انا: جاد حياتي تهدن جاد: (مداهاش فيها ومشا شنق عليه) مبقيتو كتفرقو بين مراة مزوجة و وحدة لا... واش مكتفهمش شايف ولدها وراجلها وزايدها بالهضرة... بدا كيضرب فيه حتى بدا كيغيب انا: (شديت جاد جريتو عندي) جاد براكة غيموت فيديك جاد: (صدرو كيطلع ويهبط) هاد الحمار منبغيش نشوفو فالشركة انا: شش صافي تهدن شوف جود كيبكي.. خرج جاد وانا مشيت عند هداك احمد: (عينيه فالارض) سمحيلي انا: نوض جمع راسك ومتعاودش توريني وجهك هنا احمد: لا عفاك انا محتاج هاد الخدمة انا: (عطيتو بالظهر) كان عليك تفكر فهادشي قبل متجرأ على مراة مزوجة احمد: انا غلطت وكنطلب السماحة الله يخليك خليني خدام ومغتشوفي وجهي غير من اجتماع لاجتماع.. عفاك انا محتاج للخدمة وختي مريضة.. الى مخدمتش معندي كيندير نخلص العلاج ديالها انا: (درت لعندو لقيت عينيه مدمعين) سير للمكتب ديالك احمد: شكراا.. خرج وانا مشيت هزيت ولدي وخرجت لقيت جاد فالطموبيل.. قاديت جود فبلاصتو ومشيت ركبت جاد: منبغيش نشوف هداك تما انا: (تنهدت) صافي غير سوء تفاهم وراه طلب السماحة انا متأكدة مغيعاودش يدير نفس الخطأ جاد: دبا انا هضرتي مبقاتش عندها قيمة انا: سمعني هو ختو مريضة وكيخلص العلاج ديالها منقدرش نجري عليه.. ومتنساش انا قادرة نوقفو على حدو جاد: اوووف ديري لي عجبك... ديمارا ومشا مكسيرا انا: نقص السرعة واش باغي تقتلنا... مجاوبنيش حدو نقص السرعة.. وصلنا هزيت ولدي ودخلت بدلت لجود رضعتو ونعستو... لبست بيجامتي وهبطت وجدت بالزربة العشا.. هبط جاد جلس كياكول وgاع مكيهضر معايا انا: (حطيت يدي على يديه) حياتي... حيد يديه وكمل ماكلتو وهو يطلع خلاني مسمرة فبلاصتي... جمعت داكشي بالخف وطلعت لعندو لقيتو ناعس مشيت تكيت فوقو وحطيت وجهي فوسط عنقو انا: كنبغيك كثر مكتصور وحياتي بلا بيك بدون معنى.. كنعشقك ومنقدر نشوف حتى فشي حد من غيرك... نتا حبيبي وبابا وخويا وكلشي.. (تنهدت)... بقا فيا هداك حيت ختو مريضة داكشي علاش اما كلمتك نتا فوق راسي... كنبغييييكك...
