صبح الصباح فاق جاد لقا رقية ناعسة وكل رجل فين مليوحة بقا كيضحك وهو ينوض غسل وجهو ومشا طل على ولدو لقاه حال عويناتو جاد: (هزو) بسم الله.. حبيب باباه فاق.. كيشم شي ريحة فشكل.. اش هادشي كنشم اولدي زعما تكون درتيها افف ماماك مزال ناعسة وباينة فيها عيانة وحشومة نديك عند جداتك بهاد الحالة.. مالك رجعتي حمر اش باغي تزيد تخرج... تنهد وهز كوش وكلينيكس ديال الريحة حطو فوق الفوتوي حيدلو الشورط وهو يحل لكوش وضرباتو واحد الريحة جاد: (سد نيفو) ابابابابابابا اش هادشي اولدي باش معشي.. يخخخ... حيد داك ليكوش وهو ساد نيفو هز بزاف ديال كلينيكس وبدا كيمسحلو حتى نقاه دارلو جديدة ووحل غير كيفاش يسدها نتابه لسوفيطمتو تقاست وتوسخات حيدهالو ومسحلو جسمو كامل شوية وهو يقيسو شي ما دار لقا ولدو كيبول جابهالو فحوايجو جاد: محشمتيش كتبول على باباك والله لابقات فيك هانا كنجمعليك..... فاقت رقية نتابهات لجاد جالس كيهضر مع شي حد وكيغوت ناضت وشعرها طايح على وجهها وهي كتحك فعينيها قربات وهي تلقا تيشورت ديالو فازg وولدها عريان انا: ماالك جاد: شوفي ولدك بال عليا.. كيقولو مدير خير مايطرا باس جينا نقيوه ساعة عطاني علاش كنقلب انا: هههههههه ونتا لي مسديتيلوش ليكوش جاد: معرفتش كيندير نسدو انا: هههه اوكي نوض بدل عليك انا غنقادلو جاد: اوكي... ناض جاد دخل للدوش وانا مشيت جبدت الحوايج لي غانلبسلو... مسحتلو ولبستو عاد دخلت للطواليط غسلت وجهي وحكيت سناني جاد: اجي دوزيلي لظهري انا: ههه اوكي.. عطاني بالظهر ودوزتلو الصابون ساليت وغسلي يدي وباسها جاد: الله يخليك ليا انا: ويخليك ليا.. خرجت لبست كيطمتي وقاديت شعري درت مكياج خفيف رشيت ريحتي عاد خرج جاد من الدوش ملوي على نصو الفوطة انا: بالصحة جاد: (باسني ففمي) الله يعطيك الصحة... لبس حوايجو وهزيت جود وحنا نهبطو... خ. حورية: صباح الخير ولادي انا وجاد: صباح الخير خ. حورية: (باست جود) تبارك الله على حفيدي شحال زوين انا: ربي يخليك اخالتي... جلسنا فطرنا وحبيبي جاد مشا لخدمتو وانا بقيت غير فالدار.... هكا دازت 3دسيمانات كنحس بجاد بعد عليا ومبقاش كيهتم بيا كيفما شحال هادي وغير كيجي كينعس نيشان مبقيناش كنهضرو ونتعاودو جاد: (دخل للبيت بدل حوايجو وتلاح حدايا) تصبحي على خير.. عطاني بالظهر ونعس انا: (حابسة البكية) جاد بغيت نهضر معاك جاد: مافيا لي يهضر دبا اجلي تال من بعد انا: لاااا دبا غادي نهضرو جاد: (دار عندي) شنو بغيتي هانا كنسمع انا: (عنقتو) توحشتك مبقيناش كنهضرو بحال شحال هادي جاد: (تنهد) حتى انا توحشتك ياله اجي نعسو انا: (شفت فيه وعينيا كيبريو بالدموع) مبقيتيش كتبغيني ياك جاد: (باسها فعينيها) اش هاد الهضرة كتقولي انا: اوى رجعتي كتجي نيشان كتنعس وكتمشي قبل مانفيق مبقيتيش كتهتم بيا جاد: غير الخدمة احبيبة وصافي اجي عندي.. جبدها عندو عنقها وبدا كيدوز يدو على شعرها حتى نعس... حسيت بيه نعس وانا نهز راسي ودموعي نازلين دخلت للحمام وبديت كنشوف راسي فالمراية تغيرت بزاف وولات عندي الكرش البشرة ديالي بهتات اكيد مغيبقاش يشوف فيا رجعت تكيت حداه وحشيت وجهي فعنقو وانا نعس...
