بقاو كيدوزو جوج بجوج ورقية حداهم كتعطيهم التعليمات شوية حسات بمعدتها تقلبات... مشات كتجري للطواليط شافها جاد وهو يتبعها... وصلات بدات كترد وجاد حداها كيدوز يديه على ظهرها حتى كملات وغسلات شد فيها جاد داها للمكتب ديالو جاد: شوية دبا انا: حركات راسها ب اه جاد: دبا 7 هادي اش بانليك نمشيو للدار دوشي وتبدلي حوايجك ونمشيو للطبيب انا: علاش جاد: باش نطمأن عليك انا: بلاش راني مزيانة جاد: ديريلي خاطري عفاك انا: واخة ياله جاد: (فرح وهو يشدها من يديها) ياله زيدي... ركبو فطموبيل ديال جاد وشدو الطريق للدار من بعد دقائق وصلو.... دخلات رقية دوشات وجاد مشا للدوش الاخر..كمل ولبس حوايجو وهو يمشي وجد الفطور شوية هبطات اميرتو باسليها راسها وجلسها جاد: عرفتي صحتي مدكدكة انا: اففف سمحلي عفاك راك عارفني كنت معصبة من هاديك وفشيت اعصابي فيكم كاملين.. عنقاتو بقا كيضحك على تصرفتها جاد: مكاين مشكل ياله فطري باش نمشيو انا: اوكي... فطرت وحنا نوضو مشينا للكلينيك ودخلنا عند اخصائية دالنساء.. بقات كدوزلي وجاد فوق راسي جاد: عفاك ادكتورة راه كتجيها الدوخة والردان حشاك.. وغير معصبة حتى من ولدها مبقاتش كتحملو انا: (خنزرت) اش كتقول جاد: هاا شفتي طبيبة: ههههه الله يخليكم لبعضياتكم.. ومبروك عليكم المدام حاملة انا: (بصدمة) كيفاااااش جاد: (الضحكة وصلاتلو للودن) الحمد لله الحمد لله.. تمنيت نحضر لهاد اللحظة حيت فحملك اللول gاع مكنت معاك انا: 😢😢😢😢 واش انا بالصح حاملة جاد: (كيمسحليها دموعها) هههه اه احبيبتي... عنقاتو وتحشات فصدرو كتبكي وهو كيضحك عليها انا: (هزات راسها شافت فيه) غفلتيني اولد الحرام.. انا راني كنشرب الكينة جاد: ههههههههه وانا مالي طبيبة: ههههه راه هادشي كيوقع عادي.. المهم راه صحتك نتي والجنين مزيانة مي قللي من العصبية ديالك جاد: سمعتي اش كتقول انا: (منفخة) اه جاد: (حابس الضحكة) ياله زيدي نمشيو... شكرو الطبيبة وخرجو داها للدار وصلو وهبط كيجري هزها... دخلها للدار وحطها فوق الفوتوي جاد: شنو تشهات حبيبتي انا: مبغيت والو جاد: (باس كرشها) انشوف بنتي الحبيبة اش بغات انا: شكون بنتك جاد: نتي غادي تولدي بنت انا: (بعصبية) لا غادي نولد ولد والانثى الوحيدة لي غتكون فحياتك هي انا
