كلشي لبس وخرجو للساحة وهما مخلوعين من شنو غيوقع مي مايوصلوش لسناء لي عاد عرفات بلي لعبات مع التنين الاسود.... بقاو واقفين وشي كيشوف فشي مقادينش حتى يهضرو حيت راجلها واقف حداهم.. شوية هاهي داخلة بكل ثقة وبخطوات ثقيلة انا: (بجدية) 100 دورة على الساحة فساعة وياويييل لي يتعطل نهارو مايطلع... رجعات جلسات فوق الكرسي ودارت رجل فوق رجل هما بالصدمة مقدوش يتحركو بقاو غير كيشوفو فيها انا: ماالكم ياكما بغيتوني نعرض عليكم.. واتحركوووو..... كلشي ناض كيجري وهي شادة الكرونو... دازت ساعة وياله دارو 80 دورة وكاين لي وصل ل60 ومن بينهم سناء.. انا: حببسسسسس... كلشي فرح... غادي تعاودو من اللول يعني 100 دورة فساعة ويلا مكملتوش غادي تعاودوها انبقاو الليل كامل هكا.. وبالنسبة لي وصل ل60 يعني نتوما (شيرت ل6 دالناس من بينهم سناء) غادي ديرو 120 ويلا مكملتوش غادي تزادليكم ياله تحركووو.... بداو كيجريو وهما سخفانين... جاد سخف شاف الساعة فيديه لقا بقات 20 دقيقة وهو ياله داير 60 حاول يجهد راسو وهو يكسيري بقا هكاك حتى كمل وهو يجلس فالارض كيلهث انا: حبببسسس... جاد ومراد وعادل وعلي ومحمد وجيهان نتوما كملتو بامكانكم تجلسو ترتاحو.. اما لي وصل ل90 غادي نعطيه 5دقايق يديرلي 10 دورات مي الى مكملتوش اتعاودو من اللول... بالنسبة لسناء ورانيا نتوما بجوجات لي وصلتو ياله 70 داكشي علاش غادي تعاااودو من اللول رانيا: عفاك اختي رحمينا انا: (بالغوات) انا ما اخت حد ياله تحركو... هادوك لي كانو وصلو ل90 كملو 10 دورات ف5 دقايق من بينهم زياد.. مشاو جلسو حدا الاخرين وبقات رانيا وسناء.. كملات ساعة وصلات رانيا 115 انا: رانيا براكة عليك بامكانك تجلسي ونتي واش متاكدة بلي ضابطة كلشي كمل الا نتي لي مزال ف90 دورة سناء: غادي نموت براكة عليا واش مفقلبكش الرحمة... نضت لعندها وقربت حتى لودنيها انا: (بصوت منخفض) لا انا مكنعرفش الرحمة سناء: نتي دبا كتنتاقمي مني ياك انا: ههههههه شفتك عاطية لراسك قيمة بزاااف دبا انا مسالية لوحدة بحالك.. ياله 10 دقايق تكملي 30 دورة ولا غنجلسو انا وياك هاد الليلة هنا... كملاتهم وهي كتلهث انا: ياله دبا الحركات التسخينية.. كلشي ناض شد بلاصتو ياله جيت بغيت نوريهم وهو يجي جاد عندي جاد: مديريلهومش الحركات التسخينية انا: وعلاش بالسلامة جاد: عفاك سمعي لهضرتي غير مرة وحدة فحياتك رتاحي نتي انا لي غنديرهالهوم انا: اففف واخة... رجعت جلست وبدا كيديرليهوم الحركات حتى كملو ودخلنا لصالة الرياضة... ياله سناء غادي ضاربي معايا.. جاد دار يديه على راسو وبدا كيلعن فالوقت لي مبغاش يدوز.... وقفو فالحلبة وسناء مابقاليها والو وديرها فسروالها... بداو كيضربو اكيد رقية لي غلبات ولكن هاد المرة نسات راسها وضرباتها بوحشية فاش سالاو سناء سخفاتليهم وعيطو للاومبيلونس اما رقية رجعات جلسات بكل هدوء وكتشوف فالاخرين كيضاربو..
