انا: (شادة قلبي) افف خلعتيني حرام عليك جاد: (مخنزر) تبارك الله اش هاد اللبس انا: احم جاد حياتي مالك معصب جاد: (بالغوات) جاوبينييي.. ماشي حيت كنتعامل معاك مزيان راه غاديري داكشي لي عجبك انا: جاد تكالما نتا عارف بلي ممشيتش نتسارا راه الخدمة هادي جاد: اينا خدمة هادي الالة لي تخليك تعراي وتجلسيلي مع داك ال*امل انا: حبيبي تهدن عفاك وخلينا نهضرو بالعقل جاد: واش نتي خليتيلي شي عقل ااا انا: بانلي دبا محال واش غنتفاهمو من الاحسن سير دبا حتى الغدا ونهضرو جاد: لا بلاش انا غادي وممحتاجش نهضرو فهادشي الله يعاونك.. ضرب فكتفي وخرج انا بقيت مسمرة وهدرتو كتعاود فودني.... مشيت لبيتي حيدت الحوايج ولبست بيجامتي قررت غدا نطلب منو السماحة... صبح الصباح فقت مشيت لخدمتي وتلاقيت بجاد لي معبرنيش بقا فيا الحال خدمت خدمتي ومشيت للصال فاش خرجت لقيت فهد جالس كيتسنا ختو زعما فهد: (شاف رقية وتقاد فالوقفة) اهلا نور لباس عليك انا: ااه فهد سافا ونتا فهد: مزيان حمد الله.. ياله نوصلوك معانا انا: نو بلاش راني جايبة طموبيلتي فهد: (بخيبة امل) ااه اوكي انا: ياله باي نهال: باي.. خويا ياله نمشيو حتى حنا فهد: ا.. اه واخة ياله... مشيت ركبت طموبيلتي وشديت الطريق للدار دخلت مشيت نيشان للدوش دوشت عاد دزت للكوزينة درت العشا كليت وانا نمشي نعس... هكا داز شهر جاد من داك النهار عمرو معاود هضر معايا وخا حاولت شحال من مرة ولي زاد ازمني ان ديك ريم ديما معاه وحتى هو كيهضر ويضحك معاها.... بالنسبة لفهد رجعت كنشوفو كل نهار واندامجنا انا وياه واليوم عارضني للغدا فدارهم.. لبست سروال كحل مع بودي قصير كيبين الكرش فالكري وصباط الطالون ومكياج خفيف.. فهد: (فالتليفون) هانا كنتسناك لتحت انا: اوكي هانا جاية... نزلت شافني طرطق عينيه فهد: (كيصفر) واااو اش هاد الجمال انا: هههه ميرسي.. ركبت معاه وهو يديماري وصلنا لواحد القصر زويين دخلنا لداخل لقيت نهال تسالمنا وجلسنا كنهضرو حتى نزل باباه البوص: سلام انا: (درت عندو ومتلت الصدمة) ا.. اهلا موسيو البوص: (عقل عليها) نوور انا: (وقفت) اه فهد: كتعرفها ابابا البوص: اجي معايا نهضرو انا: اوكي.. تبعتو للمكتب ديالو البوص: (بحزم) جلسي.. جلست وبقيت كنشوف فيه... فين غبرتي انا: قبل من كولشي البراكة فراسك من جهة خوك البوص: (بعصبية) غادي ندم هداك لي قتلو غير صبري حتى نلقاه انا: للاسف انا محضرتش لديك العملية حيت كنت مريضة اما كون عرفت ايوقع هادشي كون مشيت معاه واخة نفديه بروحي هئ هئ.. حيت دار معايا المزيان وخدمني وعطاني فلوس باش شريت الدار هئ هئ الله يرحمو البوص: صافي براكة من البكا وغادي نلقا هداك لي قتلو انا: (كنمسح دموعي) ان شاء الله البوص: دبا نتي فين خدامة انا: خدمت فواحد لصال ديال الرقص لي كتمشيلو بنتك نهال البوص: ممم اوكي ياله سيري لعندهم دبا انا: اوكي.. مشيت لعندهم وجلست نهال: نور مالك وفين كتعرفي بابا انا: ا... البوص: (قاطعني) كانت خدامة مع عمك الله يرحمو ودبا غادي تخدم معايا انا: واش بالصح كتهضر البوص: بنتلك كنضحك هنا انا: لا.. جلس وتسنينا حتى جابو الغدا تغدينا عاد مشيت للدار
