سمعت الرصاص درت وانا نلقا جيهان طايحة وشادة جنبها معرفت كيدرت طرت لعندها حيدت لتام ديالي ودرتوليها على جنبها انا: تهدني متخافيش انا غنديك دبا للكلينيك بقاي فايقة جيهان: (شادة يدي) عفاك متخلينيش نموت انا: ششش مغتموتيش غير جرحة صغيرة.. رانياااااا اجي لهنا رانيا: (كتفتف) اويلي شنو هادي انا: اجي لمك شدي هنا وبقاي بلاصتك.. هزيت الفردي وضربتو للرجل.. نتا اجي لهنا الضابط: وي شاف انا: هدا نلقاه فالمركز سمعتي الضابط: عُلِم.. شفت لقيت كلشي ملهي وانا نمشي هزيتها فوق ظهري ومشيت كنجري للطموبيل حطيتها اللور انا: رانيا جلسي حداها وشديلها بلاصة دالجرحة رانيا: هئ هئ واخة.. ركبت وانا نكسيري للكلينيك وصلت هزيتها ودخلت كنجري شافوها وجاو هزوها دخلوها لغرفة العمليات بقيت جالسة ودمها لاصق فظهري ويدي رانيا: خاصنا نعلمو والديها انا: الى عندك نمرة عيطيلهوم رانيا: اوكي.. مشات كتهضر وهوما يجيو الدراري عصام: (كيقلب فيا) واش وقعاتليك شي حاجة انا: (بحزن) لا مي جيهان تضربات فجنبها جاد: (بخوف) ياك موقعليك والو انا: (شادا راسي) موقعلي واالو.. شوية خرج الطبيب تجمعنا عليه الطبيب: المريضة محتاجة للدم فصيلة A+ انا: انا نتبرع الطبيب: زيدي معايا.. مشيت معاه دخلت وشفتها بقات فيا تبرعت وشداتني الفرملية خرجاتني الفرملية: (جلساتني) جيبوليها الحليب ولا شي عصير باش متسخفش.. مشا عصام كيجري وجاد جا شد يدي جاد: (مخلوع) واش ناخدليك شي بيت ترتاحي فيها انا: لا بلاش انا مزيان ام جيهان: هئ هئ فين بنتي ياكما ماتت هئ هئ رانيا: خالتي متخافيش راه غادي تولي مزيان وهاهيا البنت تبرعاتليها بالدم غادي ترجع مزيانة ان شاء الله ام جيهان: (جات لعندي) شكرا ابنتي الله يرضي عليك انا: (بابتسامة) هدا واجب.. جابلي عصام الحليب شربتو شوية وهو يخرج الطبيب اب جيهان: عفاك ادكتور كيبقات بنتي الطبيب: (بابتسامة) مزيان الحمد لله شوية وتفيق ودخلو تشوفوها ام جيهان: هئ هئ الحمد لله الحمد لله.. بقيت جالسة كنتسنا حتى فاقت دخلنا شفناها كانت صفرة بقات فيا انا: (قربتليها) على سلامتك جيهان: (بصوت تعبان) شكرا على كل شيء انا: هدا واجب.. نخليك ترتاحي خرجت وهو يشدني عصام عصام: فين غادية انا: للمركز عصام: علاش سيري ترتاحي انا: عفاك خليني راني معصبة عصام: (تنهد) اوكي لي بغيتي.. مشيت ركبت وكسيريت للمركز جاد: فين مشات رقية عصام: للمركز وباينة معصبة جاد: علاش اش بغات دير تما عصام: وشكون عرف انا غنمشي نتبعها نخاف دير شي فضيحة جاد: اوكي حتى انا غنمشي.... وصلت للمركز دخلت نيشان للغرفة ولقيتهم مجموعين وشفت هاداك دايرينلو الفاصمة على رجليه.. سديت الباب بالساروت هما بقاو غير كيشوفو فبعضياتهم بوديكارد1: شكون نتي انا: (بابتسامة خبيتة) انا هي لي غتزهق روحكوم الكل: هههههههههه بوديكارد2: دبا هاد الجمال كامل خدام هنا وباغي يحقق معانا.. ناااري على زهر ادراري بوديكارد3: وييي الزين عطيني نمرتك انا: (كنقرب لجيهتهم) ياله شكون اللول ولا بغيتو كاملين فدقة بوديكارد2: (وقف) نبدا انا الزين
