*عند رُقية* فقت الصباح مع 4 دخلت دوشت وجدت راسي ونزلت مشيت للمركز وصلت مع 4:45 مشيت للساحة مزال خاوية جابولي قهوة كحلة وجبدت gارو بديت كنكمي شوية هاهما داخلين مدوخين بالنعاس طفيت الgارو وحطيت كاس دالقهوة ومشيت لعندهم انا: (بصوت صارم) ياله عندكم 30 دقيقة غاديرو 60 دورة على الساحة واي واحد تعطل غادي يتعاقب جيهان: كيفاااش لا عفاك منقدروش انا: (بالغوات) غادي تهزي تبداي ولا غادي نفطر بيك هاد الصباح ياااله بداو... مشاو كيجريو وجلست انا كنشرب قهوتي شادا لكرونومتر وحاضياهم.. بانولي عياو وهما ياله دارو 20 دورة بفف غادي نحصل معاهم.... دازت 30 دقيقة ولاد عمي وعصام سلاو وحتى شي ضباط بقات جيهان ورانيا وهداك لي كيستهزء وشي وحدين اخرين انا: جيهان ورانيا ونتوما غادي تكملو 60 دورة وغاتزيدو 10 دورات ف5دقايق ويا ويلكم تعطلو بالنسبة للبقية عندكم استراحة 10 دقايق جيهان: (كتهضر مع رانيا) بفف هادي غتقتلنا رانيا: تفوو متكبرة الله يعطيها الهرس الضابط: (مراد) امين كيفما هرساتلي نيفي انا: تحركو براكة من الهدرة.. بالخوف بداو كيجريو حتى كملو واخة فاتو الوقت ب2 دقايق... نتوما بجوج (مراد ورانيا) زدتو 2دقايق دونك محرومين من استراحة ياله تحركو قدامي.. مشينا لصالة الرياضة وقسمتهم على جوج انا: جاد نتا غادي تكلف بهاد الفريق وانا غنتكلف بهادا جاد: اوكي انا: ياله انا غادي نختار رانيا ونتا غادي تختار واحد من فريقك يدابز معاها رانيا: (فخاطرها) ناري هادي باغا تصفيهالي جاد: اوكي مريا تفضلي... بداو كيدابزو شوية قلبوها مناتفة تعصبت مشيت لعندهم لاقيت ليهم الريوس انا: واش سحابليكم راكم فحمام واش هادشي لي تعلمتوه فالتدريب غادي تهزو دبا وضاربو كيف الناس و الا قسما عظما غادي نصيفطكوم لديوركم بالجبيرة سمعتووووو رانيا ومريا: (بخوف) اوكي شاف.. بداو كيتقاتلو بعدا حسن من اللول سالاو وبقاو جوج بجوج حتى سالينا انا شحفت غير بالغوات وعلنت انا وجاد على الفريق لي ربح جيت خارجة وانا نسمع رانيا: انا لي نجحتكم شفتو كيفاش ضربتها خاصكوم تشكروني... وقفت ورجعت لعندها انا: (بالغوات) شنو قتلييكم مبغيتش نسمع كلمة "انا" نتوما فريييييييق ماشي بوحدك.. ياله كلشي يخرج يجري 10 دورات على الساحة باش تعلمو تقولو انا الكل: لا اشاف عفاك انا: تحركووووو.. مشاو بداو كيجريو وانا بقيت واقفة كنشوف فيهم حتى جا عندي جاد جاد: ماشي قصحتي معاهم راه هادا ياله نهار اللول انا: انا عارفة اش كندير شوف حتى واحد مكيحمر الوجه انا مت غير بالفقصة جاد: هههه عندك الحق مي غير بشوية عليهم عوتاني.. جا واحد الشخص عنق رقية من اللور ...: توحشتك القطيوطة انا: (درت وانا نعنقو) الياااس توحشتك بزاف بزااف الياس: ههههه سعداتي انا سحابلي نسيتيني انا: (ضريتو لصدرو) نتا حمق منقدرش نساك الياس: هههههه عارف.. طلقت منو وانا نشوف فجاد لقيتو رجع حمر ومزير على يديه انا: احم الياس هادا ولد عمي جاد.. جاد هادا ولد خالي الياس الياس: (بابتسامة) متشرفين جاد: (ييه هادا هو حبيب القلب) حتى انا الياس: اجي لهنا بديتي سخونة عليهم شوفي وجههم كيف ولا حمر انا: وراه هوما لي كيفقصو الياس: انا عارفك قاصحة ياله قوليلهم باركة غدا وكملي ليهم انا: اففف واخة.. مشيت وسط الساحة.. صافي باركة عليكم ونتمنا تكونو فهمتو درس اليوم الياس: (شدني من يدي) ياله زيدي نمشيو نفطرو ونهدرو راني توحشتك بزااف انا: اوكيي مي ترجعني بكري راه عندي الخدمة الياس: وصافي حتى نتي الخدمة مغاديش طير.. ساعة ونرجعو انا: امري لله عارفاك مغاديش طلق مني الياس: ههههه مزيااان ياله زيدي قدامي جاد متشرفين مرة اخرى... مشات رقية مع الياس وخلات بركان موراها لي يقدر ينفجر فاي لحظة والضباط لي كيدعيو مع داك السيد حيت دا معاه رقية
