بقيت حتى تهدنت وخرجت لقيتها شادة جود حاولت نتكالما.. وصلت عندهم شافني جود وبدا كيبكي وانا ناخدوليها انا: صافي احبيب ماماه.. حياتي ياله نمشيو خاصني نرضع جود جاد: اوكي ياله نخليكم بسلامة... شدني من يدي ومشينا ركبت اللور عطيت لولدي يرضع... وصلني تسالمنا ومشيت للشركة... ساليت خدمتي ورجعت للدار.. دوشت انا وولدي خرجنا رضعتو وبديت كنعسو حتى مابقيت عاقلة على والو.... عند جاد لي دخل للبيت لقا حبيبتو نااعسة وحداها جود كيلعب برجليه بقا كيضحك جاد: (هز ولدو) الباسل نعستي ماماك جود: نغ نغ (صافي حماقيت هههه) جاد: اجي نفيقوها... حطو فوق صدرها وجود بقا كيجبد حوايجها بيديه جاد: اهيا قلناليك فيقها ماشي تعريها حشم شوية... حيااتيي فيقي انا: (حليت عيني لقيت جود فوقي خديتو) فوقاش جيتي جاد: (كيلعب فشعري) عاد دبا.. اش بانليك نخرجو نسهرو شحال هادي مخرجنا فالليل انا: بالصح😍😍.. مي كيغانديرو لجود جاد: نديوه للقصر انا: اوكي.. نضت بالزربة نشفت شعري لبست كسوة فالزرق.. ودرت لشعري مشيطة.. مكياج خفيف انا: انا وااااجدة جاد: هههه مزوج بحمقة.. باسني فعنقي.. ياله نمشيو انا: اوكيي.. شدني من يدي وهز جود وحنا نمشيو وصلنا للقصر هبط غير هو دا جود ورجع انا: فين غنمشيو جاد: مفاجأة... ديمارا جاد وصلنا لواحد الريسطو غزاال شدني من يدي.. واجدة انا: اه.... دخلنا للريسطو كان ظلام... حياتي اش هادشي جاد: صبري شوية.... تشعل الضو وكنشوف ولاد عمي وجيهان والياس وصفاء ولمياء وعمر ومروى وحتى ديك سناء... انا: شنو واقع لمياء: ههههه... سداتليها صفاء فمها انا: (شفت فجاد) حبيبي شنو كاين جاد: (عنقني من اللور وكيهضر فودني بشوية) اليوم كملنا عامين ديال الحب.. بحال هاد النهار عتارفتيلي بحبك.. عامين ديال الحب والعشق.. عامين ديال السعادة.. خرجنا من هاد الحب بطرف مني ومنك تجمع وعطانا احسن هدية لي هي جود انا: (درت لعندو وعنقتو) هئ هئ جاااد جاد: ههههه نااري على بكاية انا: (شفت فيه) كنبغيك جاد: (قرب ليا) وانا كنحماق عليك... تعليت شوية وشديت وجهو بين يدي بستو ففمو نسينا الناس وعشنا فعالمنا لمياء: اهيا راه معاكم وحدة صغيرة راكم كتخربشولي فالمشااعر انا: (بعدت عليه بالزربة) ناري شفتي اش كدير جاد: هههه علاش شكون باس لاخر انا: (حشيت وجهي فصدرو) غطيني راني حشمت.. نااري اش درت انا جاد: ههههههه هييه نتوما سيرو من هنا راكم حشمتولي حبيبتي
