أسيرة في موطنك (مكتملة)

البارت ٦٧

مساء الخير احبتي
اتمنى لكم قراءه ممتعه

بقلم: زهراء البياتي

ريم..احس واحد يلعب بشعري
عكدت حواجبي..و فتحت عيوني ع كيف.
رفعت راسي..لان جنت نايمه بحضن قاسم وراسي ع صدره.
بس شافني كعدت ابتسم
قاسم..صباح الخير
ابتسمت
ريم..صباح النور

تقرب و باسني من كصتي..و رجع يباوع بعيوني
قاسم..احبج
رجعت راسي ع صدره و ابتسمت بدون ما اجاوبه
ماعرف احس مستحيه و بنفس الوقت فرحانه.
عدل كعدته و دفع راسي منه ع كيف.. اني استغربت و باوعت علي.

راح اخذ تلفونه..و مدري شنو داس و حطه ع اذنه
و بسرعه ابتسم
قاسم..هلا دنوش
هنا اني تخبلت.. مديت ايدي جريت التلفون بس جانت الخلفيه طالعه مطالع و لا اسم و لا اتصال
ضليت صافنه ع تلفون و هو يضحك
قاسم...هههههههههههههههههههههههه..جيبي خلي اخابر حبيبتي
باوعت علي بعصبيه و شمرت التلفون ع صدره
ريم..تره مضحك

قاسم..هههههههههههههههههه شنو تغارين
ريم..اني اغار لا..بس هيه منو هاي دنوش
قاسم..صديقه قديمه..تذكرين السالفه الصارت بالفندق هيه هاي
شهكت و عدلت كعدتي..فاتحه عيوني بصدمه
ريم..هيه نفسها
قاسم..اي اسمها دانيه
ريم..بعدك تحجي ويا
قاسم..لا والله صارلي تقريبا شهرين محاجين
ريم..شهرين؟! يعني قبلها انته حاجي وياها
قاسم..والله ماعندي شي ابد وياها..هيه من ايام الكليه جانت هنا وياي و صديقتي بسس..بعدين انتقلت لبغداد تشتغل بفندق..خطيه حالتها مو زينه ماعدهه بس اخت صغيره و امها.
ريم..خطيه ع روحها
قاسم..اخ
ريم..اي والله
قاسم..ليش بلا..يحجي و هو ضام ضحكته

ريم..بعد ممنوع تحجي وياها اصلا امسح رقمها
انته رجال مزوج
قاسم..فتحت عليه باب بعد مينسد
ريم..سمعتني شكلت
حجيتها بدلع و تقربت منه..هو ضل يباوع عليه و عبالك داخ
ريم..يلا
قاسم..شنو
ريم..طلع رقمها و امسحه
قاسم..و هيج حترتاحين
ريم..اي

ابتسم و فتح التلفون..اني بسرعه لزكت وجهي بوجهه حته اباوع..راح ع جهات الاتصال..و طلع اسمها
جان مسميها دانيه
مسحه و حجه
قاسم..هسه زين
ريم..واذا تخابر عليك
قاسم..اجاوبها
باوعت علي
ريم..شجااااااااوب؟

قاسم..اكللها اني رجال متزوج
كالها و هو يضحك
ريم..بلا شقه..رجعت لزكت وجهي يمه
..بلا شوفني باقي جهات الاتصال
ضل يكلب بالجهات و مجان اكو غير اسمهه هيه بنيه الباقيات خالته و خاله خلود و ماما.
بس انصدمت من قريت اسم.. روحي
ريم..منو هاي
ضغط ع الرقم و اتصل..بسرعه دك تلفوني.

ابتسمت و باوعت علي
ريم..من شوكت هيج مسميني
قاسم..من عقدت عليج
سد التلفون و جرني من خصري و كلبني فوكاه وراهه صار هو فوكايه
قاسم..هسه أرتاحيتي
هزيت راسي بتفي
ريم..لا
قاسم..ليش
ريم..مره كلتلي عندك ٣ حبيبات
قاسم..جنت اريد اضوجج
ريم..يعني ماعندك
قاسم..وداعتج ماكو