غدا عندكم حفلة بابا: اه اولدي على حساب واحد الشراكة غنديروها مي علاش كتسول عادل: احم جاد راه غيمشيو عند لي خاطف رقية ع. اد: كيفاااش دبا سعيد التازي هو لي خاطف بنتي عادل: اه اخالي جاد: مزيان غدا انمشي معاكم وغادي نحاول نعرف شي حاجة ع. اد: (بامل) ان شاء الله.. طلعت لبيتي نعست وكنتمنى غدا نعرف شي حاجة....... حنا دبا فالطريق غاديين للحفلة وصلنا كانت راقية دخلنا لداخل بقينا واقفين انا وبابا وعمامي بجوج و ولاد عمي شوية سكتات الموسيقى ولقيت كلشي كيشوف فبلاصة وحدة دورت وجهي وانا نلقا 3 دالناس نازلين من الدروج... *عند رقية* من بعد داك التعذيب كنت سخفانة حتى كنحس بشي حد كيحرك فيا فهد: نور كتسمعيني.. نوور عفاك فيقي انا: كح كح كح الما... عطاني شربت الما وهو يهزني البوص: اش كادير نتا فهد: بابا نتا لي شنو درتي ياك قلتيلي غير غادي تهضر معاها البوص: (بعصبية) مي هي مزال مبغات تعتارف فهد: يعني معارفة والو واش تختارع شي قصة من راسها وتقولهاليك.. ويلا كلات هاد الدق كامل ومقالت والو دونك مكاين والو راها بنت لي قدامك ماشي رجل من المخابرات باش تقول يصبر لهاد العذاب البوص: فهمني اولدي راه خويا لي مات فهد: عارف ابابا مي واش عمي عمرو قاليك شي حاجة عليها البوص: الصراحة لا وكان ديما كيشكرها حيت عتقاتو 2 مرات من البوليس فهد: اوى اش بغيتي عندها مسكينة البوص: مي علاش ممشاتش معاه ديك المرة..
