جاد: (جا يخرج وانا نتعلق فيه) اش بغيتي انا: خلينا نعومو شوية جاد: هي لي ماتعاودش.. حيدت دوك الحوايج بقيت غير بدوبياس... اهياتا اش كاديري انا: (ببراءة) والو بغيت نعوم على خاطري جاد: وانا منبقاش فيك مسكين انا: علاش مالك😇😇 جاد: (حيد تيشورت بقا غير بالشورط) اجي لهنا نقوليك مالي انا: (عقت بيه) ههههه لا لا بعد مني خليني نعوم على خاطري.. بعدت عليه وهو يجي لعندي وانا نهرب بقينا هكاك حتى عييت هزيت راسي مبانليش شوية وانا نتجبد من رجلي... نزلت لتحت وانا نلقا جاد لي جبدني حاوطني بيديه وبدا كيقرب وانا النفس مبقاتليش حس بيا وهو يطلعني انا: اووف كنت غنموت جاد: (عضني ففمي) متعاوديش تقولي هاد الهضرة انا: (عنقتو) كنبغيييك جاد: (حشا راسو فعنقها) وانا كنحماق عليك... درنا ليبيتيز عاد طلقني طلعت دوشت ولبست حوايجي شديت تليفوني وبديت كنتفرج حيت قبل مانخرج من ديك الدار ركبت كاميرا *عند البوص* وصل للفيلا دخل بدا كيعيط ووالو حتى واحد مكايجاوبو نزل لتحت وهو يلقا الباب مكتوب بالدم تصدم من داكشي دخل بالزربة وهو يلقا داك المنظر قلبو تهز من بلاصتو واول مرة يحس بالخوف بالاخص فاش عرف بلي التنين الاسود لي دار هادشي.. عيط لرجالو و ولدو.. شوية تجمعو كاملين فهد: (مصدوم) بابا اش هادشي البوص: معرفتش جيت لقيت هاد المصيبة وحتى من ديك العميلة معرفت شنو وقعليها فهد: وشكون دار هاد الحالة البوص: مشفتيش الباب مكتوب فيه التنين الاسود غاضب فهد: ك..كيفاش دبا جا دورنا ولا شنو البوص: (بعصبية) اصلا معرفتش كيفاش حتى وصل لهنا.. دخل حل الكاميرات وبدا كيشوف حتى شاف ولدو معاه نور (رقية) مي وقت الجريمة لفيديوات تمسحو... اجي نتا جبتي نور لهنا فهد: اه علاش البوص: واش تسطيتي ولا مالك.. باينة هي لي دارت هادشي فهد: 😂😂 من نيتك ابابا نور هي التنين الاسود البوص: ممكن تكون خدامة معاه كلشي ممكن.. اجيو نتوما لهنا الرجل: نعام اسيدي البوص: بغيتكم تجيبولي نور دبا الرجل: واخة... مشاو وهو جلس كيفكر ويخطط نرجعو عند رقية لي شافت وسمعات كلشي انا: ممم وصلت الوقيتة بالزربة.. دارت اتصال وهبطات لتحت ماهي الا دقائق حتى عمرات الفيلا بالطموبيلات ونزلو منها رجال كل واحد قدو قد الحيط انا: كنظن عارفين علاش عيطت ليكم... بغيتكم تمشيو لقصر ديال العائلة تحرسوه واي واحد خرج يمشي معاه 4 على الاقل ويلا متقدوش نزيد معاكم رجال اخرين الشاف: (حادر راسو) بلاش مدام رقية حنا قادين ومتخافيش كلشي غيكون تحت السيطرة انا: (بصوت صارم) نتمنا حيت الى وقعات لشي حد شي حاجة متلومو غير راسكم الشاف: كوني هانية.. جاد كان ياله خرج من الدوش وهو يطل لقا الجردة عامرة وهو ينزل جاد: حياتي اش هادشي شنو واقع انا: بامكانكم تمشيو ونبغي كلشي يكون هو هداك ولا نتوما عارفين اش غيوقع الكل: (فدقة) حاضر شاف انا: (درت لعند جاد) اجي ندخلو ونهضرو
