البوليسي: (وقف وجاي لعندي) اش كتقولي.. شدني من يدي وزير عليا.. هضري انا: (صدري كيهبط ويطلع بالاعصاب شفت فعينيه) الى بغيتي عظامك يبقاو صحاح طلق البوليسي: (توتر مي حاول ميبينش) هاي هاي على الق**.... غير كملها وانا نطير عليه هزيتو تال السما وزدحتو مع الارض انا: (شانقة عليه) دبا غادي تنوض تجلس بلاصتك وتهضر معايا باحترام اولا كنقسم ليك بالله نتا وهادي لي معاك غادي يهزوكم للصبيطار البوليسي: صافي طلقي.. طلقت منو وناض جلس بلاصتو وانا نمشي جلست قدامها ودرت رجل على رجل.. هي بقات كترعد بلاصتها انا: (هزيت تيليفوني وخدمتو وهو يتطلق صوتها وهي كتهددني بانها غادي دخلني للحبس) وبما انه معندهاش شي شاهد على انني ضربتها دونك راها كتكدب البوليسي: وشكون قالي هاد التسجيل ديال صوتها انا: (حطيت التيليفون وهو فيه فيديو) تيقتي دبا سناء: لا راه ضرباتني البوليسي: اوكي مي وخا هكاك نتي متهمة انا: باش عوتاني البوليسي: تهجمتي على بوليسي وضربتيه انا: اناااا البوليسي: اه انا: وشكون بالسلامة لي ضربت البوليسي: انا انا: كضحك عليا لا.. فين قستك اش هاد الباطل البوليسي: هاهيا شاهدة سناء: اه ضربتيه انا: ههههههه.. جمعت الضحكة... بغيت نهضر مع الرئيس ديالك البوليسي: اش بغيتيه انا: (خرجت البرا كنغوت) فين هو الرئيس ديالكم البوليسي: واش تسطيتي سناء: خليها نيت باش يصيفطها فين تربا... شديتها جريتها لعندها وعطيتها براسي للنص الاخر دوجها انا: مزال باغا تقولي شي حاجة... بقات ساكتة وشادة فعينيها.. شوية خرج واحد الرئيس: اش هاد الصداع البوليسي: سيدي هادي تهجمات عليا وضرباتني الرئيس: هادشي بالصح انا: غير كيكدب اسيدي انا gاع مقصتو سناء: لا ضربتيه وانا شاهدة انا: متديهاش فيها راه هادي غتقوليك ضربتها حتى هي سناء: وراك ضربتيني انا: ها لي قلنا الرئيس: صافي سكتو زيدو نشوفو الكاميرات... تبعنا الرئيس ودخلنا بدا كيقلب فالكاميرة ديال غرفة البوليسي
