دخلات الكوافورة بدات بشعري دارتلي بروشينغ ونضت لبست قفطاني باش عاد درلي مشيطة... لبست قفطان (الصورة) ورجعت جلست قداتلي المشطة ودارتلي مكياج خفيف وقداتلي ضفاري لبست طالون فالبيض... مشات الكوافورة ونضت انا مشيت عند حبيبي جود عوناتني ماما لبستو جبادرو جا كيوت هزيتو من بعد مارضعتو ونزلنا لتحت شافني جاد ابتاسم وجا لعندي باسني فراسي جاد: كتحمقي احبيبة انا: حتى نتا احبيبي... شدني فيدي ومشينا جلسنا جات العائلة تسالمنا وتعرفت على شي ناس بقينا مجمعين حتى كنقشع حمزة كيهضر مع رؤيا وبديت كنضحك حيت هي حشومية بزاف.... حمزة: رؤيا علاش كتهربي مني رؤيا: (متوترة) لا غير جابليك الله حمزة: (تنهد) اوكي... جرها من يديها وخرجو للجردة اللورانية رؤيا: علاش جينا لهنا حمزة: كنبغيك رؤيا: الصدمة والصمت حمزة: كنبغيك من اول نهار حطيتي رجلك فهاد الدار ومن اول نهار شافتك عيني دخلتي هنا (شير لقلبو) مقديتش نقولهاليك ديك المرة وندمت حيت مشيتي ومكان عندي حتى نمرة تيليفون ديالك.. انا كنبغيك ومباغيش نتفلا نتمنى تعطيني فرصة... غير كمل هضرتو وهي تسخفلو بين يديه تخلع حاول يفيقها ووالو ناض هزها بالخف ركبها الطموبيل وديمارا للكلينيك... وصل هبط هزها ودخل شافوه الفرمليات خداوها من عندو ودخلوها عند الطبيب وبقا هو كيتسنا برا.. شوية خرج الطبيب حمزة: مالها شنو وقعليها الطبيب: ماشي شي حاجة غير نزليها الضغط راها بخير تقدر تخرج دبا حمزة: شكرا... دخل عندها لقاها ناضت حدرات بغات تلبس صباطها وهو يشدها جلسها وهز الصباط لبسوليها... اما هي زادت تصدمات للمرة الثانية حمزة: (شدليها يديها) خلعتيني عليك رؤيا: (تزنكات) احم ياله نرجعو حمزة: (تنهد) اوكي... مشاو ركبو من بعد دقائق وصلو نزلات رؤيا بالزربة دخلات وقلبها كيضرب بالجهد فرحانة حيت لقات شخص كيبغيها مي خايفة دير شي خطوة تندم عليها.. انا: جاادو جاد: نعام اروحي انا: عييت جاني النعاس جاد: صبري احبيبة حشومة الناس جاو على قبلنا وحنا نطلعو نخليوهم مجاتش انا: مممم اوكي معرفت فين خالتي مزال مجات جاد: تلقايهم فالطريق متنسايش راك عرضتيهم فاخر لحظة انا: وي عارفة مي راه مع الشغل نسيت جاد: ماشي مشكل.. هانتي هاهي جات انا نمشي عندها نجيبها انا: اوكيي... جات خالتي فاطمة وسفيان وعمر وملاك شافتني جات كتجري ملاك: (عنقاتني) توحشتك انا: حتى انا الزويونة لباس كيغادة مع القراية ملاك: هاء راه العطلة دبا ولا نسيتي انا: ههههه وي بالصح نسييت خ. فاطمة: (عنقاتني) بنتي توحشتك انا: حتى انا اخالتي متصوريش شحال.. فرحت حيت جيتو سفيان: زيانيتي العفريتة انا: (عنقتو) اجي الهبيل راك ضسرتي عمر: هههه برهوش رجعتي كتعرف تهضر انا: عمر مبغيتيش تسلم عليا عمر: اوى كنتسنا نوبتي انا: هههه اجي لمك لهنا انا راه غضبانة حيت مجيتيش عندي عمر: (عنقني) والله اختي ملقيت الوجه باش نجي فاش عرفتك فقدتي الذاكرة انا: غير كنضحك معاك... طلعت راسي لقيت جاد مخنزر وانا نطلق عمر ....: فاطمة.... دارت خالتي وبالصدمة سخفاتلينا انا: اويلي خالتي مالها
