انا: (عنقتو) متخافش عليا انا غنبقا حداك حتى نطلعليك فالراس جاد: معمرك طلعيلي فالراس الزوينة ديالي انا: (كنتفوه) جاني النعاس جاد: (ساهي فهاد الملاك لي حداه) ياله احبيبتي تنعسي راك عييتي هاد النهار..هزني.. اوبلا انا: (عيني كيتسدو) هههه كنحماق عليك.. دخلها حطها فوق الناموسية.. واش غتمشي ولا غتبات هنا جاد: لي بغات حبيبتي انا: (مديت يديا بجوج) اجي نعس حدايا حشومة تخليني بوحدي فالدار خليني بعدا غير نولف جاد: (تلاح عليها) ممم نخاف عليك مني انا: (ضميتو لصدري) تايقة فيك جاد: (الله يصبرني) صدرك زوين بحال الى ناعس على المخدة انا: (حابسة الضحكة) الله يمسخك نوض عليا جاد: (زير عليا) لا لا والله منطلقك ديك المرة نعستي على صدري ودبا نوبتي انا: ههههه صافي نعس وخليني نعس جاد: بونوي حبيبتي انا: بونوي.. غمضت عيني وحسيت بجاد هز راسو كيشوف فيا وهو يبوسني ورجع تحشا فيا بديت كنبتاسم وانا نعنق راسو مع انا قليولة وهو تبارك الله يدير مني 10 صدري مبقاش كيبان غطاه براسو..... عند جاد لي بقا متكي مقاداه فرحة وممتيقش بلي ناعس فحضن حبيبتو لي لطالما حلم بها وتمنى غير يشوفها عن قرب ساعة دبا ناعس حداها وحتى هي كتبادلو نفس المشاعر بقا هكاك حتى نعس....... صبح الصباح فقت لقيت راسي محشية فجاد وهو معنقني كان الاحد يعني عندنا عطلة مسخيتش نوض وانا نزيد نقربلو وعنقتو.. حس بيها جاد وهو يحل عينيه جاد: (بصوت ناعس) اش كديري الباسلة انا: (حشمت) ها والو صباح الخير جاد: صباح الياسمين والورد والفل انا: ياله انا نايضة نوجد الفطور.. جيت نوض وهو يشدني جاد: اجي لهنا فين هربانة انا: ا لا لا غادي نمشي نوجد الفطور وصافي جاد: هههه لا والله لا تفكيتي انا: راه هادشي حرام جاد: هههههههههه مك وفاش كنتي ناعسة حدايا ومعنقاني داكشي ماشي حرام اااه انا: (ببراءة) ودبا طلقني ونتفاهمو.. جاد سها فيها وهو يهبط لعندها مغمض عينيه حتى قربليها وهو يقفزو الدقان دالباب جاد: (قفز) شنو واقع اش هاد الدقان انا: نوض عليا نمشي نحل.. حيد جاد ونضت لبست سروال وتيشورت ومشيت حليت الباب تلاحو عليا الجنون ديال الياس وعصام الياس: (معنقني) وااو دارك زوينة.. بلا بيك الفيلا رجعات مضلمة عصام: (حيد الياس وعنقني) توحشتك حبيبتي وينو دارك زوينة بحالك القطيوطة انا: ههههه حتى انا توحشتكوم بزاف الياس: متكونيش قدي ودبا ممفكينش غنجلسو معاك هاد النهار عصام: وي نشبعو منك شوية جاد: (مخنزر) احم احم.. دارو شافو فيه تصدمو وبداو كيشوفو فبعضياتهم اما انا بديت كنشهد فاش شفتو مخنزر انا: (بضحكة صفرة) دخلو جلسو على مانوجد الفطور الياس: (كيشوف فيا) اش كيدير هنا جاد انا: والو جا لعندي وصافي جاد: كنت بايت هنا كاين شي مشكل الياس: اه كااين المشكل علاش بايت معاها ياكما سحابليك معندهاش العائلة انا: الياس... الياس: (قاطعني) نتي سكتي ماشي حيت عشنا فامريكا تفكري انك ديري هادشي وعادي قبل ماتفكري ديري شي حاجة ماشي تال تمة نقطعليك رجليك جاد: (تعصب) جمع فمك اسي وعرف اش كتقول الى نتا ولد خالها راه انا ولد عمها الياس: اييه مي ماشي بحال بحال انا ولد خالها عشت معاها منين تولدت وانا معاها اما نتا ياله عرفتك هادي شهور ومنتيقش نخليها معاك بوحدها عصام: بصراحة اه واخة هضرنا معاك مزيان ديك المرة وفرحنا مي هادشي ميعطيكش الحق انك تبات معاها جاد: (بغضب) ونتوما اش دخلكوم gاع مالها درية صغيرة مكتعرف والو وانا خايف عليها كتر منكوم وغادي نحميها من اي واحد.. عمري نفكر ناديها انا: (بقيت كنشوف فيه كان معصب ومتوتر مشيت شديتلو فيديه) اجي معايا ونتوما زيدو قدامي... مشينا جلسنا فالبيت.. ياله نتوما اعتادرو من جاد ونتا اجاد اعتادر منهوم الكل: (فدقة) لا انا: الى مبغيتوش خرجو من داري ومتحاولوش تعاودو تهضرو معايا جاد: (بقا كيشوف فيها لقاها جدية) سمحولي.. فرحت بينلي بلي بالصح كيبغيني عصام: حتى انا سمحلي الياس: سمحلي انا: (بفرحة) مزيااان ياله انا نايضة نوجد الفطور وياويلكم نسمع شي هدرة...
