دازت ايام واليوم كمل ولدي حبيبي 40يوم... كرشي تحيدات ورجعات كيف كانت... فقت بكري طرينيت شوية وانا نطلع دوشت ولبست حوايجي هزيت ولدي لبستو ونزلت مشيت للصالون درت لاصيغ لجسمي كامل ومساج.. فورمتي رجعات مقادة مشيت للدار ملقيت حتى واحد استغربت عيطت لماما قالك هي مشات عند خ. فاطمة ومعرفتش لاخرين فين مشاو... طلعت لبيتي دوشت مي مقستش شعري لبست بيجامة خفيفة وتكيت فوق الناموسية حدا ولدي جود حتى داتني عيني.... فقت على صوت الحركة فالبيت لقيت جاد خارج من الدوش لبس شورطو وجا تكا.. هزيت جود حطيتو بلاصتو ورجعت عند جاد... عنقتو من اللور وكندوز يدي على وجهو انا: حبيبو مالك جاد: والو غير بغيت نعس انا: (بحزن) اوكي.. حيدت يدي ورجعت اللور تكيت وبقيت كنشوف فظهرو.. معرفت مالو بديت كنبكي وهو يدور جاد: مالك انا: والو😢 جاد: اففف.. ناض لبس حوايجو وخرج انا تصدمت معمرو مدار هكا زدت فوتيرة دالبكا حتى نعست.... صبح الصباح فقت لقيت جاد ناعس ولايح يديه عليا ووجهو حاشيه فعنقي.. ابتاسمت بستو فحنكو.. دورت يديا وزيرت عليه.... حس بيها جاد وهو يتنهد ناض بعد عليها ودخل للحمام دوش وخرج لبس حوايجو مشا باس ولدو وهو يخرج... رقية بقات مصدومة من هادشي لي واقع ولحد الان مزال معرفات سبب ديال هاد التغيير... ناضت توضات وصلات صلاتها هبطات لتحت لقاتهم مجمعين كيهضرو غير شافوها سكتو... انا: صباح الخير الكل: صباح النور.. جلست فطرت معاهم وخرجت للجردة.. تبعاتني ماما ماما: بنتي مالك انا: جاد بعد عليا ومعرفت مالو😢😢 ماما: ششش متبكيش ابنتي تلقايه غير مع الخدمة انا: شحال هادي وخا خدام كان كيعطيني وقتي ماما: عرفتي شنو ياله نوضي معايا انا: فين ماما: سيري لبسي وبراكة من الاسئلة انا: واخة... طلعت لبست حوايجي هزيت ولدي ونزلت.. ركبنا فطموبيلتي قاديت ولدي مزيان فبلاصتو وديماريت انا: فين غاديين ماما: صالون**** انا: علاش ماما: ونتي غير زيدي... شديت الطريق من بعد دقائق وصلنا وحنا دخلو مشات ماما هضرات مع وحدة تما وهي تجي هاديك جراتني وماما شدات ولدي.... دخلت بغات ديرلي لاصيغ مي لقاتني نقية وهي دخلني بلاصة المساج... بدات ديرلي بواحد الزيوت معطرة فاش سالات حسيت بواحد الراحة وجسمي رجعات فيه ريحة زوينة...
