تعشينا وحنا كنضحكو ونتعاودو حتى كملنا ناض جاد جمع الماعن وانا طلعت جود باش نعسو... رضعتو وبقيت كنراري فيه حتى نعس وحطيتو فناموسيتو... دخل جاد تكا وجيت تحشيت فيه ونعسنا.... صبح الصباح نضت بدلت لولدي وهي تجي المربية خداتو من بعد مرضعتو.. لبست حوايجي (الصورة).. خليت حبيبي كيلبس وانا نزلت وجدت الفطور... فطرنا وتوادعنا مشيت للشركة.. جلست مع بابا خدمنا ومقدنيش الوقت نرجع للدار فالغذا عيطت لجاد واعتاذرت منو......... دازت سيمانة واليوم بابا سلمني الشركة ومشا رجعت عارفة الكبيرة والصغيرة دالشركة... كان معايا حبيبي جود حيت المربية مريضة وجبتو معايا...هزيت تيليفوني وعيطت لعمر عمر: اهلا ختي لباس انا: حمد الله ونتا عمر: بيخير انا: عمر انا اليوما استلمت الشركة ديال بابا غادي نخدم فيها وكنتمنا تكون معايا حيت نتا اكثر واحد كنتيق فيه وبغيتك تخدم معايا عمر: مكرهتش مي عوتاني عمك شنو غنقولو ماشي حشومة انا: نو هانا غادي نهضر معاه دبا عمر: وخا ردي عليا بلي كاين انا: اوكي... قطعت معاه وانا نعيط لعمي احمد (اعتذر سميت لاخر تاهو احمد مي راه نسيت.. المهم راه غتقدرو تفرقو حيت كنكتب عمي) ع. احمد: اهلا بنتي لباس عليك انا: لباس حمد الله ونتا اعمي ع. احمد: بيخير ابنتي انا؛ عمي بغيت نطلب منك طلب ع. احمد: مرحبا انا: دبا كيفما عارف بلي انا شديت بلاصة بابا فالشركة وكنتمنا عمر يخدم معايا حيت هو لي كنتيق فيه ع. احمد: اوى اش غنقوليك ابنتي.. نتي اولى بيه حيت كيبقا خوك.. هو موظف مواضب وعملي مي نتي اللولة انا: شكرااا اعمي بزاف ع. احمد: مكاين حتى مشكل ياله نخليك دبا انا؛ الله يعاونك... قطعت معاه وعيطت لعمر خبرتو بشنو كاين وغدا غادي يبدا معايا الخدمة ان شاء الله..... كان عندي اجتماع دبا عيطت للسكرتيرة.. انا: عفاك بقاي هنا حدا جود على مانخرج من الاجتماع وسمحيلي السكرتيرة: (بابتسامة) لا امدام مكاين حتى مشكل اصلا عزازين عليا الدراري الصغار انا: (بابتسامة) اوكي هاهو معاك... هزيت وراقيا ومشيت لقاعة الاجتماعات... داز الاجتماع مزيان من غير نظرات هداك لي زعجوني... كملنا وجيت نخرج وهو يعيطلي هداك احمد: مدموزيل... انا: (قاطعتو) مدام احمد: اوكي.. مدام رقية نقدرو نهضرو شوية انا: فياش غنهضرو احمد: على قبل الشركة لي غادي نتعاقدو معاها انا: اوكي ياله نمشيو للمكتب ونهضرو... دخلت للمكتب ديالي وهو تابعني... شكرا السكرتيرة: مكاين حتى مشكل امدام... خرجات السكرتيرة ومشيت طليت على جود كان ناعس انا: تفضل احمد: (عينيه على جود) شكرا.. هدا خوك الصغير
