خرجو من الكلينيك ودارو سبوع واحد مجموعين فيه.. البنات سماوهم قمر وشمس والدري سماوه نزار.... داز #عام كلو حب وعشق مابين رقية وجاد مع وليداتهم ب3.. جود عندو عامين ونص والبنات عندهم عام... فهاد العام تزوج زياد بدعاء وعادل بجيهان.. هاد الاخير لي كان بيناتهم حب لمدة 3سنين مي حتى واحد ماقدر يعتارف للاخر حتى تشجع عادل وعتارف ليها..... اما لمياء شيبات احمد مسكين.. تخطبو مي مزال مهداها الله تزوج... رقية: دبا نتي واش تسطيتي راك حمقتي السيد لمياء: اوى لي بغا العسل يصبر لقريص النحل رقية: ممم لا باين العسل كيتقطر احمد: (دخل) الله يجيب من يقول الحق لمياء: تحاميتو دبا احمد: لا انا باغي نتزوج بيك مي نتي مزال مبغيتي وانا صبري تقادا لمياء: مممم اوكي اجي فالويكاند للدار ونتافقو على الوقيتة دالعرس احمد: (عنقها) بالصح لمياء: ههههه اه انا: اهيا بلا تعناق تجمعو شوية تال مور العرس وديرو لي بغيتو لمياء: ارا احبيبي داك الحنك... شداتو وهي تبوسو مي غير شافت رقية حدرات هزات صباطها وهي تهرب انا: ههههه تخاف ماتحشم احمد: هههه حشومة ضيعتي عليا اللحظة انا: بانلي بغيتي شي دقة حتى نتا... غير كملات هضرتها وهو يخرج خلاها كضحك شوية صوناليها التليفون انا: الو جاد: حياتي فينك تعطلتي انا: هانا فالطريق جاد: اوكي.... قطعت وخرجت بالزربة شديت الطريق لداري دخلت لقيت جاد غيحماق هاز بنت والمربية هازا وحدة وجود شاد فسروال جاد وكيغوت ومعصب انا: هاناااا جاد: اجي عاونيني راني غنحماق بهاد الصداع انا: هههه واخة... حيدت صباطي وحطيت الصاك شافني جود وجا كيتعثر برجيلاتو حتى لصقلي فرجلي وانا نهزو انا: وينو على حبيب ماماه.. اش بغيتي جود: طيزساسوست ينوييمسكشطةس تييمسن (تسطيت متديوش عليا) انا: الى فهمت اولدي شي حاجة راني حمقة.. اجي نشوفو خواتاتك... قمر حبيبتي فيك الجوع.... شديتها والمربية شدات جود... عطيتها كترضع وشمس غير شافتنا بدات كتغوت وهو يحطهالي جاد من الجهة الاخرى بدات كترضع.. اما جود غير شافهم وبدا كيغوت ويتجبد انا: جيبيه حطيه حدايا... حطاتو وهو حشا راسو فعنقي بديت كنضحك وعجبني الحال بهاد العائلة الزوينة ولي كبرات الحمد الله... نعستهوم وحطيتهوم فوق ناموسيتي بثلاثة هبطت تغدينا انا وجاد والمربية كملنا وطلعنا نعسنا حدا ولادنا درناهم فوسط منا... ضرباتني الفيقة لقيت جود فايق ومليوح على باباه كيلعب ويضحك وانا نوض درتليهم سيلفي... شداتني شي دوخة وانا نجلس شوية وقفت انا: لا ميمكنش... لبست بالزربة وخليتهم ناعسين مشيت للفرماسيان خديت اختبار حمل رجعت ودخلت للطواليط درتو وبقيت كنتسنا النتيجة... غير بانتلي وانا نغوت انا: جااااااااااااد
