وصلنا كل واحد وجد سلاحو ونزلنا دخلنا انا وجاد من الباب القدامي ولاخرين من اللور... بربعة بينا مغطيين وجهنا ودايرين نضاضر... دخلت للفيلا بدينا كنقلبو ووالو شوية سمعنا الغوات جاي من التحت نزلت وانا نتصدم كون مشدنيش جاد كون طحت... كانت هاديك الحمارة كضرب ماما بالسمطة وماما مربوطة زينب: واش نتي مبغاش تموتي.. علاش سعيد مخليك عايشة.. ياكما كيبغيك.. علاش فوقما نضربك يغوت عليا.. اليوم نقتلك ونتهنا منك محسيت براسي حتى طرت لعندها وجبدتها من شعرها حتى طاحت فالارض وقفتها وانا شانقة عليها.. جاد مشا فك ماما لحقو علينا الدراري عاونو جاد وبقاو كيتسناوني ماما: بنتي خليها وياله جاد: (شدليها يدها) تهدني اخالتي متخافيش زينب: (كتحاول تحيد يدي) شكون نتي انا: (حيدت اللتام) لي غادي تاخد روحك زينب: (بصدمة) نتي اش كاديري هنا انا: (شفت فالدراري) سيرو حتى نلحق عليك.. خرجو حيت عارفين اش غيوقع مدام وراتها وجها... ربطتها وجبدت الموس انا: (كنغوت) نتييي يا الحمارة ضربي ماما😠.. انا غنوري مك القحبة الضرب كيداير😠...... شديت الموس ودوزتو على يديها من الفوق تال التحت الدم كينزل وهي كتغوت درت نفس شي ليديها التانية زينب: عفاك طلقي مني وخليني عليك ياك خديتي مك اش بغيتي عندي انا: روحك.. شديت وجهها شروطتو كامل بالموس وهي كتغوت حتى سخفات شديت الفردي تيريت فيها جبتهاليها فالراس رديت اللتام على وجهي وخرجت مي قبل كتبت بدمها فالباب《#التنين_الاسود_غاضب》وصلت للطموبيل ركبت بلا منهضر اصلا شافو الدم فيدي وهما يسكتو وماما مسكينة متكية على الياس وكتحاول تبينلي بلي راها بخير مقديتش نهضر معاها.. مشيت للفيلا ديال جاد حيت تما فين غتكون الطيارة وصلنا مشيت نيشان غسلت يدي وبدلت دوك الحوايج.. خرجت لقيتهم طلعو ماما فالطيارة طلعت عندها كانت ناعسة وحاطينها فبيت مجهزة بالمعدات الطبية والطبيب والفرمليات دايرين بها شافوني وهما يخرجو.. مشيت عنقتها انا: كنواعدك اماما غاترجعي لحياتك.. كنبغيك... بستها وانا نخرج... بغيتكم تحطوها فعينيكوم الكل: كوني هانية امدام انا: عصام الياس عفاكم متفارقوهاش حتى تولي صحة سلام ونزلوها ديك الساعة للمغرب انكون كملت شغلي وبامكانها تبان الياس: غير رتاحي هاديك راه ماما حتى انا انا: شكرا طريق السلامة عصام: امين تهلاي فراسك ويلا بانتليك شي حاجة ماشي تال تما عيطيلينا نجي انا انا: اوكي... هبطت من الطيارة وهي تقلع جا عندي جاد عنقني من اللور جاد: كلشي غيكون مزيان وهاهي ماماك دبا فامان انا: الحمد لله😢😢 جاد: ششش متبكيش اجي معايا... دخلني جاد وطلعني للحمام وجدلي الجاكوزي... ياله دخلي رتاحي شوية على مانوجدليك الغدا انا: (عنقتو) الله يخليك ليا جاد: (باسني فنيفي) كنحماق عليك... خرج وانا حيدت حوايجي دخلت بقيت جالسة حتى ارتاحيت عاد دوشت... خرجت لبست بيجامتي ونزلت لتحت لقيت حبيبي فالكوزينة مشيت عنقتو من اللور.... حس بيها جاد وهو يردها قدامو وجلسها فوق البوطاجي جاد: بالصحة التدويشة الزوينة انا: الله يعطيك الصحة جاد: (باسها فحنكها) كتحمقيني فاش عاد كتخرجي من الحمام كتكوني مزنكة😍😍 انا: هههه حمق.. شنو كيطيب حبيبي😋😋 جاد: ممم كندير بيتزا عارفك كتحماقي عليها انا: اووه نموت فيك انا... بقيت جالسة وهو مركز مع البيتزا لي يشوف قصوحيتو وعصبيتو فالخدمة ميقولش بلي هو يقدر يدير هادشي على قبل بنت.. الحمد لله ربي عطاني راجل بحالو
