حلاتلي الخدامة شافتني وتخلعات مع كنت مدورة الفاصمة على راسي ويدي فيها الفاصمة وواحد العين زرقة انا: (ببرود) مالكي الخدامة: (كتفتف) ا لا والو.. بعدتها ودخلت لقيت البوليس كاينين بابا شاد راسو وكلشي مجموع انا: سلام.. كلشي دار عندي مصدومين جا بابا كيجري عنقني بابا: بنتي شنو وقعليك انا: تهدن ابابا موقع والو هانا حداك بابا: كيفااش موقع والو ونتي كلك فاصمات انا: اجي نجلسو بعدا راني عيانة.. شدني من يدي وداني جلست كلشي كيسولني كيبقيت وجاد واقف بعيد كيشوف بوليسي: نقدر نعرف فين كنتي هاد المدة انا: (ونتا سوقك افف) كنت فالكلينيك بوليسي: شنو لي وصلك للكلينيك انا: وقعاتلي حادثة واحد ضربني بطموبيلتو مي الخطأ ديالي بوليسي: اه اوكي يعني مدرتيش دعوة انا: لا واعتادر مني سامحتو بوليسي: اوكي كنظن خدمتنا سالات خليتلكوم الراحة عمي احمد: شكرا وسمحلينا عدبناكم بوليسي: هدا واجب.. صافي مشاو البوليس ودارو لعندي بابا: علاش ابنتي مشكتيش عليه كون قتلك الله يستر انا: متخافش ابابا عليا هانا قدامك عمي يوسف: كان عليك ابنتي تعيطيلينا نجيو عندك انا: مكنتش مركزة سمحولي.. ياله نخليكوم دبا نطلع نرتاح بابا: واخة ابنتي... طلعت لبيتي وبدلت حوايجي لبست تريكو وسروال حيت جسمي كلو زرق بالضرب وحيدت الرقاقة من عنقي طلقت شعري حطيتها فالتليفون جيت نتكا وهو يدخل جاد بقا كيشوف فيها اول مرة يشوف شعرها الطويل مطلوق انا: بغيتي شي حاجة جاد: كنت بغيت نسولك انا: وي مرحبا جاد: فين مشيتي نهار الجمعة بالليل (نهار مشيت عند حسن) انا: كيفاش فين مشيت جاد: بلا متكدبي انا شفتك خرجتي ومن تما ونتي غابرة انا: معرفتش علياش كتهدر.. تكيت فوق الناموسية وتغطيت هو بقا كيشوف فيا شوية قرب لعندي وجلس جنب الناموسية جاد: عاوديلي نقدر نعاونك وهادا لي دار فيك هادشي نجبدو من تحت الارض غير هدري وانا ناخدليك حقك انا: (تاترت اول مرة يقولي شي حد هاد الهدرة معرفت كيدرت حطيت يدي على يديه) انا قلت داكشي لي كاين علاش غادي نكدب جاد: (كيشوف فيديها لي محطوطة عليه) احم اوكي لي بغيتي.. ناض مشا وانا تكيت معقلت على راسي حتى نعست فقت فالليل كانت ديك الساعة 12 دالليل جاني جوع ونضت نزلت لتحت مشيت للكوزينة جبدت الماكلة وبقيت واحلة بيد وحدة وشعري ديرونجاني مع مطلوق وكيطيحلي على عيني حتى دخل عليا جاد جاد: (سها فيها) انا: احم جاني جوع ونزلت ناكل جاد: اه نعاونك فشي حاجة انا: وي الى كان ممكن تقادلي هاد كاسكروط معندي كيندير بيد وحدة جاد: اوكي.. قادولي وشديت بديت كناكل بقا هو جالس حاضيني حتى كملت وشربت كاس دالما انا: تصبح على خير.. مشيت طالعة فالدروج بشوية حتى تهزيت درت لقيت جاد هازني انا: اش كديير جاد: هزيتك حيت مزال عيانة.. سكت معرفت مالي بقيت كنشوف فيه حتى دخلني للبيت وحطني فوق ناموسيتي انا: شكرا وسمحلي عدبتك... بقا كيشوف فعيني حتى لواحد اللحظة نزل لشفايفي تصدمت وطرطقت عيني كنحس بجسمي كلو كيترعد...جاد كان غارق فقبلتو شد يديه دارها من مور ظهرها شافها كترعد وهو يبعد بالزربة جاد: (كيشوف فيها وكيحاول يعرف مالها) سمحيلي انا: (ببرود) خرج من بيتي.. جاد خرج من البيت كيبتسم حس براسو فرحان بالاخص فاش كانت كترعد ليه بين يديه يعني اول مرة يقيسها شي حد وهادشي زاد فرحو...
