انا: ماما😢😢 ماما: بنتي هئ هئ.. عنقاتني وانا نزير عليها بقينا مدة معانقين حيدنا شوية دالشوق لي فينا انا: (كنمسح دموعها) ماما حبيبتي توحشتك ماما: حتى انا ابنتي اش كاديري هنا انا: كنقلب عليك ماما: (بصدمة) كيفاش انا: ماما انا خدامة فالمخابرات وعرفت بلي نتي ممتيش الحمد لله وهادي كتر من 3شهور وانا كنقلب عليك ماما: بنتي متعرضيش حياتك للخطر وسيري نسايني انا مبقالي قد مفات فالعمر انا: (دموعي نزلو) ششش متقوليش هكا.. انا وبابا منقدروش نعيشو بلا بيك كنواعدك اماما غادي نخرجك مي صبري عليا يومين gاع الى تعطلت ماما: (تنهدت) واخة ابنتي... مسحت دموعي وماما ردات زيفها وخرجات مسحت داكشي بالخف ودرت نضاضري وانا نخرج رجعت لعندهوم زينب: سمحيلينا ديك الحمارة مكتعرف دير والو انا: (تعصبت) هادشي كيوقع راه عادي... (هضرت فودنيه) نقدرو نمشيو فهد: ياكما تقلقتي احبيبة انا: لا مي شدني شي وجع وفاش دخلت للطواليط لقيتها ليغيكل وبغيت نمشي نرتاح فهد: اه واخة ياله نمشيو... توادعت مع هاديك ومشينا الطريق كاملة وانا غير كنفكر ودموعي حابساهوم غير بزز.. وصلنا وتوادعت معاه طلعت نيشان سديت الباب لحت الصاك والنضاضر وجلست فالارض كنبكي على الحالة لي ولات فيها ماما وعلى وجهها لي كلو زرق بالضرب وزيد عليها الاهانات لي كتعرض عليهم.. بقيت هكاك حتى دخل جاد شافني وهو يتخلع جا كيجري لعندي جاد: حبيبتي مالك شنو وقع واش قاسك شي حد انا: (كنشهق بالبكا) جاد.. هئ هئ لقي...ت ماما جاد: (عنقني) الحمد لله ومالك كتبكي انا: حيت كانت حالتها وكلها زرقة هئ هئ جاد: ششش صافي احبيبتي عفاك انا: عيط لالياس وعصام يجيو دبا جاد: واخة... عيطليهم جاد وقالولو شوية ويكونو هنا... اجي احبيبتي غسلي وجهك وبدلي على مايجيو... هزني دخلنا بيت النعاس غسلت وجهي وبدلي حوايجي.. سمعنا الدقان وحنا نخرجو حليت الباب لقيت الياس وعصام دخلنا جلسنا فالبيت انا: (تنهدت) انا لقيت ماما الياس: فين انا: غدا غادي تعرف.. خاصنا غدا نخرجوها من تما ونتا وعصام غادي تسافرو معاها عصام: خليني انا نبقا معاك الى مشاو عرفو بلي نتي لي هربتيها يقدرو يديروليك شي حاجة انا: لا نتوما غتمشيو مع ماما وتديوها تعالج حتى ترجع صحيحتها ونكون قاديت الامور هنا عاد غادي تجيو وتجيبوها.. واصلا هاهو جاد معايا معندي مناش نخاف جاد: اه رقية عندها الحق متخافوش انا بجنبها الياس: اوكيي دونك غدا الصباح انمشيو انا: ويي الياس: اوكي انا نعلمهم يوجدولي الطيارة انا: وااخة.. مشاو الدراري وانا دخلت للبيت مع جاد تكينا وحطيت راسي على صدرو جاد: (كيدوز يديه على شعري) كلشي غادي يدوز بيخير انا: ان شاء الله... صبح الصباح فقت لبست حوايجي ووجدت راسي كملت لقيت حتى جاد لبس هزينا السلاح وحنا نزلو لقينا الياس وعصام كيتسناونا ركبنا فطموبيل وحدة وانا لي سgت حيت انا لي عارفة الطريق...
