انا: هاااي كتقلبو عليا البوص: (بعصبية) فين كنتي البارح انا: علاش بغيتي تعرف واصلا نتا سوقك فهد: (مصدوم) نور اش هاد الهضرة كتقولي حشومة انا: (ببرود) انا ماشي نور انا رقية العلمي بنت ليلى البناني لي خطفتيها هادي 6سنين... لا لا مالكم مصدومين البوص: شد هادي نمشي نعيط للرجال.... شدني فهد من يديا بجوج من اللور فهد: (كيهضر فودني) يا خسارة بغيتك من قلبي انا: هههه شكون لي خاصو يحشم انا ولا نتا شكون خاطف ام لاخور ها.. سكت وانا نضربو جا طايح على الطبلة وهو يسخف... دخل البوص وجهو صفر فاش لقا gاع رجالو طايحين شوية بانلو ولدو طايح والدم خارجلو من راسو انا: مالك مخلوع.. ممم نزيدك معلومة اخرى انا التنين الاسود البوص: ك..كيفاش انا: (جلست فوق الكرسي ودرت رجل فوق رجل) وانا لي قتلت خوك وقتلت عشيقتك وغادي نقتلك من هنا لدقيقة.. عندك شي حاجة بغيتي تقولها البوص: (كيسرط ريقو) علاش شنو درتليك انا: هههه شنو درتيلي.. جمعت الضحكة.. خطفتيلي ماما قدام عيني وكتسول.. حرمتيني منها 6سنين... نتا السباب باش انا وليت قاصحة مع الناس هكا البوص: هاهيا ماماك معاك عفاك ابنتي خليني عايش انا: دوماج تسالات دقيقتك باااي... ضربتو جبتهالو فالراس كنت عوالة نعدبو مي عارفة جاد مغاديش يخليني شوية هاهو حبيبي دخل كان مخلوع جيت نمشي عندو وهو يشدني شي حد من اللور ودارلي الفردي فوق راسي فهد: يتحرك شي حد نخوي هادا فراسها ياله حيدو من الطريق... جاد تخلع واشار للضباط باش يخليوه يدوز وداكشي لي كان... فهد بقا غادي وحاط الفردي فوق راسها حتى وصلو للطموبيل ركبو وهو يكسيري... جاد مشا تبعو بسرعة... فهد: تقت فيك وخدعتيني انا: من نيتك كتحاسبني ونتوما لي حرمتوني من ماما فهد: هانتي دبا قتلتي بابا ارتاحيتي انا: اه ارتاحيت فهد: انا مزال كنبغيك خلينا نهربو ونعيشو حياتنا وانا مستاعد ننسا هادشي انا: بلا ماتبقا تحلم انا اصلا مزوجة فهد: (بصدمة) كيفاااش😨😨 انا: اه وراجلي هو لي تابعك دبا فهد: (بعصبية) والله لا خليتك ليه... طرت عليه بقيت كنضرب فيه شوية هزيت الفردي ضربتو للرجل فقد السيطرة على الطموبيل جيت نسوg مي والو ملقيت كيف نديرلها.... *عند جاد* وصلت دخلت للجردة وانا نلقا gاع الرجال طايحين مشينا نيشان دخلنا وانا نلقا البوص ميت وحبيبتي واقفة شافتني وهي تجي مي قبل ماتوصل شدها هداك وحط الفردي فوق راسها قلبي تهز من بلاصتو خوينالو الطريق وهو يديها ومشاو ركبت طموبيلتي وتبعتهوم... شوية كنشوف الطموبيل كتلعب فالطريق بقيت كندعي مايوقع ليها والو... حتى كنشوف الطموبيل طاحت بالصدمة شديت الفران مقديتش نزيد... الدراري هبطو كيجريو بداو كيطلو لقاو الطموبيل كتكركب شوية وهي تسمع بوم صوت انفجار الطموبيل... عاد فاق جاد خرج كيجري شاف داك المنظر وهو يغوت باعلى الصوت بحال الاسد عندما يزأر جاد: رقيييييييية.... طاح على ركابيه كيشوف الطموبيل كلها عافية... بغا ينزل وهوما يشدوه صحابو شوية جات المطافئ طفاو ديك العافية مشا كيجري يشوف وهو يلقا شخص واحد محروق كان فهد.. بدا كيحمد الله وعلم كلشي بدا كيقلب وتزادت فرقة اخرى معاهم... دازو ساعات كلشي فقد الامل الا جاد لي كمل وهو كيقول غادي نلقا حبيبتي.... دور وجهو وهي تبانلو حب حياتو ترسمات على وجهو ابتسامة رضا مي دغيا تحولو الخوف فاش شاف الدم لي كاينزل من راسها... جات الاومبيلونس لي كانت كتسنا يلقاوها هزوها بالزربة ومشاو ركب معاها جاد شادليها يدها جاد: (كيترعد) مغاديش تخليني... مغاديش تخليني نتي واعدتني ياك...... بقا هكا كيعاود نفس الهضرة حتى وصلو دخلوها نيشان للعمليات بقا واقف كيتسنا.. ماهي الا دقائق حتى جات العائلة كاملة والبوديكارد.. داك الطابق كلو عمر وكولشي مخلوع عليها اما باباها جالس فالارض رجليه مبقاوش هازينو.. شوية خرج الطبيب طار عندو جاد: (بلهفة) كيبقات الطبيب: (بحزن) الله يرحمها ويعوض محبتها بالصبر
