سمعت الدقان ومشيت نحل الباب لقيت جاد.. انا: (عنقتو ووجهي فصدرو) توحشتكك جاد: (كان معصب مي غير عنقاتو تهدن) حتى انا توحشتك.. دخلو للدار... ديالمن هاد الدار انا: داري شريتها اليوم جاد: وفوقاش درتي هادشي كامل انا: البارح شفتها وعجباتني خديت العبار ديال البيوت ومشيت تقديت الفراش واليوم جابوهلي جاد: علاش معلمتنيش كنت نعاونك انا: مبغيتش نعدبك وصافي جاد: متقوليش هاد الهدرة نتي راك حبيبتي وعدابك راحة انا: الله يخليك ليا.. اجي جلس فهاد البيت راني قاديتها جاد: اوكي اجي لهنا مالك صفرة واش مريضة انا: لا لا انا بخير جاد: ودبا هضري شوفي كيف وليتي صفرة انا: ممم غير حيت مكليتش هاد النهار جاد: (بالغوات) كيفااش واش بغيتي تقتلي راسك انا: لا غير مساليتش وصافي راني دمونديت على بيتزا شوية وتوصل جاد: (شدني من يدي وجلسني) رتاحي شوية انا نكمل عليك انا: لا بلا متعدب راسك غير خليني دبا نكمل.. سمعنا الدقان مشا جاد حل لقا مول البيتزا خداها وخلصو وجا لعندي جاد: ياله كولي بغيتك تكمليها كاملة انا: لا منقدرش كول معايا حتى نتا... بقينا كناكلو حتى كملناها ونضت كنكمل وهو كيعاوني داز وقت زوين عجبني الحال حتى كملنا وانا نجلس فالارض حيت عييييت جاد: (هزني) حبيبتي عيات انا: (حشيت وجهي فعنقو) بزااف جاد: هههه بعدي راك كتهريني اتجبدي الصداع على راسك انا: هههههه هاهيا اسيدي صافي جاد: شنو غنديرو دبا انا: غادي ندخل بعدا انا للدوش نرتاح شوية جاد: (بمكر) ندخل معاك انا: اويلي حشم جاد: ههههه واخة دبا تخلصي ياله دخلي احبيبتي هانا نمشي نخرج واحد نص ساعة ونرجع انا: اوكي هاك السوارت جاد: (باسني فراسي) اوكي حبيبتي... خرج ومشيت وجدت الدوش تحشيت فالبانيو وغمضت عيني حسيت بالراحة بقيت شحال وانا فالحمام حتى ارتاحيت عاد نضت دوشت خرجت جيت نلبس ولاول مرة غادي نجبد اكس فالابيض وشورت فالحمر لبستهم ووقفت قدام المراية جاني راسي فشكل تعودت على الكحل شديت شعري نشفتو شوية لبست بانطوفتي وخرجت لقيت الضو فالكوزينة دخلت لقيت ميكات بزااف وجاد كيرتب فالثلاجة انا: علاش عدبتي راسك.. طلع راسو جاد وهو يتصمك بقا غير كيشوف مقدرش يهدر.. جاد مالك جاد: (ناري حمقاتني هاد البنت) جيتي كتحمقي احبيبتي انا: (تزنكت) هههه ميرسي.. اجي نعاونك..... مشيت بديت كنقاد الخضرة بلاصتها وجاد غير متبعني بعينيه توترت انا: احم جاد متبقاش تشوف فيا هكا جاد: ههههه علاش انا: كتوترني جاد: (عنقني من اللور) طيرتيلي العقل فينما كنمشي كنشوفك قدامي.. اححح شنو درتي فيا يا هاد البنت انا: (حشمت) احم شنو بغيتي تاكل جاد: (دورني لعندو) نتي انا: (تزنكت) جاد جاد: احححح مكنتش عارف بلي سميتي زوينة لهاد الدرجة انا: (كنحاول نبدل الموضوع) صافي لقيتها نطيب ليباط بالكفتة جاد: (عاق بيها) هههههه اوكي حبيبتي... طلق مني كملت جميع ديال داكشي وهو جالس كيشوف فيا ومبتاسم كملت وبديت كنطيب العشا وكنتعاود انا وجاد حتى ساليت وحطينا تعشينا وشكرني حيت عجبو العشا جمعت داكشي وهزيت شيبس ومشينا جلسنا فالبيت جاد: اجي مقلتيليش علاش شريتي دار ومبقيتيش مع الياس انا: (بلا مانحس) قربت نبدا فمهمتي جاد: اينا مهمة انا: (عاد عقت) ا لا والو غير مبغيتش نتقل عليه وصافي جاد: (تفكر داك النهار فاش قالت لباباها على انتقامها) اجي لهنا داك النهار قلتي لباباك اتنتاقمي من الناس لي قتلو ماماك انا: نو مقلت والو جاد: رقية هضري خلاص متعصبنيش انا: (شديت يدي) حياتي نتا عارف خدمتنا كيدايرة ودبا غادي نقلب على البوص وصافي جاد: هادشي خاصنا ندرسوه ونوضعو خطة مجموعين انا: سمحلي انا منقدرش نتيق فيهم ونقوليهم الخطة ديالي حيت كيفما حنا حاطين جواسيس فالمافيا دونك راه ممكن يكونو الجواسيس ديالهم بيناتنا ويلا بالصح كتعرف التنين الاسود راه عمرو مقال الخطة ديالو لشي حد جاد: مممم اوكي مي قوليلي انا انا: منقدرش اجاد جاد: (باستغراب) كيفاش واش مكتقيش فيا حتا انا انا: (تنهدت) اكتر واحد كنتيق فيه هو نتا مي منقدرش نعرض حياتك للخطر جاد: متقوليش هكا حنا غادي نتعاونو بجوج منقدرش نخليك بوحدك من بعد مالقيتك وبغيتيني مستحيل نفرط فيك
