تغدينا فالجردة كملنا ونضت جمعت داكشي وغسلت الماعن وانا نطلع لبيت لقيت حبيبي متكي شاد البيسي.. مشيت نقزت عليه جاد: هههه مالك انا: والو انا غنعس راني عييت والبارح gاع منعست مزيان جاد: اوكي حياتي ياله رتاحي دبا... تلاحيت عليه بستو ونزلت تكيت معنقا رجليه... ههه هبيلة والله انا: بونوي😂... غمضت عيني وجاد كيحكلي راسي حتى نعست.. فقت مدوخة شفت الساعة لقيتها 6 دالعشية هبطت كنقلب على جاد لقيتو فقاعة الرياضة كيدير طراكسيون مشيت كنجري تكيت على ظهرو جاد: هههه اديك الحمقة اش كاديري انا: ياله طلع ونزل بالزربة جاد: هي لي متعاودش الالة... بقا هابط طالع وانا كنضحك شوية وهو يدفعني حتى طحت انا: احح قصحتيني مالك جاد: (وقف) وانا راك هرستيلي ظهري انا: (مشيت تعلقت فيه) هزني😇 جاد: واش جاتك السخانة انا: عفاااك ياله هز جاد: (هزني) لا حول ولا قوة الا بالله انا: (حاطة راسي على كتفو) كنبغييك جاد: (عنقها) وانا كنموت فيك... خرجنا للجردة جلس وجلسني على رجليه.. اش غاديري دبا انا: فياش جاد: البوص انا: (كندور فعيني) واالو جاد: راني حاافضك غير هضري انا: متخافش عليا انا قادة بشغلي جاد: (غوبش) ديك الهضرة نفعات فاش مكناش مزوجين مي دبا انا راجلك ومن حقي نعرف انا: مغاديش نخاطر بيك جاد: وحتى انا منقدرش نخاطر بيك.. شد يدي.. الى وقعاتليك شي حاجة انا غنمشي فيها منقدرش نعيش بلا بيك.. انا كنعشقك وكنموت عليك انا: حتى انا كنبغيك ومغادي يوقعلي والو غير تهنا جاد: واش انا كنهضر ونتي كديري غير فراسك ماشي حيت كنت كنسكتليك صافي غتبقاي ديري لي بغيتي انا: غادي نشد البوص خاصو يتحبس مي مغاندير والو دبا حتى نشوف اش غايدير هو جاد: اي حاجة ارقية نبغي نعرفها اي خطوة درتيها ولا معمرني نسمحليك انا: اوكي غير تهنا كلشي غيكون فخبارك جاد: (باس يدي) الله يرضي عليك الزوينة انا: امييين.. بستو فحنكو وتكيت على صدرو... حياتييي جاد: نعام اروحي انا: مليت نوض نديرو شي حاجة جاد: اش بغيتي نديرو انا: ممم معرفتش جاد: (وقف وهو هازني وداير نصف ابتسامة) ممم انا عرفت انا: شنو غاند... مجيت فين نكمل هضرتي حتى تلاحيت فلابيسين خرجت وانا نشهق لقيتو كيموت عليا بالضحك وانا ندير راسي كنغرق جاد: هههه بلا داك الضحك راه مغنتيقش.... شوية شافها نزلات لتحت ومكتحركش بدون ميفكر تلاح وهو غيموت بالخلعة نزل لتحت جبدها وهو يهزها... غفلتو وانا نتعلق فيه انا: انا تلوحني فالما محشمتيش جاد: (غوبش) اخر مرة ضحكي معايا هاد الضحك واش تسطيتي ولا مالك كنت غنموت بالخلعة😠 انا: يخليلي الحب لي كيخاف عليا😍
