دخلت لحمام كاين تما كسلوني مزيان عجبني الحال.. خرجت وهي تشدني دهناتلي جسمي بكريمات رجع لحمي بحال ديال الدراري الصغار وريحة فنة... شداتني وحدة خرى بدات كديرلي ماسكات لشعري حتى رجع بحال الحرير... جاو جوج وحدة شداتلي ظفار يدي ورجلي ولاخرة وجهي... سلاولي شفت راسي فالمراية حماقيت ماما: (باستني) وينو على بنتي رجعات كتحمق انا: الله يخليك ليا اماما ماما: اجي دبا تغذاي راني طلبت الغذا باش نكملو انا: علاش مزال😨😨 ماما: ههههه اه ياله اجي... تبعتها وجلسنا فواحد القنت كانت البيتزا كلينا مزيان وشديت حبيبي جود رضعتو ونعستو حطيتو فالبوسيط ديالو وهما يدخلو 4 دالبنات ماما: اجي ابنتي ختاري شنو عجبك... بقيت ساكتة حتى كنشوف كل وحدة جبدات قفطان كيحمقو بقيت تالفة بيناتهم قيستهم ب4... عجبني واحد جاني مع لطاي ديالي كيحمق.. عطاوني صباط لي يناسبو شوية دخل واحد جايب معاه بواطات حلهم قدامي وحليت فمي كانو دي كوليي مع حلقاتهم وكورميط ديالهم... عجبني واحد غيجي مع القفطان كملو ومشاو انا: ماما شكرا بزاااف ماما: راك نتي بنتي الهبيلة ياله نوضي لبسي قفطانك باش يقادوليك المكياج انا: مي علاش واش كاينة شي مناسبة ماما: اويلي ياويلي مزال مفهمتي انا: لا ماما: بغيتك تباني قدام راجلك زوينة وسيري لدارك ديريلو مفاجأة انا: ويلا معجبتوش ماما: كضحكي عليا انا: هههه صافي واخة... لبست قفطاني وجلست دارولي مكياج مناسب للبسة وشدو شعري دارولي مشيطة زوينة.. كملت ولبست الاكسيسوارات لي ختاريت وصباط طالون ماما: تبارك الله على بنتي ياله زيدي نمشيو راه 7 دالعشية هادي انا: هههه واخة زيدي... ركبنا طموبيل وانا نديماري للدار وصلت ماما وخدات ولدي معاها.. وانا نشد الطريق لداري بغيت حتى نقاد شي حاجات عاد نعيطلو... وصلت وانا نلقا الضو فالدار قلبي تزير عليا وخفت... خديت شهيق زفير وانا نمشي حليت الباب دخلت وانا نتصدم بداك المنظر...
