مشيت نيشان عند خالتي للدار هبطو عندي ركبو ومشينا للمول اول حاجة خدينا الحوايج واخة فاللول تعكسو ومبغاوش مي بقيت معاهم حتى وافقو.. خديتليهوم حوايج الدار وديال الخروج ودزنا خدينا جوج بيسي بورطابل لعمر وسفيان اما ملاك خديتليها طابليت وخديت تيليفون لخالتي وعمر وسفيان من بعد مشينا للصبابط والشكاكر لملاك وسفيان سالينا ديت انا وعمر وسفيان داكشي للطموبيل مقدناش الكوفر وحطينا حتى لداخل ديال الطموبيل... رجعنا لعند خالتي ومشينا جلسنا فواحد الريسطو تما طلبنا العشا انا: خالتي تلقاك عييتي ونتي ياله خرجتي من الكلينيك خ. فاطمة: شوية وصافي.. شكرا ابنتي هادشي لي درتيه معايا انا و ولادي عمري منساه الله يرضي عليك انا: امين ومتقوليش هكا انا مادرت حتى حاجة عمر: لا اختي درتي بزااف سفيان: اه عرفتي فرحت بزااف حيت ولا عندي بيسي وحوايج زونين باش تانا نمشي للمدرسة مقاد انا: اجي بعدا ماقلتليش فاينا مدرسة كتقراو سفيان: فالحي فين كنا ساكنين انا: نو بعيد بزاف عليكم خلي نهضر مع واحد الصديق يشوفليكم مدرسة قريبة حسن خ. فاطمة: الله يرضي عليك عدبناك معانا انا: (شديت يديها وبستها) عدابك راحة اخالتي.. ياله نمشيو راه تعطل الوقت الكل: واخة.. وصلتهم للدار وطلعت معاهم داكشي عاد شديت الطريق للدار دخلت لقيتهم كيتعشاو بابا: بنتي دوزي تعشاي انا: لا شكرا انا تعشيت برة.. ياله تصبحو على خير الكل: تصبحي على خير.. طلعت لبيتي دوشت حيدت عليا العيا خرجت ياله بديت كنلبس حتى تحل الباب ودخلات بنت عمي لمياء لمياء: واو نتي واشمة انا: (درت بالزربة) ا لا غير جابليك الله... لبست بالزربة تيشورت واسع مع شورت لمياء: ممم اوكي راه حنا مجمعين فالجردة وقاليك عصام نزلي انا: اوكي.. لويت على راسي فوطة وهزيت تيليفوني ونزلنا انا وياها لقيتهم مجمعين جلست حدا البنات وبقاو كيهضرو ويضحكو حتى هدرات لمياء لمياء: فخباركم رقية واشمة فكتفها من اللور.. انا تصدمت وبقيت كنشوف فعصام لي مصدوم حتى هو عصام: نو مواشماش راه البارح ديتها ورسمات بالحنا الكحلة لمياء: انا بانلي بحال الوشام حيت بحال الى زرق انا: (وقفت) تصبحو على خير.. لمياء سيري تنعسي شفتك كتخرفي.. طلعت لبيتي وهو يدخل عصام لعندي عصام: كيدارت شافتو انا: خرجت من الدوش وكنت كنلبس حتى لقيتها من مورايا عصام: اتكون عرفات شنو واشمة انا: لا واخة تحقق فيه منظنش غادي تعرفو عصام: اوكي ردي بالك وهاد المرة سدي الباب راك ماشي فداركم انا: اوكي متخافش عصام: ياله تصبحي على خير انا: بونوي.. خرج عصام وانا تلاحيت نعست.. عند جاد لي تبع عصام وسمع الحديث ديالهم شك بلي كاين سر حيت كون كان وشم عادي كون gالوه بالاخص رقية مكيهمها والو يعني ماعندها علاش تحشم ولا تخبع بلي راها واشمة بقا كيفكر حتى نعس... ونتوما اجي نgوليكم شنو واشمة كيفما دكرت فاول جزء بلي اللقب ديالها التنين الاسود وهو نيت لي واشمة من بعد غادي تعرفو شكون هو التنين الاسود...
