أسيرة في موطنك (مكتملة)

البارت الاول

مساء الخير احبتي
اتمنى لكم قراءه ممتعه💕

بقلم:زهراء البياتي

أسيره في موطنك
..البدايه..

ريم..كاعده ع فراش و التلفون بيدي..اكلب بالانستا
و بضوجه..اجاني اشعار من الكاتبه زهراء البياتي
بسرعه ابتسمت
ورحت فتحت المسج..كاتبتلي
زهراء..يلا نبلش القصه
طفرت من مكاني بفرح و ايدي ترجف
بسرعه جاوبتها
ريم..من هسه خلي نبلش كولش متحمسه
زهراء..هههههههههههه تدللين

العوده للماضي....
سنه 1998.. بغداد

ريم..جنت نايمه بالكاع بالصاله و البرد كاتلني..فزيت ع صوت عمتي سناء
سناء..كوووومي لج دكوووومي..تحجي و ترفس بيه برجلها
كمت بسرعه و باوعت عليها بخوف
ريم..عمه نعسانه بس خلنام ساعتين
سناء..بت الكلب مو اشتغل عندج اني انعل ابوج لابو الخلفج..تخصرت و باوعت عليه
كومي يلا جيبي بيض و خبز نريد نزقنب

هزيت راسي بسرعه و كمت شلت فراشي و حطيته ع صفحه..و هيه تفتر و تعيط بالبيت
شكد اخاف من صوتها يرعب الواحد

صعدت فوك و اني حافيه
ادور على الشحاطه مالتي
باوعت ع غرفه بابا و رحت تمشيت على كيف
مديت راسي شفته نايم و خواتي نايمات يمه
بسرعه دخلت ع كيف اخذت شحاطه اختي براء و طلعت من الغرفه

لبستها و رحت للحمام
وكفت ع اطراف اصابعي حته الوح المرايا
و كمت امشط بشعري..ماحب اطلع مخربطه كدام الناس و هذا زيدون يضل يعيب عليه ويكولي الوصخه

سمعت صوت عمتي سناء بسرعه عفت المشط و نزلت ركض
سناء..لججججججج ررررريم وووووجع انزلي
ريم..اجيت عمه اجيت جنت بالحمامه
سناء..تعاي يمي
وكفت يمها بخوف..وهيه لزمتني من اذني
سناء..خبز و بيض و ببببس اذا اشوفج مشتري شي لخواتج لو الج شايفه هاي اذنج اشوي عليها بصل
اني من الخوف بسرعه هزيت راسي

بيبي طلعت من المطبخ تحجي عليها
بهية..ولج ماعندج رحمه انتي هيه طفله كل عمرها 8 سنوات
سناء..لخاطر الله يمه اسكتي انتي
بهية..امداج عابت هل خلقه الله لا يوفق فاروق يوم اخذج و رجعج الي..بس عيني حقه الرجال هو انتي منو يتحملج
سناء..هو محد طيح حضي غيرج
وانتي شكو واكفه تباعين متروحين
ريم..عمه و الفلوس
سناء..هاج

اخذتهن و طلعت بسرعه من البيت
ابتسمت و عدلت ملابسي
و كمت امشي بالشارع و اباوع ع الجهال من يلعبون
بكلبي كلت هسه اني مو هم جاهله و لازم العب وياهم
ك

له من وره عمه متخليني اطلع العب
دخلت للدكان و ابتسمت
ريمد.عمو حسن
حسن..هلا هلت بريمه هلا هلا بقزومتنا هلا تعاي ولج تعاي
رحت يمه و هو شالني بوسني
حسن..شهل جمال
ريم..عمو بارحه سبحت
حسن..عفيه واني اكول شنو هاي ريحه الورد
ضحكت و هو نزلني
حسن..شتردين أمري يا اميره
ضحكت
ريم..اريد بيض انته خلي على صفحه بين ما اروح للمخبز اجيب خبز
حسن..اي بويه روحي و هسه احضرلج احلى البيضات