جاد تصدم منها اما هي حشات وجهها فعنقو بورشاتو وشاد راسو غير بزز مد يديه وجرها لعندو... جلسات فوق رجليه وحطات راسها جهة عنقو انا: (مغمضة عيني) اححح ريحتك كتحمقني... جاد سكت وهو مفاهمش شنو وقعليها شوية وهي تبوسو فعنقو.. طرطق عينيه مي فنفس الوقت فرح هزليها وجهها وهو يبوسها... اندامجات معاه مي كانت قبلتها عنيفة على غير العادة... شوية دازت قدامها لقطة بحال هادي وهي تبعد بالزربة شدات فراسها... تخلع عليها وهو يشدها جاد: رقية تهدني وحاولي متفكريش بزاف... غدا نمشيو نشوفو شي طبيب انا: واخة.. عاد انتابهت فين جالسة وشنو درت... سمحلي... نضت بالزربة من فوقو ومشيت لبيتي سديت الباب انا: اوييلي اش درت انا.. مالي رجعت هكا.. افف هاد الحمل حمقني... كيفاش غادي نشوف فيه... *عند عصام* كان جالس فالريسطو مع صحابو مجمعين وكيضحكو حتى لمح اريج داخلة مع صحاباتها وكيضحكو.. جلسو قدامهم بقا كيشوف فيها ولاول مرة يلاحظ جمالها وضحكتها.. شوية ناضت بقا متبعها بعينيه حتى شاف واحد شدها من يديها وهي كدفع فيه.. محس براسو حتى وقف عليهم عصام: كاين شي مشكل اخويا الشاب: ونتا سوقك عصام: اريج كتعرفي هدا اريج: لا عصام: ياله حسب خطواتك قبل مانفرج فيك الناس... داك الدري مشا خاف على عضيماتو.. جا يمشي عصام وهي تشدو اريج اريج: شكرا عصام: ماشي شي حاجة.. المهم نخليك دبا.... مشا وهي بقات متبعاه بعينيها حتى خرج.... بقات هي مجمعة مع صحاباتها وفرحانة حيت شافت عصام.... خرجو من الريسطو تفارقات مع صحاباتها وهي تسمع الكلاكسون موراها مدارتش وبدات كتزرب فالمشية حتى جات قدامها الطموبيل... عصام: (حل الشرجم) ههههه مالك خايفة زيدي نوصلك اريج: (قلبها بدا كيضرب) ااه نتا هدا... مشات حلات الباب ودخلات وهو يديماري عصام: اوى الالة اريج اش كتعاودي اريج: (مزنكة) والو ونتا عصام: هانتي تشوفي الخدمة والمشاكل اريج: وي بالصح مزال ممتيقة بلي جاد ورقية مزوجين عصام: هههه غير تيقي راني كنت شاهد على زواجهم اريج: اوكي مي بقات فيا دبا هي كيسحابليها انها غلطات وحملات عصام: اوى الصبر معندنا منديرو اريج: داكشي لي كاين عصام: خلينا من هادشي وهضريلي على راسك شوية اريج: احم شنو غنقول عصام: بغيت نعرف كلشي عليك.. شنو كتبغي شنو مكتبغيش.. مرتابطة ولا لا اريج: (يا ربي نكون كنعجبو) نو انا ممرتابطاش عصام: (فرح) ممم اوكي.. انا عارض عليك للعشا اليوم اريج: (😍😍😍) ممم اوكي عصام: ندوز عندك مع 8 اريج: واخة عصام: وعطيني نمرتك اريج: اوكي ******* ... حاسة بقلبي غادي يخرج من بلاصتو.... بعد دقائق وصلها للدار توادعو ومشات دخلات غطير بالفرحة وهو غادي وكيضحك.. *عند رقية* كانت ناعسة حتى كتحس بيد كتسارا فوجهها وجسمها حلات عينيها..
