صبح الصباح فقت شفت الساعة لقيتها 12 انا: ناااري نعست بزااف.. جاااد فييق جاد: مممم انا: نوض احياتي راه مشاا عليك الحال جاد: شحال الساعة انا: راه 12 هادي جاد: (قفز) اويلي.. شفتي لي يبقى متبعك انا: دبا انا السباب جاد: وعلاش شكون مبغاش يطلق الاخر انا: شكرا اسيدي... دخلت للدوش معصبة دوشت وخرجت لقيتو حتى هو مدوش وكيلبس حوايجو مديتهاش فيه لبست حوايجي جيت نخرج وهو يشدني من يدي جاد: سمحيلي مقصدتش انا: طلق مني عفاك جاد:(عنقني من اللور) وصافي احبيبتي اخر مرة كنواعدك... تفكيت منو وخرجت... نزلت وجدت الغذا بالزربة وحطيتو نزل جاد هاز جود جلس بدا كياكل اما انا مقديت مناكول جاد: مغاديش تاكلي انا: مفياش الجوع... خديت جود من عندو رضعتو ونضت بدلتلو هزيت صاكي وخرجت بلا مانهضر معاه مشيت للشركة... جلست كنخدم وانا معصبة شوية جلست بقيت كنبكي حتى ارتاحيت وانا نوض غسلت وجهي ورجعت بقيت كنشوف فجود ناعس هزيتو وبديت كنشم ريحتو... دخلات السكرتيرة السكرتيرة: مدام البوليس بغاو يهضرو معاك انا: خليهم يدخلو.. السلام تفضلو البوليس: مكاين لاش حنا جينا نديوك انا: فين البوليس: للكوميسارية انا: وعلاش البوليس: حتى لتما وتعرفي انا: اوكي واحد الدقيقة نعيط لواحد الصديق يخلي ولدي عندو البوليس: وي تفضلي... عيطت لعمر جا لعندي عمر: ختي شنو واقع انا: والو المهم تقدر تاخد جود لعند ماما عمر: علاش انا: بلا اسئلة واش ممكن عمر: اوكي.. خذا جود ومشا وانا هزيت صاكي ومشيت معاهم ركبنا وفالطريق درت اتصال... وصلنا ودخلوني لواحد المكتب وانا نلقا سناء جالسة ونص فوجهها زرق بقيت كنضحك.. البوليسي: نتي متهمة بالاعتداء على هاد السيدة انا: هههه وشنو اخر البوليسي: (بالغوات) حتارمي راسك انا: (خنزرت) نتا لي حتارم راسك ومتعليش صوتك عليا
