جاد: حياتي انا: (دموعي نزلو) وي جاد: (هزليها وجهها لقا دموعها هابطين) ماالك انا: هادشي لي درنا حرام😢😢 جاد: ششش صافي عفاك ويلا بغيتي نتزوجو دبا ماعنديش مشكل انا كنبغيك انا: والديك مغاديش يقبلو تزوج بوحدة بحالي😔😔 جاد: اش هاد الهضرة راه نتي اشرف وحدة سمعتي وهاد الهضرة دخليها لراسك ياله نوضي دوشي ولبسي باش نمشيو انا: لا الى قالو شي هضرة مغاديش نتحمل غير خليني جاد: صافي انا هضرت ياله.. هزني دخلني للدوش دوشليا وخرج حطلي الحوايج ودخل هو دوش... انا لبست حوايجي وقلبي كيضرب مقاداش وخايفة من ردة فعلهم.... عند جاد لي لبس وتقاد وعيط لباباه خبرو بلي كاين وعاد مشا لعندها جرها من يديها ومشاو.. ركبو وهو يديماري مرة مرة كيشوف فيها كيلقاها كتلعب بيديها من التوتر.. معجبوش الحال فاش قالت علاقتهم حرام.. وهو ميقدرش يشوفها هكا داكشي علاش بغا يدير هاد الخطوة لي جات فوقتها باش يحميها من داك الشخص... وصلو للدار شدها من يديها وجرها دخلو لداخل كيف العادة العائلة مجمعة جاد: السلام الكل: وعليكم السلام جاد: (جلس وجلَّس رقية حداه) احم انا ورقية بغينا نقولو ليكم شي هضرة بابا: الله يسمعنا خبار الخير جاد: حنا قررنا نتزوجو.. غير قالها قلبي بدا كيضرب محسيت براسي حتى شديتلو يديه وانا مزيرة عليها حس بيها جاد وهو يغمزهم.. العائلة شافت فحالتها بقات فيهم حيت كانت باينة عليها الخلعة... شوية سمعت الزغاريت هزيت راسي لقيت ماما وخ. حورية وخ. سعاد وعمتي كيزغرتو... جات خ. حورية عنقاتني خ. حورية: مرحبا بمراة ولدي.. الله يسهل عليكم..... انا استغربت من ردة فعلهم كون مكنتش حاملة غادي نتقبلها... بالخلعة لي كانت فيا طحت سخفت..... هزها جاد حطها فوق الفوتوي جابت صفاء الماطريال ديالها قلباتها لقات الضغط نزليها.. مبغات دير ليها والو حيت حاملة.. جابو الريحة بداو كيشموهاليها شوية بدات كتحل عينيها.. بابا: بنتي باش كتحسي انا: (بصوت خافت) انا بخير خ. حورية: الله ابنتي طيرتيها منا جاد: اجي نطلعو ترتاحي... هزها جاد طلعها للبيتها حطها فوق الناموسية... رتاحي انا غنمشي نجيب العدول انا: بهاد السرعة جاد: مبقيتش قادر نصبر غادي نتزوجو دبا وفاش تولدي غاندير لحبيبتي احسن عرس انا: (عنقتو) كنبغيك جاد: (فرح) وانا كنموت عليك... مشا جاد وانا تكيت حاسة بلي هادشي لي كندير مزيان.. مبقاش هامني ولد من هادا لي فكرشي قد مكيهمني انني نكون بجنب جاد... غفات عيني وانا مبتاسمة.... *عند جاد* خليتها فبيتها ونزلت عندهم بابا (يوسف): ولدي كيغادي دير تزوجو ونتوما ديجا مزوجين انا: غادي نتفاهم غير مع شي 2 رجال يمثلو وصافي ع. ادريس: وعلاش باغيين تزوجو انا: (اش غادي نقوليك نعست مع بنتك) احم مبغيتش نخلعكم مي ولد هداك لي كان خاطف خالتي ليلى لقا رقية وهادي 2 مرات كيتعرضليها وفاش جبدتها من لابيسين راه هو لي كان دفعها وهي دبا حاملة متقدرش دافع على راسها.. وانا خاصني نحمي مرتي وولدي خ. ليلى: (بخوف) اش بغا من بنتي انا: كنظن باغي ينتاقم مي متخافيش انا غنكون معاها ديما وغير نتزوجو انمشيو نسكنو فداري جات فالخرجة دالمدينة مغاديش يلقاها بابا: واخة يكون خير ياله سير جيبهوم واجي انا: اوكي... مشيت تافقت مع 2 ووريتهم عقد الزواج وبلي راه غير فقدات الذاكرة داكشي علاش عاد ارتاحو وقبلو رجعنا للدار دخلت خليتهم فالصالون وطلعت عند حبيبتي حليت الباب...
