دخلت لقيت العائلة كاملة مجمعة ولابسين قفاطن وكوستيمات وكيضحكو بقيت مصدومة وكنشوف فيهم باستغراب.. شوية خرج حبيبي جاد لابس كوستيم فالكحل مع قميجة بيضة وداير بابيون كحلة.. جا جيهتي بابتسامة شد يدي باسهوم وباس راسي جاد: حبيبتي جيتي كتحمقي انا: شنو واقع جاد: هههه والو اجي معايا... جرني من يدي طلعنا الفوق لبيتنا لقيت 2 عيالات غلاضات جالسين انا: شكون هادو جاد: (باسلي يدي) ديري داكشي لي غايقولوليك انا خارج كنتسناك... خرج وهي تجي وحدة جراتني المراة: ياله ابنتي حيدي قفطانك وهاكي لبسي هادا... لبست داكشي وبداو كيقادو شوية دخلات ماما والضحكة وصلاتليها للودن انا: شنو واقع اماما ماما: ههههه متاكدة ابنتي نتي التنين الاسود انا: (ضحكاتني) ههههه وعفاك غير ديني على قد عقلي وقوليلي ماما: نزلي لتحت وغتعرفي... دخل جاد كان لابس جبادور شدها من يديها ونزلو والعيالات تابعينهم بالزغاريت انا: (ميمكنش يكون هادشي لي كنفكر فيه) جاد شنو واقع جاد: اليوم احبيبتي عرسنا انا: (وقفت من الصدمة) كيفاش جاد: (حرك براسو للنكافات مشاو) مالك احبيبتي انا: ياك نتا بعدتي عليا ومبقيتيش كتبغيني جاد: ششش اش هاد الهضرة.. انا كنحماق عليك وهاد الايام كنا كنوجدو للعرس بغيت غير يسالي الكونجي ديالك نديرو العرس باش نشدك نخلص فيك ديك 40يوم.. اححح عرفتي شحال وانا كنتسنا هاد النهار انا: (كنبكي ونضحك) هههه حشم شوية جاد: (باسها ففمها) مي بعدا عرفت نمثل عليك وتيقتيني حيت مبغيتش نديرو علاقة قبل العرس.. وخا البارح ديلمك حمقتيني فاش درت لعندك ونتي كتبكي وصدرك باين كنت غنطير عليك داكشي علاش خرجت.. فاش رجعت لقيتك ناعسة وانا نتحشا فيك ياكما نشبع شوية انا: هههه كنمووت فيك... جرها من خصرها وهو يبوسها ففمها بقاو هكاك حتى حيدو الشوق عاد بعدو على بعضياتهم.. شافو فبعضياتهم وبقاو كيضحكو شدها من يديها ورجعها للبيت وقفو قدام المرايا هو مسح العكار من فمو وهي عاودات دارتو وقادات حالتها وهما يتشادو ونزلو تبعهوم النكافات بالزغاريت حتى خرجو للجردة اللورانية لقات ناس بزاف وكلشي كيضحك وفرحان جلسو فبلاصتهم وجاو الناس كيباركو ليهم.. جاد: البنااات انا غضبان منكم رقية: مصدقتوش كدعيو ليا فحبيبي
