انا: احم كيفاش كنتي معجب بالتنين الاسود جاد: (عرفها بغات تبدل الموضوع.. وقف جلس حداها) كنت متشوق نعرف شكون هو التنين الاسود.. حيت كنت كنسمع بزااف دالحوايج عليه وكيفاش قدر يتغلب على اكبر مافيا فامريكا.. مي اخر حاجة كنت نتوقعها ان التنين الاسود هو بنت عمي انا: ممم اوكي جاد: نقدر نسولك انا: ويي جاد: علاش قتلتي حسن انا: (تعصبت حتى رجعو عيني حومر) ماشي سوقك.. عفاك خرج بغيت نتكا جاد: (تعصب حيت هدرات معاه بديك الطريقة) اوكي.. خرج وزدح الباب تكيت ودموعي نازلين معرفتش ماما فينها بقيت كنبكي حتى نعست مافقت غير على صوت الهضرة نضت هزيت تليفوني ونزلت بديت متبعة الصوت حتى لقيت جاد مع واحد البنت والولد جاد: (شافها وهو يسها فيها كانت كيوت فحوايجو وشعرها طايح وكتحك فعنيها) البنت: (بقات كطلع فيها وتهبط) شكون هادي جاد: (عاد فاق) هادي بنت عمي رقية وهادي خدامة معايا رانيا وهدا خوها وخدام معايا عماد عماد: متشرفين رقية انا: حتى انا جاد: (دار ليا بيديه زعما نجلس حداه) رقية اجي جلسي.. يديك مزال كضرك انا: نو مزيان دبا رانيا: (منين خرجاتلي هادي عاود) اه نسيت مقتليكومش سمعت بلي التنين الاسود جا يخدم معانا انا متشوقة نتعرف عليه عماد: وي حتى انا سمعتها غير الله يدوز هاد الخدمة على خير رانيا: اوى حنا كنديرو خدمتنا مغادي نخليو حد يتحكم فينا.. ديزولي حبيبة كنهدرو على الخدمة ونتي مكتفهميش هادشي انا: وي بالصح مكنفهمش غير كملو هدرتكم.. صونا تليفوني هزيتو غير شفت شكون صونا جيت نوض وهو يشدني جاد جاد: جلسي وهضري راك مزال مريضة.. شفت فيه ومافيا لي يدابز بقيت جالسة وانا نجاوب انا: الو ...: فينك من البارح وانا كنقلب عليك انا: احم انا عند جاد ...: اجي دبا للمركز هانا انصيفطليك طموبيل انا: نو مقداش خلي حتى الغدا ...: ياك لباس واش مزال مريضة انا: شوية متخافش عليا ...: اوكي رتاحي دبا انا: اوكي جاد: شكون هدر معاك انا: (قربت لودنو) الرئيس ديالي جاد: ياكما كاين شي مشكل انا: معرفتش قالي نمشي عندو مي مقديتش انا: (قاسلي جبهتي) فيك شوية دالسخانة هانا جاي.. غير مشا وهي تنطق ديك البنت رانيا: (مفقوصة) علاش جالسة معاه فالدار انا: (ببرود) علاش كتسولي رانيا: اوى شفتك جالسة معاه ولابسة حوايجو بيناتكم شي حاجة انا: ونتي سوقك اش دخلك فهادشي عماد: احم غير فضول وصافي.. مجاوبتوش بقيت جالسة كنشوف فيهم حتى جا جاد وجاب معاه كيس مثلج جلس حدايا وحطولي فوق راسي جاد: تبغي طلعي ترتاحي انا: (بعفوية) فيا جوع جاد: اوكي نطلبو بيتزا انا: ويي.. جاد عيطليهم ودموندا البيتزا عماد: كيفاش وقع ليديك انا: حادثة وصافي رانيا: (تعصبات من البرودة ديالها وحتى من جاد لي لاصق فيها) المهم نخليوكم هاد الساعة جاد: جلسو تغداو معانا رانيا: نو بلاش حتى الغدا ونتلقاو ياله باي جاد: اوكي ان شاء الله.. مشا خرج معاهم للباب ورجع لعندي.. اوى قوليلي اش بغاك الرئيس ياكما حيت قتلتي حسن انا: لا علاش اصلا ماشي اول مرة كنقتل شي حد فالتحقيق جاد: (تصدم) شحال قتلتي من واحد انا: معرفتش مكنحسبش.. علاش مصدوم شنو سمعتي على التنين الاسود جاد: سامع غير على شخصيتو والقوة ديالو مي معمري عرفت شنو كيوقع فاش كيشد المجرمين انا: اوى هانتا عرفتي دبا..
