صبح الصباح فقت لقيت راسي بوحدي كيف العادة.. هزيت ولدي دخلتو دوشتليه خرجت لبستو حويجاتو وعيطت لماما انا: ماما خلي جود عندك ماما: واخة ابنتي... دخلت دوشت ولبست كيطمة نزلت لتحت كانت غرفة للرياضة بديت كنتريني عييت بالزربة.. كملت وطلعت عاودت دوشت عاد نزلت خديت غير كاس دالعصير وانا نخرج مشيت لصالون درت ليسوان لشعري ووجهي بان الضو فيهم شوية رجعت فوقيتة دالغدا.. تغديت وخديت ولدي وطلعت لبيتي جلست كنلعب معاه حتى نعست... عند جاد لي جا عيان وهاد المرة جا بكري مع 7 دخل لبيتو لقا ولدو فايق وكيلعب برجيلاتو وحداه رقية ناعسة وشعرها طايح على وجهها تقدم جيهتهم باس ولدو وتلفت لمراتو حشا وجهو فعنقها مزير عليها كيروي عطشو وشوقو ليها شافها تحركات وناض بالزربة دخل دوش خرج لاوي الفوطة على نصو.. شافتو رقية وهي تنوض انا: (عنقتو) توحشتك جاد: سافا انا: لا كيفاش بغيتي نكون بخير ونتا بعيد عليا جاد: هانا حداك انا: (شيرت لقلبو) وهدا جاد: مالو انا: واش حدايا واش كيحس بيا واش مزال كيبغيني... جاد حدر لعندها وبدا كيلتاهم شفايفها تصدمات من ردة فعلو مي عجبها الحال تعلقات فيه وهو هزها كيبوس ويعض كيحاول يحيد شوق ديالو منها حتى حس براسو مغيقدرش وهو يبعد جاد: (حط راسو على راسها وعينيه معسلين) عرفتي جوابي دبا انا: (فرحانة) يعني مزال كتبغيني جاد: كنموت فيك... نزلها وهو لبس حوايجو وجا جرها تكا على صدرها انا: حياتي جاد: ويي حبيبة انا: علاش مبقيتيش كتهتم بيا جاد: الخدمة كتيرة كنجي عيان انا: الله يعاونك نديرليك مساج جاد: مكرهتش... ناضت بالزربة هزات واحد الزيت ورجعات لعندو طفات الضو خلات ضو خفيف فالبيت.. حيد هو التيشورت ونعس على كرشو... جلسات على رجليه وبدات كديرلو فالمساج.. ترخا وعجبو الحال بقات كتماصيلو حتى نعس ناضت غسلات يديها ولبسات حوايجها وهي تنزل للكوزينة قدات العشا حطاتو فالبلاطو خ. حورية: اش كاديري ابنتي انا: راه جاد دوش ونعس غادي نطلعلو العشا الى قدر ياكل شوية خ. حورية: واخة ابنتي الله يرضي عليك انا: امين... هزيت البلاطو وطلعت حطيتو فوق الكوافوز ومشيت لعندو..
