وصلت لعندو وانا نتصدم لقيتو معنق بنت وهي كتقولو توحشتك تبلوكيت بقيت غير واقفة كنشوف.. هز راسو شاف فيا وهو يبعد عليها انا حدرت راسي ومشيت لطموبيلتي جيت نحلها وهو يشدني جاد: رقية راك فهمتي غلاط انا: جاد... البنت: (قاطعاتها) حياتي شكون هادي.. باينة عاد خدمتي هنا المهم انا الضابطة ريم انا: وانا مالي سوقي فيك ريم: نو نو خاصك تحتارمي لي اعلى منك فالرتبة جاد: ريم سكتي شوية وسيري لخدمتك ريم: واقولي شكون هادي لي شاد فيها بعدا انا: (ببرود) بنت عمو صافي تهنيتي ريم: (بضحكة صفرة) اووه غادي نوليو صحابات حيت قريب نولي زوجة ولد عمك انا: (تصدمت مي مابينتش) مزيان نخليكوم دبا.. ركبت قبل مايجاوبوني وكسيريت... رقية ياك قتليك متعلقيش بيه هاهو صدق قرب يتزوج ونتي جالسة كتحلمي بعرسكم ششششش صافي تهدني ماماك هي لولى.. مشيت تغديت ومن بعد دزت للمول خديت حوايج وكساوي فالالوان وصبابط على حساب خدمتي ساليت شفت الساعة لقيتها ل5 مشيت بالزربة للدار حطيت داكشي ولبست كولون فالكحل مع تيشورت فالكحل ومكتوب بالبيض مع سبرديلة بيضة عاد شريتها درت نضاضري ومشيت للصال وصلت مع 6:45 مشيت نيشان عند المديرة المديرة: مرحبا انسة نور انا: ميرسي المديرة: زيدي معايا نوريك القسم انا: اوكي.. مشينا دخلنا لواحد القسم وعيني كتقلب غير على الشخص لي بَغا حتى شفتو فرحت عرفاتني عليهم وبدورهم رحبو بيا مشات المديرة وانا نوقف انا: (بابتسامة) انا سميتي نور مدربة الرقص جديدة ديالكم نتمنى نكون فالمستوى وبغيتكم تعرفوني براسكم الى سمحتو...بدا واحد بواحد كيعرف راسو حتى وصلت للبنت لي بغا البنت: انا سميتي نهال انا: متشرفيين.. ياله نبداو دبا المهم انا غادي نطلق اغنية وغادي نشطح عليها ويلا عجباتكم الرقصة ندوزو للخطوات نتعلموهوم الكل: اوكي... طلقت الموسيقى وبديت كنرقص تفكرت ماما حيت هي لي علماتني فاش ساليت لقيت كولشي مصدوم الكل: (كيصفق) واااااو الولد (علي): وااو بغينا نتعلمو هاد الرقصة نهال: وييي راك واعرة حسن من المدربة السابقة انا: (بابتسامة) شكرا.. ياله دبا نتعلمو الخطوات..... بديت معاهم خطوة بخطوة حتى حفضوها الصراحة اول مرة نستمتع سالينا وحنا نعاودوها كلشي فرح حيت تقن الرقصة.. توادعنا خرجت وهي تعرضلي المديرة المديرة: (بابتسامة) الصراحة بهرتيني وحتى المتدربين عجبهم الحال ان شاء الله غدا نقادو الوراق انا: (بفرحة) اوكي.. ركبت طموبيلتي وهو يعيطلي عصام بلغني بلي كاين اجتماع وضروري نحضر مشيت بدوك الحوايج وصلت للمركز حيدت تيشورت بقيت غير باكس بيضة ودخلت لقاعة الاجتماعات كان كولشي تما والدراري تصدمو شافوني لابسة البيض وكانت حتى ديك ريم الرئيس: بما ان كولشي كاين دونك نبداو.. وصلاتنا معلومات بخصوص عملية كبيرة دالمخدرات انا: (بصوت جدي) ديالمن هاد العملية الرئيس: البوص سعيد التازي انا: (بصدمة) خو حسن الرئيس: وي وكاينة اليوم مع 12 دالليل انا: ممم نواعدك انني غادي نشد الشحنة كاملة مي مابغيتش نشد البوص ريم: هادشي غادي يقررو العقيد جاد والضباط ماشي ملازم الرئيس: (كيشوف فريم) شكون هاد الملازم ريم: هادي الرئيس: كتقصدي الجنرال رقية الملقبة بالتنين الاسود.. ريم تصدمات وبدات تصفار وتخضار.. نرجعو لموضوعنا علاش مبغيتيش تشديه انا: نقدرو نهدرو بوحدنا الرئيس: اوكي تفضلي للمكتب.. مشيت انا وياه دخلنا للمكتب انا: كنعتادر منك مي انا بديت الخدمة على هاد القضية لقيتيني ياله جيت منها الرئيس: كيفاش اينا خدمة انا: قضية سعيد بالنسبة لي هاد القضية مهمة بزاف حيت ماشي غير قضية تهريب المخدرات وانما انقاد عميلة الرئيس: (باستغراب) اينا عميلة انا: العميلة ليلى البناني اخت رئيس المخابرات الامريكية محمد البناني وفنفس الوقت الام ديالي الرئيس: (بصدمة) كيفاش ليلى هي ماماك مي ماتت هادي 6سنين انا: حتى انا هادشي لي كنت كنعتاقد مي فاش شديت حسن عرفت بلي غير مخطوفة الرئيس: شحاال خدمنا انا وماماك فعلا كانت من افضل العملاء لي خدمت معاهم.. صافي ابنتي انا مستاعد نعاونك تلقايها واصلا كنتيق فيك دونك ديري لي بغيتي بلا متشاوريني انا: شكرا بزااف انا غنمشي نستاعد الرئيس: اوكي بالتوفيق انا: ميرسي.. مشيت دخلت لعندهم مشفتش جهة ديال جاد وخا حاسة بنضراتو كترقبني انا: (بصوت صارم) بغيت عصام وحمزة وعادل وزياد وجاد ورانيا وجيهان ومراد الباقي يخرج ريم: علاش حنا منشاركوش انا: (ضربت يدي مع الطبلة) فاش انا كنهضر الكل كينفد تحركي خرجي.. خرج كلشي وهي منفخة مكرهتش نتفها
