انا: (شفت فيه) مدام رقية.. دونك الاجتماع تسالا بامكانكم تفضلو...... ناضت رقية هي وباباها خرجو وبقا احمد مصدوم فاش قاتلو مدام مي دغيا نسا وناض كيضحك فرحان حيت غيخدم معاها.. خرجت انا وبابا للمكتب بابا: ارتاحيت فاش شفتك كيفاش كتهضري معاهم انا: هههه متخافش عليا مي خاصك تبقا معايا شوية حتى نفهم طبيعة الخدمة مزيان بابا: انا غنبقا معاك هاد السيمانة نشرحليك كلشي غير تهناي انا: هي نبداو دبا بابا: قبل بغيت نعرفك على gاع الموظفين.. مبغيتش نعرفك عليهم فقاعة الاجتماعات من الاحسن كل واحد تشوفيه فالبيرو ديالو انا: اوكي ياله... دازو على gاع البيرويات وتعرفات عليهم حتى وصلو لاحمد... بابا: موسيو احمد احمد: (وقف) اهلا سي ادريس بابا: رقية كنعرفك على مدير العلاقات العامة موسيو احمد التازي انا: (مديت يدي) متشرفين احمد: (سلم عليها وهو كيبتاسم) الشرف ليا بابا: اوى نخليوك تخدم مع السلامة احمد: بسلامة... خرجت انا وبابا ومعصبة من نظراتو مكرهتش نطير على والديه... مشيت خديت صاكي ورجعت للدار حتى لمور الغذا ونرجع.... كسيريت للدار وصلت انا وجاد قد قد جاد: (دور يديه على خصري) حبيبتي كيداز صباحك انا: مزيان تعرفت على الموظفين جاد: (خنزر) عنداك تبانليك فشي حد انا: فنظرك انا غنديها فشي حد.. صافي نتا عمرتي قلبي وعيني وحياتي وكلشي.. مبقيتش كنشوف شي حد من غييرك😍😍 جاد: (باسها ففمها) نموت عليك... دخلنا للدار تعاونا فالغذا بجوج وتغذينا.. رضعت ولدي عاد رجعت للشركة... بقيت فالمكتب انا وبابا وهو كيشرحلي طريقة الخدمة حتى وصلات 7.. عيينا وحنا نوضو نمشيو بابا: فهمتي ابنتي شويا بعدا انا: اه ابابا شكرا بابا: انا باباك الحمقة.. دخلنا للاسانسور وهو يدخل احمد😠... غدا ابنتي ونكملو انا: واخا ابابا... احمد جالس كيطلع ويهبط فرقية حمقو جسمها المنحوت وصلو وهما يخرجو بقا تابعهم من اللور حتى تفارقو هي ركبات طموبيلتها وباباها مشا فطموبيلتو.. ومشا حتى هو ركب طوموبيلتو وديمارا لدارو..... وصلت طلعت نيشان عند جود.. المربية مشات بحالها وانا وحبيبي دخلنا للدوش.. دوشنا بجوج غير شافني عريانة وبدا كيبكي حتى عطيتو يرضع عاد سكت... شوية دخل عندنا جاد جاد: (شاد فقلبو) احح اقلبي كتخونيني ومعامن مع برهوش.. مقادرش نتيق اش هادشي كنشوف اربي انا: ههههه والله حتى حمق... شوف بحالك بحال ولدك متخليو الواحد يعوم فخاطرو جاد: (بدا كيحيد فحوايجو) انا جاااااي انا: اللقوى مالك كتغوت جاد: عايري هانا جاي لمك.... كمل تحياد حوايجو وجا لعندنا جاد: (عنقني من اللور) توحشتك انا: رصا راني هازة الولد جاد: ساليتيلو التدواش انا: لا مزال ياله دخلنا جاد: اجي للبانيو حسن انا: اوكي... مشا جاد عمرو ومشيت تحشيت فيه.. درنا جود فوسطنا.. وهو عاجبو الحال كملنا التدواش وحنا نخرجو بثلاثة ملويين فالفوطات... لبست جود هو اللول عاد نضت لبست بيجامة بياسة وحدة كتوصل للركبة نشفت شعري غير بالفوطة.. اما جاد لبس غير شورط... هزيت جود ونزلنا لتحت جاد هز جود وجالس حدايا فالكوزينة وانا بديت كنوجد العشا جاد: كيداز نهار اللول دالخدمة انا: مزيان فالعشية شرحلي بابا طريقة الخدمة وغدا غادي نكملو جاد: مزيان الله يعاونك انا: امين ونتا كيداز نهارك جاد: مزيان راك عارفة غير القضايا انا: عاارفة الله يعاونك...
