دمعات عيني مسحتهوم بالزربة ومشيت دخلت لداخل لقيت البنات جالسين فالصالة ملويات وصفرات جابولي الضحكة وحتى من الدراري متكيين وباينين سخفانين انا: السلام الكل: وعليكم السلام مروى: ياااه لابسة البيض اريج: بنتي بحال الملاك انا: (بابتسامة) شكرا.. بقينا مجمعين حتى ودن المغرب تجمعنا كاملين فرقت صيامي ومشيت صليت رجعت وكانو حتى هما صلاو تجمعنا فطرنا بابا: (داق البيتزا) بنتي تبارك الله عليك عمتي: هههه كيدرتي عرفتي بلي هي لي طيباتو بابا: حيت طيابها كيشبه... سكت بقا كيشوف فيا انا: كمل ابابا.. عمتي طيابي كيشبه لماما.. بقا كلشي كيشوف فيا وعصام حط يديه فوق يدي وبتاسملي كملت ماكلتي وطلعت صليت العشا والتراويح من بعد جلست فالبالكون حتى جاني ميساج من حسن كيقولي خاصني نمشي لعندو نضت لبست سروال كحل مقطع فالركابي وتيشورت واسع فالكحل خشيت واحد الجنب فالسروال ولاخر نو لبست صباط طالون فالكحل جمعت شعري وهزيت صاكي وهبطت لتحت كانو الدراري والبنات فالجردة شافني عصام جا كيجري عصام: رُقية فين غادية انا: عيطلي حسن خاصني نمشي المهم الى تعطلت لقا شي سبة عصام: صبري نلبس ونمشي معاك انا: لا بلاش متخافش عليا عصام: ممم اوكي حضي راسك انا: واخة.. مشيت ركبت طموبيل وكسيريت لفيلا ديال حسن وصلت حلاتلي الباب الخدامة جلست فالصالون وهيا مشات تعيطلو شوية جا وكان معاه واحد الراجل يكون كبير عليه شوية انا: (وقفت) سلام موسيو حسن حسن: اهلا نور اجي بغيت نعرفك على سعيد انا: (تصدمت مي مبينتش) متشرفين موسيو سعيد سعيد; متشرفين انور حسن عاودلي عليك بزاف وشكرا حيت نقدتي خويا صغير المرة الفايتة انا: (اييه جيتي تال عندي gاع متعدبت معاك) هدا واجبي موسيو سعيد حسن: عيطليك باش نقوليك بلي الشحنة بقاليها 4ايام وتوصل بغيتك نتي لي تكلفي بها انا: وي موسيو مي الى سمحتي نسولك حسن: تفضلي انا: واش مغاديش تكون معايا حسن: هههه نو غنكون متخافيش مي نتي اتكلفي بالاستلام انا: اوكي موسيو.. خرجت وركبت فطموبيلتي مشيت نيشان للدار لقيت الدراري مزالين فالجردة اودي على المخابرات طلعت نيشان لبيتي تكيت وبقيت كنفكر حتى تحل الباب درت لقيت عصام عصام: مالكي واش داروليك شي حاجة انا: نو تلاقيت البوص عصام: (بصدمة) كيفاااش انا: ششش دبا يسمعك شي حد حسن مقاليش هدا هو البوص مي عرفني على خوه وانا وياك عارفين بلي خوه هو البوص عصام: اه ياك مداروليك والو انا: نو معندهم مايديرو مي كلفني حسن باستلام الشحنة لي من بعد 4ايام عصام: وشنو غاديري واش غادي تعلمي البوليس انا: نو مزاال خاصني شي دلائل على حسن عاد نشوفو البوليس عصام: اوكي وياله نزلي جلسي لتحت انا: نو بلاتي ونزل دبا بغيت نتكا عصام: واخة.. باسلي راسي وخرج رجعت تكيت خاصني خطة دقييقة بقيت كنفكر شوية نضت لبست شورط وتيشورت فالكحل.. جلست فالبيرو وشديت قلم وورقة وبديت كنرسم البوص باش منساهش بقيت شحال عاد كملت شفت الساعة لقيتها 1 نضت هزيت الرسمة خبعتها مزياان لبست سروال ونزلت لتحت لقيتهم مجمعين ومعاهم واحد البنت انا: السلام الكل: وعليكم السلام جاد: كنعرفك هادي بنت عمي رُقية وهادي جيهان صديقة وخدامة معايا انا: (ببرود) متشرفين جيهان: (كطلع وتهبط) متشرفين عصام: (كيهدر فودني) مالكي شفتك معصبة انا: (كنهدر بشوية) غير شفت سعيد تعصبت كنت كنرسمو باش منسااهش
