انا: اليااااس😢😢😢 الياس: (عنقها) توحشتك الخايبة مالكي وليتي كتبكي بزاف ياكما الحمل اثر عليك... سكت وبقيت كنفكر لقيت عندو الحق انا مكنتش كنبكي قدام الناس ودبا بكيت قدامهم كاملين انا: فين بابا ياكما وقعاتلو شي حاجة الياس: متخافيش ياله نمشيو عندو... ركبنا وانا خايفة يمشي ويخليني... وصلت للقصر لي هربت منو دخلت وانا نلقا بابا جالس ومافيه تاحاجة استغربت شوية خرج قدامي شخص لي غير شفتو اختل التوازن ديالي وانا نسخف... تعرضليها جاد حيت كان موراها وهو يشدها قبل ماطيح بابا: رقية بنتي ماما: هئ هئ بنتي حبيبتي😢😢 جاد: رقية فيقي... هزها طلعها لبيتو وعيطو للطبيب فحصها وعطاها ابرة ماتفيق حتى الغدا ماما: ولدي جاد غير دخل عند مراتك نعس حداها انا حاسة بيك وعارفاك شحال توحشتيها جاد: (فرح) مي اخالتي نتي عاود ماماها غير دخلي عندها ماما: دبا نتا عندك الفرصة تقرب منها غير فاش تكون ناعسة حيت مخاصناش نجيو ونقولوليها هدا راجلك مي انا غدا غادي نهضر معاها جاد: شكرا اخالتي... دخل عندها جلس على ركابيه وبدا كيدوز يديه لي كيترعدو على وجهها وشعرها وكرشها جاد: توحشتك احبيبتي بزاف... الحمد لله نتي باقا فالحياة (كيهضر مع ولدو) ولدي حبيبي عنداك تعيي ماماك ولا غادي نعاقبك راه روحي هادي سمعتي.... هبط لعندها باسها وهو يتحشا حداها عنقها وزير عليها قلبو كيضرب بالجهد.. وشاد يديها كيبوسها.. شوية حشا راسو فعنقها كيستنشق ريحتها لي لطالما كانت كتحمقو.. بقا هكاك فوسط عنقها حتى نعس...... هادشي داز قدام عينين والدين رقية ووالدين جاد... ماما: باينة جاد كيبغي رقية بزاف بابا: (تنهد) عندك الحق نتمنى يسمحلي حيت غوت عليه ع. يوسف: من حقك اخويا حتى انا كون كنت بلاصتك كون درت نفس الشيء خ. حورية: هوما مدارو حتى حاجة غلط بالعكس تزوجو على سنة الله ورسوله.. ونتوما عارفين بلي خدمتهم متسمحليهمش يبينو علاقتهم كنظن خاصنا نسمحوليهم ونعاونو رقية حتى ترجعليها ذاكرتها ويتجمعو بجوج ماما: عندك الحق اختي.. ياي غادي نولي جدة انا وياك شرفونا هادو خ. حورية: هههه بالعكس شحال وانا كنتمنا نهز حفيدي بين يدي والحمد لله قربات الامنية تحقق وحتى مراة ولدي فنة ومصوابة ماما: ربي يخليك اختي حتى حنا منلقاوش ولد بحال ولدكم بابا: وشوف حنا فين وهوما فين ع. يوسف: هههه هادو هوما العيالات خ. حورية: دخلنا عليكم بالله فين غتلقاو نساب حسن من بعضياتكم.. الرجال بقاو كيشوفو فبعضياتهم لقاو عندهم الصح بابا: اييه عندك الحق مي كان من الاحسن يعلمونا من اللول ماشي يحطونا تحت الامر الواقع ماما: تفكر بلي قريب تولي جد وغاتنسا هادشي كامل بالفرحة ع. يوسف: هههه ختي ليلى عندها الحق متشوق نهز حفيدي بين يدي بابا: (بفرحة ممبينهاش) الصراحة حتى انا... صبح الصباح فاق على تحركات ديالها ناض بالخف باسها ففمها وحناكها وكرشها وهو يخرج...... فاقت اميرتنا شافت راسها فين وهي تذكر البارح وبدات كتبكي سحابليها كانت كتحلم شوية بدات كتشم ديك الريحة لي ديما كتشمها وهي تنوض بدات كتقلب حتى لقات داك البارفان هزاتو رشاتو فيديها وجلسات كتشمو... تحل الباب وهو يدخل جاد شافتو وهي توتر...
