صبح الصباح فقت لبست حوايجي وركبت طموبيلتي مشيت للفيلا ديال البارح وصلت استقبلاتني الخدامة وطلعاتني لبيتي لقيت كسوة ديال العرس جاتني البكيية... لبستها جاتني فنة ودرت الطرحة قاديت مكياج خفيف.. شوية وهو يدخل حبيبي جاد كان لابس كوستار كحل مع قميجة فالبيض وبابيون كحلة جا واعر جاد: (فرحان) احح اقلبي دبا نتي غادي تولي مراتي😍😍 انا: (تزنكت) جااد جاد: يخليلي الفنون لي كيحشم ياله واجدة نهبطو انا: وي😇.. شديت فيدو ونزلنا كانو تلاتة دالبنات واقفين وفيديهم سلة عامرة بالورد وجالسين كيلوحوه علينا.. وصلنا للصالون وانا نتصدم الياس: (عنقني) هاي هاي على ختي كبرات وغادي تزوج انا: 😢😢 الياس: هههه وصافي البكاية مبروك عليك عصام: (عنقني) مبرووك اختي جيتي غزاالة انا: الله يبارك فيكم شكرا حيت جيتو الياس: علاش شحال عندنا من رقية جاد: ياله اجيو نجلسو راه العدول كيتسنا.. جلسنا حدا العدول لي قال الهضرة الاعتيادية.. سنينا ودبا وليت زوجة جاد العلمي.. الياس وعصام كانو هما الشهود العدول: مبروك عليكم اوليداتي جاد: الله يبارك فيك.. مشا جاد مع العدول ودعو ورجع لعندي الياس: تهلالي فختي وعنداك تقلقها جاد: واش كاين شي حد كيقلق قلبو عصام: الله يخليكوم لبعضياتكم ويدومها محبة انا: امييين.. ودعناهم ورجع لعندي جاد: (عنقني) ممتيقش بلي نتي دبا مراتي وحبيبتي انا: حتى انا ممتيقاش.. الله يخليك ليا جاد: (باسلي راسي) ويخليك ليا... بقا كيشوف فيا ويبتاسم ابتسامة فهمت اش كيقصد بها انا: (وقفت) احم انا نايضة خاصني نمشي راه غادي نتلقا فهد جاد: (غوبش) كيفاااش انا: نتا عارف هادشي داخل فالخدمة وماعندي ماندير جاد: (تنهد) غير على قبل ماماك اما والله مانخليك تشوفيه انا: (عنقتو) كنبغيك جاد: 10 ماتفوتيهاش سمعتي ل10 تكوني هنا انا: (درت التحية) حاضر شاف جاد: ياله طلعي بدلي حوايجك وهبطي نتغداو بعدا انا: اوكي حبيبي... طلعت بدلت حوايجي ونزلت لقيت الغدا محطوط جلست حدا حبيبي تغدينا جيت نوض وهو يشدني جاد: فين غادة ياك حتى العشية عاد غادي تلقاو انا: (توترت) دبا انا خاصني..نمشي...حيت جاد: سكتي سكتي ونتي جالسة كتفتفي عليا هنا... غير جلسي وتهناي راه مغنقيسكش منبغيش حبيبتي تمشا مشية عوجة قدام الناس انا: علاش غادي نتمشا عوجة جاد: (طلق ضحكة شريرة) هاهاهاها.. اش هاد البراءة انا: (فهمتو وانا نرجع حمرة) حشم شوية جاد: يخليلي الحب الحشمان... بقينا هكا هضرة مني هضرة منو وديما كيحشيلي الهضرة حتى خفت وبغيت نهرب.. هكا دازت العشية عاد طلقني باش نمشي... وصلت للدار بدلت وانا نمشي نتلقا بفهد...
