انا: الو سلام وعليكم الشاب: ختي عفاك والله حتى حنا دراوش وخويا صغير معندو عقل سمحيلو الى دارليك شي حاجة انا: لا مدارلي والو انا جبت ماماك للسبيطار وراها بخير متخلعش مي بغيتك تجي نهدر معاك الشاب: ياك لباس شنو وقعليها اختي انا: شوف خود دبا طاكسي صغيرة ومتخممش غادي تلقاني كنتسناك قدام الكلينيك انا غادي نخلص الطاكسي الشاب: (بتردد) واخة اختي اينا سبيطار انا: كلينيك****.. قطعت معاه ومشيت لعند حمزة.. حمزة خويا عفاك تقدر تهبط مع سفيان لتحت خوه غادي يجي دبا وبغيتك تخلص الطاكسي حمزة: واخة اختي غير تهناي..مشا حمزة وسفيان نزلو لتحت ومشيت عند عصام رغبتو يمشي يجيب شي حاجة للماكلة الولاد ايكون جاهم الجوع ورغبتو ياخدلينا شي حوايج انا والبنت حيت بجوجنا ملابسينش مزيان مشا يجيب داكشي وجلست فوق الكرسي حتى جا جاد حط فوق كتافي جاكيطة ديالو مقديتش نشوف فيه حشمت من داكشي لي درت جريت ملاك عندي عنقتها حتى تم داخل واحد الشاب مشاء الله عليه بوكوص مي حوايجو مكرفصين وشاد فيد سفيان وباين عليه التوتر الشاب: سلام انا عمر انا: متشرفين انا رقية نقدرو نهدرو شوية عمر: واخة اختي.. جريتو بعاد على الدراري وجلسنا فواحد الكراسا انا: احم فالوقيتة دالغدا كنت مع ولاد عمي حتى شفت واحد بغا يضرب خوك بموس المهم موقعلو والو الحمد لله ومشيت نوصلهم لقيت الواليدة ديالك مريضة مقديتش نخليها فديك الحالة وجبتها قالولي خاصها عملية عمر: (بصوت مخنوق) عارف اختي مي هما طالبين مبلغ كبير وانا معنديش انا: شش عارفة انا لي غادي نتكلف بالمصاريف وغدا ان شاء الله دير الواليدة ديالك العملية عمر: لا اختي منقبلش راه الفلوس بزاف انا: انا صافي قررت ونازلة دبا لتحت نخلص.. مكنتسناش منكم شي مقابل واخة عمر: (حنا راسو) شكرا.. بانلي عصام مشيت خديت من عندو الحوايج وجريت معايا ملاك لبسنا الكيطمات انا فالكحل وهي فالغوز مع سبرديلات خرجنا خديت من عندو لي سندويش عطيت لملاك وسفيان ومشيت عند عمر لي كان شاد راسو بيديه انا: احم خود تاكل ونتا ياله جيتي من الخدمة عمر: شكرا.. خدا من عندي كياكل ومشيت عند الدراري انا: سمحولي عطلتكم على شغالكم مي تقدرو تمشيو انا غنبات هنا عصام متقول لبابا والو باش ميتخلعش عصام: لا منقدرش نمشي ونخليك انا: الى بقيتي غادي يسحابلو بلي واقعة شي حاجة جاد: صافي غير سيرو نتوما انا غنبقا معاها حمزة: واخة اخويا الى حتاجيتو شي حاجة عيطلينا.. جريت عصام بعيد عليهم انا: عصام نتا كتعرف الناس هنا بزاف شوفلي شي محامي بغيتك تقلبلي على شي ابارطمون عصام: علاش انا: وغير دير داكشي لي قلت ليك المهم بغيت غدا تلقاها وانا فالعشية نمشي نشوفها عصام: (تنهد) واخة.. مشاو الدراري ومشيت عند الولاد دخلتهم لبيتي خليتهم ينعسو وهوما مخلوعين على ماماهم اما عمر بقيت معاه حتى وافق ودخل تكا فالفوتوي عاد مشيت انا وجاد هبطت خلصت واخة مابغاش جاد مي مخليتوش خلصت وقالولي العملية غاتكون مع 9 جيت طالعة حتى شدني جاد من يدي حسيت بالتبوريشة وجسمي تشوك جاد: اجي نجلسو فالجردة انا: احم اوكي.. مشينا جلسنا فواحد الكرسي وساكتين حتى تحطات يدو على يدي شفت فيه لقيتو مبتاسم وكيشوف قدامو انا: ممم بغيت نعتادر منك على التصرف لي درت قبيلة جاد: نو عادي.. ياكما جاك البرد انا: شوية جاد: اوكي زيدي ندخلو لطموبيلتك انا: اوكي.. مشينا جلسنا وهبطت شوية الكرسي ديالي حتى نعست.... عند جاد... من بعد مانعسات رقية بقيت كنشوف فيها ماحسيت براسي حتى لقيت يدي كتسارا فوجها جاد: (تنهد) كنتمنى نقدر نخرجك من الحزن لي عايشة فيه.. وكنتمنى ماتكون عندك حتى علاقة بعصام اففف يا ربي.... قربتليها وبستها ففمها حسيت بيها تحركات وانا نوض بالزربة ورجعت لبلاصتي بقيت كنفكر حتى نعست..
